[+مشاعل+]

الســـــــــــلام عليـــــــكم

قصيدة غارقة بالرومانسيه حالمة ورقيقة ..ابدع شاعرها في كتابتها كعادته مبدع دائما ومتفرد ..

اســــتـــــمـــــتـــــعــــوا مـــــــــــعـــــــــــي :

\
/
\
/
\


يا أنيقة آسف بشدة على هالحوسه
غرفتي تشبه كثير أوضاعي المحيوسه
ما توقعتك ابد بتجين.. فاجأتيني
عالعموم الله يحيي الطله المحروسه
وقفي.. لحظات بين عيوني التعبانه
لين ارتب لك اريكة قلبي المشموسه
واجلسي بين الزراير والحشا الافريقي
واذني للبكي.. بيذاكر معاك دروسه
شاعرك فوضاه علمته يرتب حبك
انتي ثم الحزن.. ثم دموعه المحبوسه
والدموع اللي على وصلي ووصلك تنزل
ترفع بنزولها.. اعلامنا المنكوسه
هذا انتي ماني مصدق ولاني مكذب
آآآه من برد الجفا ورياحه المتروسه
وايه حنا ناس غير الناس يا حوريه
رووسنا ماهيب لضعاف البشر مريوسه
لا افترقنا نبتسم.. واليا التقينا نبكي
ويافديت جنوننا واشياءنا المعكوسه
مرحبا ترحيبة البدو العزيب الرحل
بالمطر لا اروى الهشيم الماحل المعبوسه
صح هذا انتي وهذا عطرك.. السمياكي
وهذي بوهة وجهك اللي بالضحا محموسه
وهذي ربطة شعرك البيضا وذي خصلاته
كنها في زيت زيتون الشفق مغموسه
ما تغيرتي وهذا المعطف العنابي
وهذي ساعة يدك المحظوظه المنحوسه
لاهي اللي طالت اصابعك واتشابكها
ولاهي اللي قريبه من عاتقك وتبوسه
وهذي مشيتك اللي من صغرك ما غيرتيها
هالبشر يخجل يضر القاع ولا يدوسه
الجمادات الرذاذ تهمس لامريتي
مرحبا.. يالناعس.. المحشومه.. الطاووسه
قولي والله انك انتي معي ماني مصدق
لاتلومين الحواس الشرد المهووسه
كل ما غنن لي الغيد بصوت مواصل
شلها قلبي وركبها على منكوسه
صورة فالبال لك كم عام تتخيلها
اقرب احيانا من المحسوسه الملموسه
وانتي لو ماكنتي فيدي ولا كنتي لي
لحظتك عن عام كل ليلية مع.. عروسه
لأنك الافخم اسم والابسط انسانيه
ولأنك الوجه التقي والطيبة المغروسه
ولأني احبك محبة عمق ماهي نزوه
اسمى من حب الجسد واهل الهوى ونجوسه
يا انيقة آسف بشدة على هالحوسه
لهجتي تشبه كثير اوضاعي المحسوسه
ما سألتك ليه جيتيني ولا ضيفتك
مابي اخرب على جو الوصل وطقوسه
ليه جيتي اسألك وانا اعرف وش جابك
طاب شجر الغاب والحطاب قرب فوسه
لا تقولين اني ارخصتك وانا ما ارخصتك
ولا تقولين اشتراك المشتري بفلوسه
ولا تقولين ان هالمرة هي آخر مره
اتركي لي حلم بعد احلامي الميئوسه
انا شاعر حلمه اللي سوى منه شاعر
الذهب.. والعالم الجديد.. دم ضروسه
يا انيقة لوخذوك وسافروا بك عني
الارض صدري والسفر من قوسه الياقوسه
ليت صيت الجد ما ينفع سخيف احفاده
وليتها هالحين وان لكل شارب موسه
وليت.. نقطه نقطه نقطه نقطه نقطه نقطه
مابي اغلط فالزمن والعالم المنفوسه
ماعرف شاقول.. ولا اعرف ويش اسوي
الحزن طلت من ابواب الليالي روسه
انسي كل اللي حصل هاللحظة وضميني
يا خسارة عمري اللي راح وياناموسه
والله ان امه دعت له تحت باب الكعبه
واحد حطك ف بيته يالغلا.. عروسه
.
.
ســــعـــــد عــــلـــــوش

[صانعة في الحياة]

سعد علوش شاعر بكل ما تحمله الكلمه

يعجبني الشعر المصور يخليك بالجو غصب

شكرا لك سمعتها منه على التلفزيون :)

يعطيك العافيه على الاختيار الموفق

لك تحياتي

[همس العليل]

السلام عليكم
وووووووووووووايد حلو يااخيتي
و زيدينا
و تقبلي تحيتي

[+مشاعل+]

المشاركة الأصلية كتبت بواسطة الشــاهينة الأزديــة يـا وّيريـّا :) .. أقول الصراحة ؟ ما عجبتني .. اللي عجبني حضورك أختي مشاعل بس وأنتظر جديد أختيارك ..

أختي الشاهينة تشرفت بأطلالتك على موضوعي واختلاف الاراء لايفسد للود قضية .. ارحب دوما بك وبآرائك


بس ((( ياويريــا))) <<<<==== مافهمت وش يعني ؟؟

[+مشاعل+]

المشاركة الأصلية كتبت بواسطة صانعة في الحياة سعد علوش غني عن التعريف

المشاركة الأصلية كتبت بواسطة صانعة في الحياة يعجبني الشعر المصور يخليك بالجو غصب شكرا لك سمعتها منه على التلفزيون :) يعطيك العافيه على الاختيار الموفق لك تحياتي

أختي الغالية صانعة صدقتي سعد علوش علم من اعلام الشعر ولايحتاج تعريف..

أشكر لك مرورك واعجابك ..

وانا متأكدة بأن القصيدة منه افضل بس يضل الابداع ابداع ..!

[+مشاعل+]

المشاركة الأصلية كتبت بواسطة همس العليل السلام عليكم

المشاركة الأصلية كتبت بواسطة همس العليل وووووووووووووايد حلو يااخيتي و زيدينا و تقبلي تحيتي

الأحلى مرورك العذب . مشكورة .....

[**غيوض**]

صح لسان قايلها

وسلمت يمين ناقلها

شكرا

[الســـ بنت ـــلامي]

حاستنا هالقصيده

يسلمووووووووو
تقبلي مروري

[نبض الحرف]

ماعرف شاقول.. ولا اعرف ويش اسوي
الحزن طلت من ابواب الليالي روسه

[Ŝђǿǿq Ťąbσύĸ]

صـح لـسان شـاعــرهـا ســعــد عـلـوش

وتـسـلم يـدك عــلــى هـالنقـل ...

وربـي ذوق هـالقـصـيده وهــذا مــوغـريـب عــلى الــشــاعــر ســعــد

هــالإبــداااع والــتــمــيــز ...

يعـطـيــكِ العـافيه +مشاعل+

عــالــقــصــيــدة ...

وهــذا يـدل عــلـى ذوقــكِ الـراقــي ...

لـكِ ودي