[المتــفـــــــائـلــــــه]

بسم الله الرحمن الرحيم
السلام عليكم ورحمه الله وبركاته

احب استشيركم ف موضوع!؟

انا وحده ماعندي شخصيه بالعربي ضعيفه شخصيه اخاف من كل شئ

ماادري السبب من خواتي او من اخواني
بتقولون وش دخل خواتي .. اختي الكبيره دائما تقارني بالبنات اللي اصغر مني تبي تحرني وتقهرني صرت اكره كل البنات
وتقول هذي تزوجت وهذي كبرك تزوجت وهذي حلوه..

حتى صديقاتهاا اذا قابلتهم تسألهم مين احلا انا ولا اختي هذي ميدهاا انا يقولون لا انتي اكيد واختك مملوحه .. تقعد تكرررها وتصدع راسي انا ماااغار بس بتخلي الغيره فيني تنبت!!!

وحده من قريباتي تزوجت ودائما تذكرها قدامي وانا ع طووول يتغير ملامح وجهي وشوي وببكي كيف اتصرف كيف اوقفها عند حدهااا كرهتني بالجلسات صرت مااحب اجتمع ومااحب اسولف معاها اخاف اجيب سيرتهااا ويضيق صدري واقعد طول اليوم متضايقه وكارهه عيشتي ،،...،، *لدرجه انهاا تقول لاختي الصغيره واوو محلوه اليوم لازم تقول هالكلام قدامي وتكررهااا انا والله مااغار من اختي الصغيره بالعكسس احبهاا بس هي تبي تسبب الغيره بيني وبينهااا .. قولوا لي كيف اتصرف معاهاااا ابي اصير قويه والله صرت ماادبر شؤني ولا حتى لي راي ماااعرف اقول رأيي دائما متردده اوووف مليت

ابي اخليها تنكسسسر قدامي كرهتني بنفسي صرت متحطمه .. وش اسوي معاهاا؟! *

[طبيزه]

السلام عليكم ورحمة الله وبركاته ضحكتيني والله هذي زي اختي ماعليكي منها هذي مريضه ربي خلقك كذا والزواج نصيب وصدقيني هي مقهوره منك وتغار كثير واكبر دليل ماعندها ثقه بنفسها دايم تسال من احلا حاله الله المستعان طززززز اهم شي ياقلبي ثقتك بنفسك وماعليكي منها اعتبريها مريضه وتاكدي انه الجميله في الاجمل منها وماحد كامل

[أم لورين]

يا بنت الحلال قولي لها كل شي قسمه ونصيب وأنا مو قاعده على قلبك

[المتــفـــــــائـلــــــه]

المشاركة الأصلية كتبت بواسطة طبيزه السلام عليكم ورحمة الله وبركاته ضحكتيني والله هذي زي اختي ماعليكي منها هذي مريضه ربي خلقك كذا والزواج نصيب وصدقيني هي مقهوره منك وتغار كثير واكبر دليل ماعندها ثقه بنفسها دايم تسال من احلا حاله الله المستعان طززززز اهم شي ياقلبي ثقتك بنفسك وماعليكي منها اعتبريها مريضه وتاكدي انه الجميله في الاجمل منها وماحد كامل

وعليكم السلام ياقلبي ،، هي مو مريضه انا بعلب ع نفسي اذا قلت هالحكي انا اللي تعبانه نفسيه منهاا
كرهت نفسي تعرفين شنو كرهت نفسي هي اللي سببت لي امراض صرت اشيل هم الروحه لهااا حتى اذا جيت بيتهاا تحاول تستفزني صارت تنبصت اذا فتحت مواضع زي هذي ياربي ماادري كيف اتخلص منها والله اهي اختي وارحمهاا بالعكس مابي اذيها بس هي ماترحمني بذات انا احسهاا تكرهني ودها تحطمني ،، وع فكره ماتوقع اختك مثل اختي ،، حتى ماتدافع لي قدام الناس اذا صار تشابك ف الكلام وسوء رأي او فهم تقعد تناظر فيني وتضحك مع اختي الصغيره قدام الحريم مو هذا يقلل من شخصيتي مو هذا قهر وذل

بليز مابي احد يدعي ع اختي مهما كان هذي اختي بس ابي حل كيف اتصرف هي مو مريضه هي بكامل قوها العقليه

[المتــفـــــــائـلــــــه]

المشاركة الأصلية كتبت بواسطة أم لورين يا بنت الحلال قولي لها كل شي قسمه ونصيب وأنا مو قاعده على قلبك

مااقدر اتجرأ وقول لها هالكلام بتعرف نقطه ضعفي وبعدين انا اخجل لما اقول كذا
مااحب طاري الزواج ،، لدرجه تقول ان شاء الله زوجك يسوي لم كذا وش بيكون ردت فعلك
بصرااحه يطيح وجهي ،، بالعربي انا خجووووووله ومحد واقف معااااي . ماادري يمكن ماعرفت اوصل الفكره لكم

عالعموم شكرا للردود.

[【 ثبات الجبال 】]

حبيبتي الغالية المتفائلة ، اسمحيلي ان اقول لك انت رائعة انت متميزة ماشاء الله تبارك الله .

لا عليك من اختك ، دعيها تقول ما تقول هل تعرفين لماذا لا نك انت انت المتميزة وتميزك هو الذي يجعل اختك تقول ما تقول ، سأقول لك شي ابدأيها انت بالحديث عندما تقول فلانة تزوجت ، قولي انت نعم وفلانة ايضا تزوجت الله يسعدها ،الله يعينهم على المسؤلية ، خليها تحس ان الموضوع عادي عندك وما يهز فيك شعرة ، اثني على اختك كثيرا ، لما تأتي لزيارتكم استقبليها بالترحيب قولي لها مثلا هلا بأختي الغالية نور البيت ، والله اني افتخر فيك قدام البنات ، صدقيني راح تفرح بكلامك وراح تخجل منك هذه وصيتي لك قد تستغربين كلامي عن اختك ولكن اظن ان اختك بحاجة لهذا الكلام ، وقبل ذلك عندما تحسين باحساس الضعف والضيق ناجي رب العالمين اخبريه بحزنك وحاجتك وصدقيني ستجدين ما يسرك بإذن الله، واوصيك بالاستغفار وقيام الليل ، ولا تنسي ان تجعلي لك من لقبك نصيب يالمتفائلة ، اذا ودك تكتبين شي انا راح ادخل على موضوعك من فترة لاخرى ، تقبلي شكري اختك ثبات الجبال .

[SUMYAH]

نفس مشكلتي مع اختي :(

[امنيات امل]

نصيحتي لك اختي
اول حاجه قوي شخصيتك وانا بقول طريه استخدمتها في حياتي حتى اثق بنفسي وهي دائماً كرري كلمه في داخلك انا واثقه من نفسي انا عندي ثقه بنفسي
دائماث تحدثي مع نفسك فكري في الأشياء الموجوده فيك مو في اي بنت ثانيه اشياء تمتلكينها تميزك عن غيرك
هذا كله لازم يكون بينك وبين نفسك
ثاني شي
لما تسمعي اختك تقول او تمدح احد قدامك عززي هالشي انتي عشان تحس انو مو هامك بالعكس ممكن تستانسي بهالكلام مثل لما قالت لأختك الصغيره محلوة كان قلت واااااااااااااااو صدق وش هالزين تهبلين اليوم
يعني كوني معزز قوي يحبط من اراد ان يحبط شخصيتك
دائماً رددي امامها الحمدلله انا راضيه عن نفسي واحمد الله ان خلقني كذالك واما نقص علي صحتي وعافيتي
قوي ذاتك بنفسك وابعدي عنك اي تفكير كوني قويه امام كل شي حتى تستعيدي ثقتك بنفسك لا تجعلي كلام ياثر فيك لا صحه لها يعني لما اختك تشوف انك انسانه عاديه اكيد غيرها يشوفونك انسانه مميزه مو مهم راي شخص واحد او ان شاء الله عشره ماىتوقف الدنيا عندهم بالعكس هناك ناس اكيد يحبونك وشايفيين فيك اشياء حلوة واحلى منها كمان


والله لو سمعتي كلامي راح ترتاحي وبتشوفي كيف ترجع ثقة بنفسك
اخيراً انتم اخوات فكري في هذا الموضوع قول ي اختي ومعليش تمون بقلبك طبعاً
وطنشي
كل شي ما يسعدك
تحياتي لك ياقمر

[ندووووووو]

وا عليه عليكم
اشكولي لأبكيلكم

[ناضجه بفكري]

الله يعينك عليها وهديها الله
أستغفر الله العظيم الذي لا إله إلا هو الحي القيوم وأتوب إليه
حسبي الله لا إله إلا هو عليه توكلت وهو رب العرش العظيم
سبحان الله والحمدلله ولا إله إلا الله والله أكبر