[الفجـــر]

بسم الله الرحمن الرحيم

السلام عليكم ورحمة الله وبركاته

وتقضت فرحة اللقيا كبرق .... وسمانا أظلمت بعد التماعي
آه لو تدري بحزني والتياعي .... حين قالوا اشرقت شمس الوداع

وأناجي ظلمة الليل بصمتٍ***وعيوني أسكبت دمعَ الفراقِ
وفؤادي قد تعنى باشتياقٍ***هكذا البعدُ أشد ما ألاقي

فلنعاهد ربنا عهداً وثيقا ***أن نلبي إن دعى داعي الإخاءِ
يا أخيَ اليوم نمضي وعزائي ***أن شمس البين تضوى باللقاءِ

بصراحة ... مدري وش أقول ,,ومدري وش أكتب ,,, ومدري من وين أبدأ ,,أحس إني موب قادرة أكتب شي !!!
أنا قضيت معكم أيام حلوة وأيام مرة لكن كلها كانت أيام جميلة وموب بس جميلة إلا أجمل أيام حياتي !!!
لكن للأسف الأيام الجميلة ماتدوم !!!
بصراحة أنا تعلقت حيل بالمنتدى وبرفيقاتي اللي عرفتهم بالمنتدى ...
فمدري وشلون بعيش شهر من دون ماأدخل المنتدى وأنا اللي كان صعب علي إن يمر يوم وأنا مادخلت المنتدى !!!
طبعا أنا حابه أقولكم وبكل أسف إني راح أنقطع عن المنتدى لأني بسافر إن شاء الله لكني أبحاول إن شاء الله إني أدخل بأي طريقة لكني موب متأكدة إني راح أقدر أدخل !!!
قبل لاأودعكم حابه إني أشكر جميع القائمين على المنتدى على كل اللي سووه لنا
وحابه أطلب منكم طلب وأوجه كلمات لكم وسلام خاص وبالنهاية وصية لكم ..

أول شي أطلبكم الحل لأني يمكن أكون غلطت بحق أي وحدة منكم وأنا ماأدري ,, أو زعلت وحدة وأنا ماأدري ,, أو زدت الجراح على وحدة وأنا ماأدري ,, فتكفووون حللوني ,, وخاصة اللي أطلبهم الحل :وينها عيونك وراما

أنتم بالذات دايم كنت أعصب وأنا أتناقش معكم وكنت أكتب لكم ردود قوية ..

طبعا أول كلمة أوجهها لعدد من خواتنا اللي فقدناهم حيل وهن :
الغاليات أم شعبان وأم نور الهدى وأم حمودي
وأقول لهم ترانا فقدناكن حيل وعسى الله ييسر كل أموركن ويردكن بالسلامة !!
وأقول لأم حمودي خاصة : الله يشفي ولدك ويقر عينك بشفائه !!!

الكلمة الثانية أوجهها لخوات غاليات علي وهن :
صمت 2000 وأقول لها الله يسعدك ويريح بالك !!!
سلطانة زماني وأقول لها : الله يوفقك ويسدد خطاك !!!
أم يامن ويارا أقول لها : الله يحقق لك اللي تبينه !!!
بنت أبو متعب أقول لها : أحرجتينن بكرم أخلاقك
وشذا الريحان : سرتني معرفتك وعسى الله ييسر أمورك !!!
المشتاقة لحنان رسول الله : أقولك الله يجزاك خير على نصيحتك الغالية
امرأة رزينة : الله يسعدك ويوفقك !!!

الكلمة الثالثة أوجهها لرفيقات غاليااات غابوا بس الحمد لله غيابهم مب طويل :
الغالية عباير 91 وهي أول صديقة لي بالمنتدى وأقولك ياعباير كنت أتمنى أشوفك دايم لكن للأسف ماصرت أشوفك بالفترة الأخيرة إلا نادرا وبصراحة فقدتك لكن الله يوفقك دنيا وآخرة !!!
الغالية الوردة الحالمة وهي ثاني صديقة لي وأقول لها : كان ودي أجلس معك بأيامي الأخيرة لكن فترة دخولي غير عن فترة دخولك وبصراحة فقدتك حيل وعسى الله يوفقك ويحقق لك اللي تبين !!!
الغالية أميرة الشوق وهي ثالث صديقة لي : لم أعد أرك إلا قليلا وقد إشتقت لك وأسأل الله أن ييسر لك أمر بحثك وأن يوفقك للحق والصواب !!!
الغالية أم حمودي : إشتقنا لك حيل وعسى الله يشفي ولدك ويقر عينك بشفائه !!!

وأقول لكل الغايبات صحيح ماصرت أشوفكم إلا قليل لكن محبتكم باقية فالحب في الله لايزول أبدا حتى لو تباعدنا ..

آخر كلماتي أوجهها لرفيقات وخوات غاليات على قلبي ..
أبتدي بأغلى رفيقة وهي وينها عيونك :
أبد ماراح أنسى أيامنا اللي قضيناها مع بعض وسهرنا بالمنتدى وكل كلمة قلناها والأيام الحلوة والمرة اللي تقاسمناها مع بعض ,,
والله يسعدك دنيا وآخرة ويوخر عنك كل شر ويحفظك !!!

ذلحين دور رفيقتي الغالية جروح %
أبد ماراح أنسى وقفتك معي يوم كانت نفسيتي دمار وتخفيفك عني وماراح أنسى سهرنا مع بعض وسوالفنا وعسى الله يفرج عنك كرب يوم القيامة مثل ماخففتي عني والله يحفظك ويسعدك دوم !!!

ذلحين دور الغالية غيد :
تراني استانست معك حيل يوم كنا نجلس أنا وإياك الصباح لحالنا وسرتني كثيرا معرفتك وعسى الله يفرج همك ويشفي والدك عاجلا غير آجل ويرده لكم سالم !!!

ذلحين دور الغالية رشة سكر :
أقولها تراني أمزح معك يوم أقولك ..... أنتي طبعا تدرين وش كنت أقولك فلا تزعلين علي وشكرا لك على حرصك على بنات المنتدى ونصحهن وبصراحة ضاق صدري لأن بالأيام الأخيرة اللي طافت ماصرت اشوفك لكن إن شاء الله عقب ماأرد للمنتدى أحصلك ونعوض هالغيبة ...

ذلحين أوجه كلمتي للغالية راما اللي دايم انا وإياها بإتجاه معاكس وأقول لها :
سعدت كثيرا بالتناقش والحوار معك لكن أبيك تحللينن وترى الإختلاف بارأي لايفسد للود قضية وعسى الله يفرج همك ويسعدك !!!

ذلحين دور الغالية يامعرفني بذاتي :
سعدت كثيرا بالنقاش معك وجاز لي أسلوبك في التحاور وثقافتك العالية ماشاء الله وسررت بمعرفتك وعسى الله يوفقك وييسر لك أمر وظيفتك !!!

سلام خاص لـــ :
وجدان ودرووب وتوتوتو وغزة الجريحة ووردة الكاميليا وفوعة الفلي والبندقية وكنان وشهد الحلا وحبر الوفى ونبع الوفاء والورد الفواح وميس وأم فهد ورحاب وروح المدينة وأمل بكره وبطهه وخشوع وتلميذة الأيام وفلاوية ومس ريم والشوق مضنيني و zell am see

والعذر والسموحة لو وحدة اسمها سقط سهوا ..

بقي أن أكتب وصيتي لكن :

أوصيكن بتقوى الله عزوجل والبعد عن المعاصي والمحافظةعلى الصلاة والحجاب الشرعي وأن لاتقدمن على أي أمر قبل أن تعرضنه على الدين وتعرفن حكمه وتذكرن الإثم ماحاك في صدرك وكرهت أن يطلع عليه الناس وإستفت قلبك ولو أفتاك الناس وأفتوك

وإنتبهوا لأعماركن وحافظكن الله

لا أقول وداعا لكن أقول إلى اللقاء

وشكرا لكل من همه أمري وقرأ موضوعي

الفجــــــر

دموووعي أبد ماهي راضيه توقف ,,
صراحه عجزت وماني عارفه ايش راح أكتب لك,,
راح أقول ,, في أمان الله ياالغاليه ,, ونتقابل على خير ان شاء الله

[رشة سكر]

يا قلبي الله يحفظك

قرات هذه الاسطر بحزن عميق .............الفراق صعب ..............الايام اللى عشناها .........كانت اجمل ايام حياتي ...............وان شاء الله تقدري تتواصلي معنا ............................
وان غبتي ترى مكانك محفوظ في القلب ................
وانا ما زعلت منك ولا ازعل قولي اللى يعجبك عسل على قلبي مزحك
اهم شئ تنتبهي لحالك .........
الله يحفظك انتي واهلك تروحوا وترجعوا بالسلامة ............
يالغاليه ........اعجز عن التعبير عند فراق اعز الناس ...

[وجدااااان]

وعليكم السلام ورحمة الله وبركااته

أختـي الفجـــر ، أستودعتك الله الذي لا تضيع ودائعهـ ،،

أن شاء الله تروحي وترجعي لنا بالسلاااااااااامة ،، سوف نشتاق لك ،،، وجزاك الله عنا كل خير على الوصاية
الله يوفقك ويبارك فيك

لنا لقاء بعون الله قريب..

[نعوومه]

تروحي وترجعي بالسلامه
استودعك الله الذي لاتضيع ودائيعه

[ريحانة الوجود]

الفجر مع السلامة وترجعين ان شاء الله ونشوفك الله يحفظك
تعالي بعدين علشان اقولك باقي الفشيلة فكرتها في اللعبة اكيد هههههههه
الله يوفقك يارب كلماتك كل اللي عرفتيهم نابعة من قلب
والله صيح المنتدى فيه اناس ارتبطنا فيهم كأنهم معناا نحبهم ونحب لهم الخير
والله يسامحني اذا في يوم اخطيت على احد وزعلت احد وكنت ثقيلة برد او رسالة ويعلم الله مهو القصد اعرف نفسي ثقيلة على اناس كثير لا تزعلون على رحاب ايضا 000
والله معك يااختي الفجر نتظرك

[رحلة زمن]

اختي الفجر تروحي وترجعي لنا سالمه ونتمنى لكي التوفيق

[روح المدينه ~]

آلله يرجعكـ باالسلامه ياعسل ...فمآآآن الرحمن *
.. *

[االوردة االحالمة]

وعليكم السلام ورحمة الله وبركاته
قرأت ما كتبتيه يا الغالية فجوووووووووووووووورة..........وأنا بكل صراحة أعتز بصداقتكـ .......
أنا لا أحب الفراق .......لكني أتمنى أن أدخل المنتدى وأراكـ قد دخلتيه في نفس اليومـ كالعادة
(مع إنه نفسي ندخل في نفس التوقيت ).......
ومشكووووووورة على الوصايا يا عسل........
إن شاء الله تروحين وترجعين بالسلامة أنت وأهلكـ حبيبتي..............
لا أتخيل المنتدى بدونكـ ...........
سأشتااااااااااااااااااااق لكـ كثيييييييييييييييييييييييييييييرا............
استودعتكـ الله الذي لا تضيع ودائعه..........
وأتمنى أن ألقاكـ قريبا.........في أمان الله حبيبتي.

[تبآشير الفجـر]

ترجعي بالسلآمه يافجر
بانتظار عودتك ياطعومه