[همس الوعد]

صباحك يختلف نوره
تفتح ورده و زهوره
تبشر بالهنا طيوره
صباح الخير و سروره

[همس الوعد]

أهديك وردة ياسمين لونها لون قلبك .. تصبح عليك و تقول ياعسى الخير دربك

صباح الشجر و لون الزهر ... صباح الخير يا أغلى البشر*💖

[حامد نوار]

من طاب طبنا فوق طيبه بعد طيب
واللي تردى وش كسب وش خسرنا

دنيا العنا فيها دروس وتعاجيب
وعلى كثر صكاتها .. ما انكسرنا

[حامد نوار]

يامحيي الارض بأمرك من حقوق السحاب
أعوذ بك .. من ذنـوب ٍ عاتقـي ملّهـا

وأعوذ من دعوة ٍ تدعـى ولا تستجـاب
ومن كلمة ٍ مادريـت ابهـا وانـا ازلّهـا

[حامد نوار]

الفكر مرسى والنوايا متاهات ..
والعقل يسبح في بحور التجارب ..

لو كان مابين الخلايق فروقات ..
مايصبح الناجح بفعله "محارب"

[حامد نوار]

سلام ً فيه الوفا والذوق والطيبه
وفيه العطور الفرنسيه لكم مني

تستاهـلـون الوفا وانتم مناديبه
اقولها يا عسى المولى يجملني

[حامد نوار]

العالم اللي عطاها الله ثبات وعقول
اللاش ماتمدحه والكفو ماتجحده

واللي يقول ويقول أسمع كلامه وأقول
سبحان من طول لسانه وقصر يده

[حامد نوار]

لا تجبر الناس فـي رايـك اذا قلته
الدرب يمشي عليه الـدال و التايه

ان ايدوك العـرب فكرك ووصلته
وان عارضوك العرب كلٍ وله رايه ..

[حامد نوار]

اضرب طريق الخير واسلك مسيره
ولا تلتفت للناس عوجاه واقداه
~
ولو طال عمرك عارفٍ وش مصيره
ازبن وليّ العرش واتعب على رضاه
~
وأدّ الفروض الاوله والاخيره
واضف لهن مخافة الله ورجواه ..

[حامد نوار]

ياكبار الكلام و ياصغار العقول
كذبكم ما يحرّك للشموخ شْعره

ماتبور الحقايق والنصيحه تقول
راعي الطيب عزّه والحقير إحقره