[queen5001]

بتمنى من الجميع يدخل و يقول اي نوع من الاطفال
كان

الطفل البريء ...

في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..




الطفل العنيد ...

يطبق نظام البيت بالعكس .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..




الطفل الحنّـان ...

يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر ..



الطفل المادي ...


هذا الطفل مايرد السلام الا ( بفلوس ) ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..



الطفل الفتّــان ...


تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..




الطفل الدلوع ...

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..




الطفل العله ...

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..




الطفل الداج ...

هذا الطفل مستحيل يجلس في المنزل ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..




الطفل الملسون ...

يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..



الطفل اللزقه ...

تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليش تأخرتوا عليّ ..




الطفل الهادي ...

هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..



الطفل القوي ...

اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..

موضوع خفيف منقول

[بنت الإمارات]

ههههه .. موضوع ظريف.. اتوقع اني كنت حنانه..!!
مشكوره على النقل.. بعض الانواع مصيبه خاصه الفتان واللزقه .. الله لا يبلينا

[حربية]

الف شكرعلى الموضوع اناكنت عنيده وداجه عشان كذاجربت كل انواع الضرب من امي العزيزه مع هذاكله الا اني كنت خوافففه بس البركه في بنات الحي

[صانعة في الحياة]

أنا مازلت طفلة :)

شكرا لك وتقبلي تحياتي

[queen5001]

شكرا لك بنت الامارات والحربيه وصانعه في الحياه
واحلى شي ان مانفقد الجانب الحلو في طفولتنا يااحلى بنات

[حنـــ ـــ ـــان]

السلام عليكم
انا يمكن كنت هاديه :) <<< امححححححق

[queen5001]

ها وينكم يا اطفال زمان الحلوين

[ميم سين]

ههههههههههههههههههه
اول ماقريت الموضوع وانا افكر
ترى الاقي الطفلة الملسونة
عاد عرفتو اي نوع كنت
بس والله مؤدبة
كل مااجي افتح فمي الاقي امي عيونها اربع اربع
وانا مقدر امسك لساني بس احيان افرمل
بس الصراحة مو فاهمني غير ابوية
مخليني على راحتي ويقول لحد يقولها شي (يؤبشني)
يعني واضح من كلامي اني دلوعة ابوها
بس خلاص نسيت نفسي على بالي موضوع باكتبه
نسيت انه رد
يوووووووه معليش نسيت اتشكرك عالموضوع
موضوعك حلو خلاني انفعل بقوة
اعذريني على الاطالة<<<<<<<<<<<< مومصدقة نفسها

[هدى الله]

وأين نوع الطفل الذي تأكل القطة لقمته!

[queen5001]

مشكوره اخت حنان امحق ههههههههه
اخت ميم سين اهههههها عشان كذا طلعت لبقه وفيلسوفه ههههه
اخت هدى الله اما هذا الطفل اعتقد انه نوع نادر عشان كذا بندخله في نوع الطفل الهادي عشان نضطهده مزبوط هههههه