[حامد نوار]

لاهنت يامقدّم لي النصح لاهنت
هذا مزاجي ما أغيّر مزاجي

انا كذا وإلاّ كذا كيف ما كنت
اعالج المجروح وانسى علاجي"

[حامد نوار]

عرفت الرفيق الي فداني بحال ومال
وعرفت الرفيق الي عيونه على الصده

ياكثر الارقام الي تخزن على الجوال
وياقل الرفيق الي معك .. حزة الشده

[حامد نوار]

سقنا فعول الطيب لو الزمن شاح
(على الوفا بروس المراقيب نرقى )

لا احدن يقول ان الوفا بالزمن راح
( دوّرو من دوّر مع الناس يلقى")

[حامد نوار]

اسجّ واغفا واسرح شوّي وآفيق
واروق لو ماني بصوب الرواقه

وان جيت ابكشف ماتكن المعاليق
تحكمني سلوم العرب واللباقه

[حامد نوار]

اشوم عن مجلس الحقران والهذره
ابوي مبطي عن الهذرات وصاني
والوقت مايامن الرجال من غدره
والراس ماينحني كان الله أحياني

[حامد نوار]

خلّك من الـ "قالوا" و "كانوا يقولون"
أبغى الأكيد اللي عليه إختيارك

بعض الأوادم .. بالحقايق يزيدون
وانت الوحيد اللي تحدد قرارك

[حامد نوار]

على رجاء القادم و نسيان مافات
أجامـل الأيـام .؟ ما جاملتني .؟

أضحك و أبرر للعنى و المعانات
و أشيل همي ما تعب منه متنتي

[مغروره وعنيده]

لا صار همك يشابه بالألم همي
إحذر من الناس وإبدا بالذي يمّك
لاتقول مايذمّني لأنه : ولَد عمّي
أحيان .. مايخذلك , إلا ولَد عمّك

[حامد نوار]

لا تجي مكسور ، تسأل عن قرار
بيع من باعك و إشتَر مشتريك

إنسى أحزانك وإللي صار / صار
كل شي مكتوب لك لازم يجيك

طيح واقف مهما فيك الوقت دار
كون شامخ مهما دار الوقت فيك

وخل هالكلمه في بالك بـ إختصار :
( حاجتك للناس محسوبه عليك )

[حامد نوار]

لاتتبـع المقفــي ولــو كنت تغــليه
تتبع المقفي مـن صــفات المهونه

من كــان يوفـي بالمحــبه بنــوفـيه
واللي صــدق بالحــب لازم نصـونه

ومــن بــدل الأحــباب لازم نخــليه
ونمسح هوى قلبه ورسـمه ولونه

ونكتب ســطورواضـحات تجـــافـيه
بيعــه مثــل مـابــاع بــاللي يبـونه

من يرخصك بالقلب ياكيف تشـريه
قلبك تــرى يقــدر يكمــل بــدونـه

ماكــل من باح الهوى صــادق فيه
صـدق الهوى يعـرف بنظرة عيونه

واللي صــفا لك لازم انك تصـافيه
لاتظلـم احسـاسـك بيوم وتخـونه

صـعب تلاقي لك صـــدوق تخاويه
الـــوقت هـــذا كــاثرات طعـــونه