[حامد نوار]

اشوف ان النفاق اليوم ماله حـدّ او مقيـاس
فبعضٍ همه الأول يبـي الدنيـا ومـا فيهـا
يخادع نفسه المكشوف لو يضفي عليه لباس
ولو حتـى تستـر بالديانـه بيـن اهاليهـا
الى منّه تحـدّث فالترهبـل مظهـره للنـاس
يغطي ما امترض من نفسه العفنه ويخفيهـا
يحسب انّه غدا السباح في عمق الفكر غطاس
الى منـه بـدى يتفتـف بكلمـاتٍ يواريهـا
ويفتي كل من جاء له من الجهال بالإفـلاس
والى منّك حشرته جهّـز الألقـاب يرهيهـا
فهذا صار علماني وذا فـي نظرتـه بـلاس
وهذا خارجـي ملحـد وذا امريكـا مواليهـا
واذا من قلت له هذا على المله بدا باضراس
فمحدٍ غير من طاوعه بـدروبٍ مشـى فيهـا
فلا هو معترف باللي شهد بالله بليا اوجـاس
كأنه كاشفٍ نفسـه ويـدري عـن خوافيهـا
يفرق امة محمد على اسداس قبـل اخمـاس
تقاتل بعضها عن جهل يفـرح بـه معاديهـا
وهو ماهمّه الحاصل ولا فكر بمـن يحتـاس
والى منه كشف امره ترى الفتـوى يخليهـا
الا ياسرع ما يقلب ويحني هامتـه للسـاس
يقول اني انـا الغلطـان مـا ثمّنـت تاليهـا
بعضهم تقل سحليه ولا له في البشر اجنـاس
تغير جلدهـا حتـى تخـادع مـن حواليهـا
مثل ذولا حجر صوان لاتفكيـر او احسـاس
تبرمج عقله الباطن علـى اطمـاع ناويهـا
حياته كلها فاشل يعيـش الهـم والهوجـاس
لقـى دربٍ تسهـل لـه يطمّعـه بغناويهـا
كفاكم ضحك بدقون الرجال بخطـة الأنجـاس
من اللي ما اهتنوا والدار في الخيرات تجنيها

[حامد نوار]

معادن الناس تظهر لابدت شده
احدٍ اصيلٍ واحد في معدنه داني

[حامد نوار]

بعض الرجاجيل يبقى طفل ما يكبر
عقلـه صغيـرٍ ونزواتـه يقودنـه
يخدعك في منطقه واللبس والمظهر
وتْقول هذا رجل مـا ظنّتـي منـه
يمكن تثق به ويصبح صاحبٍ تفخر
انك عرفتـه وودك تقتبـس فنـه
فبعض الرجاجيل لا منه هرج يسحر
تصدّق بهرجه وما يظهره من كنـه
يصور لك انه مهم وغاطس بابحر
من كثر شغله ويعرف انسه وجنـه
اومر تدلل ولا يهمك فهـو اخبـر
ولو تطلب الشمس يعطيها بلا منـه
ولا من بدا ينصحك في حكمته يبهر
دينٍ بعقلٍ وخبـره ماهـي لسنّـه
ويمكن لأجله تخسْر رجال لك مذخر
ولا تنتبه لين ما افعالـه يكشفنـه
يخور لحظه ويكشف كل ما يستـر
حتى انت صعبٍ تصدق ماروي عنه
ولا من تأملت وحطيته تحت مجهر
تلقاه سوسـه شياطينـه يعسفنـه
ياطيّب القلب ليتك هالزمـن تحـذر
ما كل رجل تثق في قولـه وظنـه
لاتعطي الغير سرك يافتـى تخسـر
ولا يخدعك من يجيد العزف والرنه

[حامد نوار]

من سار في درب النقاء رافع الراس
يحتار فيه الخصـم واللـي معاديـه
كثر العواصف تنفض غبار الادناس
مما علـق بطويـق لحظـة تعليـه
فمن قدر المعروف فارفعـه للـراس
ومن فيه بعض اللؤم فاحذر تماشيه
ومن بانت سنونه مثل اي نسنـاس
ماهوب يضحك فانتبه وش يواريـه
ومن صار طيّب دوم لابـد ينـداس
فالناس ما ترحم لضعفٍ ظهـر فيـه
الناس غير الناس والوضع محتاس
وصعبٍ تلاقي من تحكمـه مباديـه

[حامد نوار]

خلقنا الله بقلبٍ واحد مـا يقبـل استبـدال
واذا منه توقـف نتـرك الدنيـا واهاليهـا
فكم من واحد مشغول في ركضه على الآمال
رحل فجأه بـلا انـذار مـا ادرك تواليهـا
ورغم ضعفه فهذا القلب ياكم شال من احمال
من هموم ثقيله من غثى الدنيـا وبلاويهـا

[حامد نوار]

مـــــــــــن خــلـــقـــهـــا الله مــــــادامــــــت لــــــحــــــد
كـــــــــــل خـــــلــــــق الله تـــــحــــــث رحــــالــــهــــا

والـــبـــقـــى! لـــلـــواحــــد الـــــفـــــرد الـــصـــمــــد
والـــبــــشــــر تـــفــــنــــى وتــــبــــقــــى امــــالــــهــــا

والــســـعـــيـــد الــــــلــــــي يــــــوفــــــق لـــلـــســـعـــد
وكـــــــــل نــــفـــــس(ن) مـــوكـــلـــه بــعــمــالــهــا

[حامد نوار]

حياة الرجل كنها طريقٍٍ وحيش وقـوم
الى سلم من الافعى تجيلـه عقاربهـا
وحياة الرجل كدح وعقيده وفيها سلوم
والى اخطا من الثنتين ويش الحياه ابها
الا جنَب المله ولو كـان خيـره كـوم
وسنـة محمـد دوم يسعـى يحاربهـا
والااخطا من اسلوم القبايل شبيه البوم
فخله على اليسرى وجفـف مشاربهـا
دام الادمي حـيٍ فلالـه الا المقسـوم
ايلين النفوس الخضر تركز نصايبـهـ

[حامد نوار]

عجيـب ياقلبـي وعجبتـك دوبــك
ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك
ماادري بخـلان الرخـاوش مرغبـك
وش ولعـك فـي نـاس ماقلدوبـك
ولاثمنـوا حقـك وقامـوا بواجـبـك
ربعـاً يذريهاالـذرى عـن هبوبـك
خسران لوتشكـي عليهـم مصايبـك
ان كـان ماتلمـس يدينـك جيوبـك
في ذمتـي مامنهـم اللـي يصاحبـك
وان حصلـوا مقصودهـم ربعـوبـك
سووا لك الخط الزلـق ليـن يقلبـك
وعندالنهايـه برقـوا وضحكـوا بـك
كم من ضحـوك ٍيستغيبـك ويشذبـك
اليـوم صدقانـك وباكرحكـوا بــك
وبعدالرجـا منـهـم تكدرمشـاربـك
هراجـة المجلـس ليامالقـوا بــك
شيـاً يقولونـه حـداهـم تنكـبـك
ومالوبسوق المهزلـه ونزلـوا بـك
ضعاف العقول اللي تسولف على الدبك
يحكي بك اللي عاجزاً عـن دروبـك
لافـاعـل ٍفعـلـك ولاهومجنـبـك

[حامد نوار]

راضين بامر مكون الكون راضين
حيث انـه المالـك وحنـا عبيـده
كم راحلً من بين قومن مقيميـن
ومع دورة الايـام شـدوا شديـده
هذا الصحيح انا على الدرب ماشين
ولا وكـاد انـا فقـدنـا فقـيـده

[حامد نوار]

الشعر مانـي مقتـرح دستـوره
ولاني وكيل أدم علـى مذخـوره
ولكن من شـيٍ يحـز بنفسـي
هاضت به افكاري وهي مجبوره