[حامد نوار]

عسى الله يعين اللي عليه الهموم وفود
ترزّم على صدره وضحكته تغشاها

كفيلٍ بها الي يقسم الجود بالماجود
وقال اصبروا..والعبد يجهل خفاياها

[حامد نوار]

لو ( العمر ) ! في دبرة الناس طوّاع
ما شفـت قلـب ٍيشتكي .. اليـوم عله
تدري وش اللي يبسط بكل الاوضاع
الحمد / و التسبيح / و استغفـر اللـه

[حامد نوار]

يا بايع الذمه على شاري العيـب
اترك لحوم الناس ماهـي تجاره

لاتحسب ان الطيب في شقة الجيـب
من شق ستر الناس شقوا ستـاره""

[حامد نوار]

صل وتصدق واترك اللي ينمون
مالك ومال مولف القيل والقال

وابوك وامك برهم لين يرضون
احرص ترا في برهم زين الاعمال

[حامد نوار]

النفس مثل الجو متغيّرة دوم
صحو ومطر وغبار وبرد وحرارة

في طاعة الرحمن تمطربها غيوم
تطفي لهيب اللي شكى حر ناره""

[حامد نوار]

حرارة الفزعه من الطيّب الحار ،
يقوم فيها وجه .. وتبيّض وجيه،

والطيب ما يعرف قبيله ولا دار
لا من لقاله راس نشمي .. سكن فيه ،

[حامد نوار]

ناس تمنى تكسب الطيب مره
و ناس طبايعھا جفا و القطاعه

لا جاك شخصً كافي الناس شره
تشرھ عليه الناس في كل ساعه

[حامد نوار]

آعطِ آلغبي فرصه ليآ من تذآكى
وآفرش على جوّه . . حبآلٍ طويله
و روق على قمـة غبـآه ، وترآكى
وإليآ تمآدى معك : طلع حصيله

[حامد نوار]

عود لسانك في حياتك على قول
شي يفيدك في نهاية حياتك ..

سبح وكبر واذكر الله على طول ..
هذا الرصيد اللي يفيد بوفاتك

[هديل35]

وأكادُ أُومئُ للسَحابة -حينَ أَرغبُ- أن تَسيلا
هل كُلُّ هذَا الحُزنِ لا يكفي ليجعَلني جميلا؟