[حامد نوار]

قبيله تحشم على شان رجال
ورجال يوجع من فعوله قبيله

[حامد نوار]

إرفع جروحك عن وصال الخناجر
-نزفك عزيز ومثلك النجم لاطاح
ولاتنحني للريح والذّل فاجر-
والخوف ساس الذل والغبن ذبّاح .

[حامد نوار]

لاصار مالك من قريبك موده ... خله ولا تتعب على شان ترضيه
دور لرجل بالنوايب تعده ... يفرح ليا جيته وتفرح لطاريه

[حامد نوار]

الحياه الي بها تاريخ ودروس وعبر .
. ليه ماتصدق مع الي حافظين دروسهآ

لي شهر ولا بعد يمكن اكثر من شهر .
والعرب مدري وراه شاينات نفوسهآ

لآ .. وفيه كويتب مسكين ماصدق خبر .
قآل اهاجم هالحموله واستدر فلوسهآ

كان تقبل راي اخوك اركد ووفر بالحبر .
ولاتعض ايد الكرامه وانت قبل تبوسهآ

ماكبر قدرك الا اننا بنيناه وكبر .
وش تبي بافراح عمانك تجي وتحوسهآ

كان بك سكر وضغط انصحك تاخذلك ابر .
وكان كبدك فايحه غل انتبه لتروسهآ

الحسد والحقد عمره ماجلب لاحد نصر .
والعرب ماهمها ناس تسن ضروسهآ

جيت اقابل هالنعام ولا لقيت الا صور .
تتقي باذنابها وتدس عني روسهآ

خمتن جحادت المعروف قايدهآ عور .
ضيعت وقت الصلآه وضيعت ناموسهآ

جنة الانهار والاشجار والروض الخضر .
ماعلى سكانها من وزوزة ناموسهآ

[حامد نوار]

وما شيئٌ اذا فكرت فيـه
بأذهب للمروءة والجمـالٍ
من الكذب الذي لاخير فيه
وأبعد بالبهاء من الرجـالٍ

[حامد نوار]

يالله تحمينا من أحقاد الأنــــــجاس

أهل القلوب السود قطاعة الساق

ضعوف الرجال اللي بالأقدام تنداس

نقالة النمـــه كبيــــرين الأشــــداق

[حامد نوار]

والحرق باللمسة ماهو مثل ميسام
لا وسمّت في الصدر كوية وحرّة

بعض البشر فرقاه عيدٍ للاعوام
*ماغير *نسمع غيبِته والتشرّه

لابد تلقى فالبشر مثل الالغام
ينهيك لامن طرّوا اسمك ومرّه

اما يجي حاسد ولا جاك لوّام
يبحث عن الزلة وضيمك يسرّه

[مغروره وعنيده]

ياساهرين الليل كلن معه عذره
في ٺالي الليل كلن في عالم ثاني
احدن مں الٺفكير يسهر لـ بكره
ۈاحدن يرقعها يقول النوم م جاني

[حامد نوار]

دام النوايا سـود وأهدافهـا جـرد
نوحي على غصـن النـدم ياحمامـه

يا اللي زرعت الشوك ماتقطف الورد
لوتسقـي أشجـاره ليـوم القيامـه

العمر لويشفع لوجهـة نظـر فـرد
قبلك شفـع لأبليـس عـود الندامـه

واللي خلق يوسف خلق قبله القـرد
يـا الله عليـك العافيـه والسلامـه

لاتحسب إن المرجله طاولـة نـرد
حظـك نصيبـك طيـب وإلا رخامـه

لو إنها تشحن على الباخـره طـرد
كل ٍ شرى له مـن طرفهـا عمامـه

عشقة حليف الجود ومصخّر الشّرد
حـرٍ يمـوت ولاتمـوت الكـرامـه

ولا أقول أنا اللي حارد ٍ خامها حرد
أنـا فهيـم وغيـري أكثـر فهامـه

من لايشب النـار مايطـرد البـرد
يدفن وبـرده جامـد ٍ فـي عظامـه

ونهاية الموضوع لو طوّل السّـرد
حقي على وجـه الزمـان إبتسامـه..

[حامد نوار]

الكبير الله ولاغيره كبير

والكرامة له ولا غيره أحد

من تعدى في حدود الله صغير

مايروح بعيد لاحان الوعد