[خطوة الأيام]

هذي أبيـات تعبَـر عن اللـِـِـِي بخـآطري

دعوآتكـم لـ محمـد بالرحمـه ولـِـي بَـالسلوآن



يا عين هلي الدمع لاتحبسينه
لاتحبسين الدمع يا عين هليه


هلي ترى العبرات فيني دفينه
تنشد عن اللي راح والقلب يرجيه


هلي عليه الدمع دامك حزينه
خليه يطفي ما بقلبي وعزيه


منهو تركني للمواجع رهينه
لاقال رايح ولا عطاني ياخوك تنبيه


دمعك عقب محمد لاتذخرينه
منهو عقب عشيرك ياعين نبكيه


وأبكيه ألين الشوف ما تفقدينه
ألين نور العين ياعين نعميه


أدري أنا من راح ما ترجعينه
لو ترجعينه كان شافك وشفتيه


لا تكتمين الضيق لا تكتمينه
لا تجرحين القلب ماجاه يكفيه


ليتك سمعتي بالليالي ونينه
ماغير يصرخ ما يبي غير راعيه


يا عين راح اللي غمرني حنينه
راح الذي ياحيف نفرح بطاريه


وين الفرح ياعين..وخويك وينه
وين الذي لامر تضحك خطاويه


يازين زوله كله اطباع زينه
واللي الردي ما يجتمع مع مواريه


راح الذي بالطيب تندا يمينه
راع الكرم والخير بيض اياديه


مـــرحـــوم يا من ما وفينا دينه
يالله تجيره من عذابك وتنجيه


وتعافيه في يوم الملاقي وتعينه
يامن نقوم الليل لجله وندعيه


وغفر لعبد دين الاسلام دينه
يا واحد كل المخاليق ترجيه


عزي لمثلي شاف الايام شينه
من لاهب بالقلب ياعين يكويه


الله يعين القلب والله يعينه
والله يعين اللي فقد زول غاليه


ليت القصايد ترجع اللي تبينه
والله لقصد لين اقبل اياديه


ليت عمري فدوة ارموش عينه
وليت روحي فدوة المواطيه


والمشكله اللي خذاه بيجينه
الـموت حق وكل الدرب ماشيه

[خلووووود الخالد]

لا حول ولاقوة إلا بالله أسأل الله أن يرحم محمد ويؤنس وحشته ويجعل قبره روضة من رياض الجنة وهو قد انتقل من دنيا الهم والاكدار والنقص والأحزان الى إن شاء الله جوار الرحيم الرحمن أسأل الله أن يجمعك به في جنات النعيم وصبركم على فقده . والحمدلله قد يكون الموت رحمة وراحة للمؤمن . فكم من أم تبكي فلذة كبدها الأسير المعذب في السجون !! وكم من ام ضاع فلذة كبدها و خُطف فلا تعرف له أرض ولا سماء ! فالحمدلله على كل حال . حفظك الله خطوة الايام . وحياك الله بيننا

[خطوة الأيام]

مشكوره لمرورك الكريم نورتي متصفحي وقبل الله دعائك

[أبو فريال]

الله يرحمه ويغمد روحه الجنه والله يلهمك الصبر والسلوان

إن شاء الله إنه في روضة من رياض الجنه

[خطوة الأيام]

مشكور اخوي لمرورك اسعدني

["الحالمه"]

الله يرحمه يااااااااااااارب

[خطوة الأيام]

جزاك الله خير ع المرور

[القمراء]

اسأل الله العظيم رب العرش العظيم أن يرحمه ويرحم أمواتناوأموات المسلمين وأن يجمعك ومن نحب بالفردوس الآعلى من الجنه..أمين..وحياك معنا...

[خطوة الأيام]

جزاك الله خير وتقبل الله دعائك

[خطوة الأيام]

جزاك الله خير وتقبل دعائك