[روضة 23]

في قديم الزمان اقتسم سكان العاصمة الجزائر المكان

فاصبح للرجل الشارع و للمراة السطح.

وبما ان كل البيوت متراصة سمح ذلك للنسوة بالانتقال عند بعضهن البعض

و اثناء اجتماعهن كانت البوقالات سيدة الجلسة

حيث تنوي الواحدة بينها و بين نفسها ان تهدي البوقالة لأحدهم

و يقال أنها كثيرا ما كانت " أي البوقالة " تعبر عن حالة صاحبتها.


أما فائدتها فكانت حينها السلوة الوحيدة لنساء العاصمة.

**


فالبوقالة من التقاليد العريقة في العاصمة الجزائرية

حيث كان النسوة يتفنن في ابتكار الحكم

" على الطريقة الجزائرية "

فإليكم بعضا منها

كل واحد يدخل يختار رقم ثم يبحث عن بوقالته

و ان شاء الله تكون فال خير عليه


باسم الله بديت ..و على النبي صليت ...هذى البوقالة نويت...


1/هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

وحكمتكم : بئس الطعام الحرام

**

2/لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.



و حكمتكم :تجنب شؤم الهزل ، و نكد المزاح.

**
3/طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.

**

4/رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.



و حكمتكم : جد بالكثير ، واقنع بالقليل


**


5/مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .



و حكمتكم : الحازم من كتم سرّه

**

6/يما يما ديريلي تويقة في وسط الحديقة باش نشوف زهرى كي تجيبو ذيك الوريقة.



و حكمتكم : الخَرَسْ خير من الكذب .

**

7/ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .



و حكمتكم : دُل على الجميل بجميل خلالك

**

8/عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.



ربما أراد الأحمق نفعك فضرّك

**


9/الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.



وحكمتكم : زين النّطق الصّدق .

**


10/خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .



و حكمتكم : سرور الدنيا كأحلام النائم .
**


11/الناس تنده بالرجال و الوالي ، وانا ننده بربي العالي .



وحكمتكم : الشكاية سلاح الضعفاء .
**



12/حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.



و حكمتكم : صداقة الجاهل تعب .

**


13/كلام على كلام و الكلام على سقيلة ، العين في العين و الدّعوة مقبولة.


و حكمتكم : ضالة الكريم حسن الثّناء.
**


14/يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .


و حكمتكم : طوبي لمن شغله عيبه عن عيوب الناس

**


15/محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .



ظلم الضعيف أفحش ظلم

**

16/لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .



وحكمتكم : العين بريد القلب .

**

17/قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.


و حكمتكم : الغفلة غرور.

**


18/جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

وحكمتكم : الفقه جيش لا يهزم
**


19/جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.



وحكمتكم : القريب من قَرُبَ نفعه.

**

20/امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .



وحكمتكم: كرام الناس أسرعهم مودّة.

**



21/نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.


وحكمتكم : لين الكلام قيد القلوب.

**


22/سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .



و حكمتكم : المشقة كلها في تأديب الجاهل .


**

23/خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .



و حكمتكم : النفس مولعة بحب العاجل .

**


24/خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.



وحكمتكم : هيهات من نصيحة عدوّ.
**


25/دارنا في الجبل ، مقابلة مكة ، مفتاحها من ذهب ، يشعل ما يطفي .



وحكمتكم : الوحدة خير من جليس السّوء


سلامي للجميع

[Ŝђǿǿq Ťąbσύĸ]

يعطيكِ العافية روضه23
حلوه اللهجه الجزائريه رغــم إن بــعـض الـكلمات مـافهمتها

[روضة 23]

السلام عليكم ورحمة الله وبركاته


تسلمي يالغالية انت ختاري وحدة وراح اشرحهالك بالعربي

[Ŝђǿǿq Ťąbσύĸ]

اللـه يسلمك ...
إخـتـرت رقــم 8

[روضة 23]

عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

هذي البوقالة تقول يعني راح اشرحها على حسب ما فهمتها
"عسل يا عسل في باقة خضرا" انت عسل يا عسل في مكان اخضر يعني جميل

"ياشميمت العاشقين يا قمرا" انت الكل يحبك يا قمر

"حلف سيد الملاح ما يرأس أمر غير إذا جات غزالته باش تكمل الحضر" حلف سيد الجماعة مايرأس امر الا اذا جاءت غزالته يعني حبيبته حتى تكمل القعدة

هذا لي قدرت عليه ياحبيبتي

[Ŝђǿǿq Ťąbσύĸ]

رووووعه ... صــحيــح
الحيــن فهمت ...
تسلميــن يــالـغلا عـلى الـشرح

[روضة 23]

الله يسلمك يالحبيبة

راح اقولك شيء حتى احنا في الجزائر احيانا ما نفهم لهجات جزائريين في مناطق اخرى

كل ما حتاجتي شيء انا في الخدمة

[iimdisk2]

شكرا عالموضوع الواجد حلو والله انه كله جديد في جديد

[روضة 23]

المشاركة الأصلية كتبت بواسطة iimdisk2 شكرا عالموضوع الواجد حلو والله انه كله جديد في جديد

تسلمي حبيتي مشكورة لمرورك الطيب

[فوزية الجزائرية]

مرحبا بنت بلادي

جميلة بزااااف صح هالبوقالات معروفة بها بنات العاصمة في منطقتنا غير موجودة
جزاك الله خيراحبيبتي