[شـفاء]

على هامـش حياتـي .. تكبـر احـزان وتمـوت آمـال
تحت ظل الظـروف اللـي .. مرابعهـا .. ورى صـدري

كبرت .. وشحت ارضي بالعطـا .. والشـح فيهـا طـال
وانا ادعي ..يا عسى خيط الامـل مـا يحرقـه جمـري!

تمـوت مـن العطـش غابـة ..واردد للشجـر لا مـال
سقاك الغيث .. يا ظـل السبـاع .. و راحـة القمـري!

بعد صـارت جفـاف .. ومـا لقـى قلبـي بهـا مدهـال
بعد صارت ..عروش ٍ خاوية .. قلـت : اغتنـم عمـري

نويت ارحل .. مع انسام الهبوب .. ومـع سـراب الـلال
نويت اشطب على سود الظـروف .. وحيرتـي بأمـري

وقفت .. اجمع شتاتي .. والزمن فرقى .. وضيقـة بـال
وقفت .. ولا قدرت اصمد ..وخفت ابكي وانا مـا ادري!!

تقبّلـت الظـلام .. ووحشـة الطرقـة بـعـزم ابـطـال
تناوشنـي.. مخاليـب الظـروف .. و تنتظـر كـسـري

تركت اغلى الاماكن .. تحتظـن حلمـي .. وراس المـال
وانا ادري.. لو قسى حكم الزمن .. تبقـى علـى خبـري

رحلت .. اشرب مع انفاسي ضما .. والجوع ما لـه فـال
رحلـت .. وقلبـي ترفـرف عروقـه .. تفتقـد وكـري

رحلـت ..اكابـد الغربـة.. واسايـر ضحكتـي محـتـال
وحيد .. افرش من احزاني بساطي .. والتحـف صبـري

بقى لي .. وش بقى لي .. يا ( صدى صوتي ) ولا ينقال
سوى صوت ٍ .. ولو ما له صدى .. ما اتوقعـه جهـري!

بأجر الصـوت فـي قمـة جبـل حاطـت عليـه اجبـال
وابي تسمـع صـدى ٍ يدفـع صـداك.. ومنبعـه نهـري

بأجر الصوت .. في جزل الحـروف .. وزفـرة المـوال
قوي ٍ دافعي .. واسكب على صـدر الشعـر .. شعـري

تعيش اظروف .. وتموت الشيـوخ .. ويكبـرون اطفـال
وانـا مثـل الفضـا .. مـا نزلّـت بأسمـي ولا قـدري

انا شااااامخ .. شموخي ما انحجب دون السمـاء بظـلال
واذا حاول بشر يكسر شموخـي.. قلـت لـه : بـدري!!

يا انا جيلـي .. بعـد جيلـي .. ولكنـي رجعـت اجيـال
ولكن للأسف .. ما به على كبـري .. ومـن عصـري!

يا انا جيلـي .. قبـل جيلـي .. ولكنـي مشيـت اميـال
ولكن للأسف .. ما بـه بشـر فيهـم .. علـى كبـري !

فقدت ارجال .. لا والله عقـول ٍ .. مـن وراهـا ارجـال
دفنت اللـي يمـوت بداخلـي .. فـي مقبـرة قصـري !

ولكني .. رغـم ذلـك .. مـا اقابـل واقعـي .. باهمـال
ابرهن ما حـدث .. وارسـم تحياتـي .. علـى سطـري

واذا طـال الرحيـل .. ولا كسبـت مـن الفـرح مثقـال
حسافة يا ( صدى ) .. كان ابتديت اضحك .. ومن عذري!

امانة يا صدى صوتي .. معك حلمـي .. وشـرح الحـال
تزور اغلى الاماكن .. مـع نهايـة .. عامهـا الهجـري

وامانة يا صدى صوتي .. لا شح اقسى الزمن ..بوصـال
ابي .. لو حفنة ٍ من رملهـا .. ترمـى وسـط قبـري !!

مماراق لي..

[رذاذالمطر]

ششفاء

كلماتٌ جداً رائعه...

والأروع منها هو إحساسك الجميل في إختيارك الصائب..

سلمت يداك..

ودمت بحفظ الله ورعايته

[شـفاء]

المشاركة الأصلية كتبت بواسطة رذاذالمطر ششفاء كلماتٌ جداً رائعه... والأروع منها هو إحساسك الجميل في إختيارك الصائب.. سلمت يداك.. ودمت بحفظ الله ورعايته

الله يسعدك حبيبتي رذاااذ..
يكفيني تواجدك هنا ربي لا يحرمني من وجودك يالغلا.

[الهمة العالية]

دائماً أختيارك لما تنقلين يذهلني

فلديكِ ذائقة رااااائعة أعجز عن وصفها

سلمت يداكِ غاليتي

تقبلي مروري

دمتِ بحفظ الرحمن

[خلووووود الخالد]

:
شفاء
أبياتك جاءات عالــجــــرح..!

أبيات لا تحتاج : تعليق...!

تقبلي مروري
:

[شـفاء]

المشاركة الأصلية كتبت بواسطة الهمة العالية دائماً أختيارك لما تنقلين يذهلني فلديكِ ذائقة رااااائعة أعجز عن وصفها سلمت يداكِ غاليتي تقبلي مروري دمتِ بحفظ الرحمن

هلا
وغلا
نورتي
متصفحي يالغالية
شاكره لك على المرور ربي يسعدك..

[شـفاء]

المشاركة الأصلية كتبت بواسطة خلووووود الخالد : شفاء أبياتك جاءات عالــجــــرح..! أبيات لا تحتاج : تعليق...! تقبلي مروري :

حياك الله حبيبتي خلووووود ..
سـعيده بمرورك المميز ..
ربي يبعد عنك الجرح ويسعدأيــامك يالغلا.