[بنت الاحساء]

يايمه منتهي جيتك وطالـب منـك الغفـران
اقبّل قاعـة اقدامـك واغسلهـا بدمعاتـي

يايمه كـل مافينـي يناديلـك انـا ندمـان
طلبتك قولي سامحتك وردي لوجهي بسماتـي

انا ادري قلبك الطيب كسرته بصدمة النكران
غلطت وغلطتي هذي تعيّـر كـل غلطاتـي

تشوفي الشيب يايمه ترى ماجا وانـا فرحـان
وربي اللي رفع ذاتك ونـزل للـردى ذاتـي

فقدت الراحه من بعدك فقدت الطيبه والتحنان
بدونك راحتي غايه بيدينك هـذي راحاتـي

انا بعدك ولا حاجه انا بعدك تـرى عميـان
اشوف ولا اشوف اللـي يورينـي مسراتـي

انا وسيد الشقى والهمّ من بعدك غدينا اخوان
يجيـب همـوم هالعالـم ويرميهـا بمتاهاتـي

صدقتي يوم قلتي لي تدين اليوم بـس تنـدان
رميتك فـي بداياتـي ورمونـي فـي نهاياتـي

انا من شالك بايده ورماك باسفـل البركـان
نخيتينـي وطلبتينـي ولا حصلتـي نخـواتـي

مثل ماهنتي بعيوني عليهـم قلبـي يمـه هـان
رموني وبعتهم فزعه وانا الدمعـات فزعاتـي

يايمه لاتضنينـي انـا مـن فعلهـم زعـلان
سواةً فيك سويتـه وسـووا فينـي سواتـي

يايمـه يالله ضمينـي ودفينـي بهالاحـضـان
انا ادري فيك مشتاقه وهمك بـس ملاقاتـي

يايمه حيييييل ضميني ابي ارتـاح انـا تعبـان
تعبت اهرب من ذنوبي ابيك آخـر مسافاتـي

ابسمع منك اي كلمه لصوتك مسمعي ولهان
ابسمع يمه بصوتك ابذكـر فيهـا نشواتـي

اشوفك ساكته يمه غفيتي والا انا غلطـان ؟؟
غفيتي يابعد عمري تعبتي مـن مواساتـي ؟؟

يايمه طالبك قومـي اذا لـي بعيونـك شـان
اشوف الموت بعيونك عساها تخيب هقواتـي

تعالوا يابشر شوفوا انـا محتـار انـا تلفـان
انا امي ماادري وش فيها انا ماادري انا احاتي

شنو ؟؟ امي انا ماتت ؟؟ لا لا ترى غلطـان
انا امـي ماتخلينـي علـى حزنـي ووناتـي

انا امي قلبها طيب ولايمكن تبكـي انسـان
انـا امـي ماتبكينـي ولاتتمنـى اهـاتـي

يايمه صح مامتي ؟؟ وصح الموت تـو ماحـان
اذا متي انا بعـدك ابقضـي ويـن ساعاتـي

يايمه قومي يايمـه وقولـي المـوت لا ماكـان
انا جيتك وانا ناوي اببـدي فيـك جناتـي

تركتيني ومتي ليه ؟؟ تركتينـي وانـا غرقـان
ولا مسموح ياوليـدي ولا تلعنـك لعناتـي

انا الجاني وانا المجني وانا المخطي وانا الندمـان
وانا بيدي رميتـك ايـه وبعثرتـه ملفاتـي

وجيت من الهنا مفلس وقلبي من الضنا خسران
تركتيني على نـاري اعـدد فيـك زلاتـي

ولاني مرضياً ربـي ولانـي تابـع الشيطـان
انا بعـدك تـرى مابيـن نهاياتـي وبداياتـي

يايمه منتهي جيتك وكلـي مرتجـي غفـران
وشفت الناس تلعنـي وتحذرنـي مـن الآتـي

[00 فــــجــــر 00]

لاحول ولا قوة الا بالله

الله يعيننا على بر والدينا

مشكورة بنت الأحساء

[جوووووود]

لالالالالالالالالالالالالالالالالالا ليه تموتين يمه

قلبتي مواجعي

الله يرحم أمي

[بنت الاحساء]

المشاركة الأصلية كتبت بواسطة 00 فــــجــــر 00 لاحول ولا قوة الا بالله الله يعيننا على بر والدينا مشكورة بنت الأحساء

تسلمين ع المرور

[بنت الاحساء]

المشاركة الأصلية كتبت بواسطة جوووووود لالالالالالالالالالالالالالالالالالا ليه تموتين يمه قلبتي مواجعي الله يرحم أمي

غلاتي جووود
الله يرحمه امك وجميع المسلمين
تسلمين ع المرور

[روح القمر]

يايمـه يالله ضمينـي ودفينـي بهالاحـضـان
انا ادري فيك مشتاقه وهمك بـس ملاقاتـي

يايمه حيييييل ضميني ابي ارتـاح انـا تعبـان
تعبت اهرب من ذنوبي ابيك آخـر مسافاتـي

لا تعليق ,,ابيات موجعه جدا
الله لا يحرم احد من غالي

[زهور يوسف]

المشاركة الأصلية كتبت بواسطة جوووووود لالالالالالالالالالالالالالالالالالا ليه تموتين يمه قلبتي مواجعي الله يرحم أمي

الله يصبرك وربي يجعلها بجنات نعييم .. اميين

[زهور يوسف]

وسلمتي في الطرح يا بنت الاحساء ,,,

[سمر الليل]

روعه بنت الاحساء مره روووووووووووووووووووووووعه وبعد يحزن الله ياخذ روحي قبل روح امي وابوي يبكوا علي وبيجوبوا بدلي بس انا مقدر اعوضهم والله يصبرك جووووود على فقد امك ويجعلها بجنات النعيم يارب

[الااااااااااااااااااااااء]

موفق بإذن الله ... لك مني أجمل تحية .