[رمحين]

الأم وما ادراك ما الأم ؟

المخلوق الذي لو امرنا الله سبحانه وتعالى بالسجود لمخلوق من مخلوقاته لسجدنا لها ..

واخترت ان افرد لها موضوع خاص بها يعنى بافضل ما قيل عنها من ابيات او قصائد او حتى حكم وامثال وكلام مأثور .

وسابدأ بهذا البيت الذي قلته في والدتي الله يغفر لها ويرحمها ويغمد روحها الطاهرة الجنة ، ويرحم امهات المسلمين جميعا ، ويرحم امة محمد جمعاء :-

توضا البدر من نورك حتى الفجر ضيّه بان
يمّـه الشمس من نورك طول الوقت تستـغفر

[Ŝђǿǿq Ťąbσύĸ]

اســأل اللــه لـوالـدتـك الـرحـمـه ...

وأن يـُــسـكـنـهـا اللــه فـسـيـح جـنـاتـه ...

اللــهــم آمــيــن ...

أبــدأ بـهـذه الأبـيـات

ليت الأيام تهدى والسنين=مثل ماتهدى الهدايا بالتمام
كان يمه كل ماتتقدمين=ثانيه بالعمر كان أهديك عام

مـشـكور رمـحـيـن عـلـى هـذه الـمـسـاحـه الـغـالـيـه

لأغـلـى مـافـي الــوجــود ...

[Ŝђǿǿq Ťąbσύĸ]

أمي ولالي بالبشر أحد سواها =هي دنيتي هي حضني إللي أضمه هي الغلا والحب لمنهو هواها=حب شريف يملكه عالي الهمه أمي أنا ... فوق البشر مستواها=أمي أنا ... قلب كبير أهمه أعز عزيز بالوطن مايعلاها=قدرك كبير ياأمي ولا أعمه الأم منهي غير كتلة بعطاها =تشعل دفا حبها في كل الأمه أمي وش الدنيا بليا دفاها=وش السعاده بليا حضن أضمه وش الحياة والعمر بليا غلاها=وش العنا غير فراقها وسمّه ياللي وفيتي ومن يوصل وفاها=نجني زرع أمسك يايمه ونلمه لا ماأتخلى عن أمي لو بعماها=هي ماتخلت يوم أنا أبكي بغمه والله لأشيل أمي عن من نواها=ياما رفعتني فووووق أعلى القمه ياما رفعت يدها تدعي بدعاها=وترجي الرب بكل ليلة ظلمه إن الهنا دربي ولا أحضن سواها=وتسهر على حزني وهمي تلمه وتصبر على ضيم الأيام وعناها=وتقول بكرا ولدي يعوض أمه اللــه يـحـفـظـك يـا أمــي

[خلووووود الخالد]

: : : بين يديني يُمه بين يديني ...؟ تتركيني ...؟ وبين ايديني وانت ِ يُمه تحضنيني ..؟ كيف يُمه ..؟ يُمه قبْل تروحي يمه جاوبيني ..؟ يمُه توك قبل لحظة تكلميني ... وبابتسامة حزن يُمه تنصحيني قبل لحظة ...كنتِ يُمه تأمريني قومي صلي الفجر يابنتي قلت زين يمه زين بس لحظة واقوم واذكر انك تنهدتي بزفرة واتجهتي باتجاه القبلة وكلك هـــمــــوم قلت : يمه قبل تبدين لا تنسين تكفين تدعي لي قلتي : بحزن ٍ دفين ادعي لك... من قلبي ادعي لك من غير منتي تقولي لي.. وكبرتي يمه للصلااااااة الله اكبر ودخلتِ في طوق النجاة ..! وكنت يمه اتأملك ... وجهك الطاهر كساه النور وقطرات الما في جبينك كنها البلور كان في وجهك طـــفولة ... ما بان في وجهك ذبوله ... كنت ِ تزدادين ...نور وكان في وجهك حبور ولحظة انهيتي صلاتك ... والتفتي : قلتي بنبرة عتاب : قومي صلي قومي يابنتي ورحتي ... وانْزلت دمعه حزينة ليش مدري لكن احساس مبهم كان يتردد بصدري.. بعدها مرت دقايق ... وحسيت اني اشتقت لك ودي ابوسك واسألك ماراح يمه تتركيني ...؟ افقدك ...؟ ورحت لك ... في حجرتك ... من اشتياقي بحضنك ولقيت قبلي من سبقني يــحــضنك ..! كنت ِ يمه في مــهـــابه جالسة ... وكن به حولك طيور ٍ حارسه ... وكانت الحجرة ...فــضـــــــــــــا وكان وجــهــك به رضـــــــــــــــــــا وكان بالحجرة هــــدووووووء ... وكان في صدري ...صــخـــب كان به صــمــت ٍ مــهــيب ... وكانت ضلوعي ...حطب .. يشتعل ...خوف ٍ عــليك ... جيتك بخطوة ثقيلة ... آه جسمي من يشيله ... واقتربت ...وتحت رجلينك جلست قلت : يٌــمه فيك شي ...؟ يمه أسأل ..فيك شي ...؟ يمه يمه جاوبيني كلميني ارحميني اصفعيني يمه بس ردي علي .......! ليش يُــمه ..ســــــــــــاكته ...! يمه زعلانه علي ... يمه صليت الــفجـــــــــر ... وربي هو شاهد علي .... يمه في عينك كلااااام يمه في عينك حــزن يمه لا يمه حـــرام لا تخليني أجـــــــــــن يمــه احكي طمنيني ... فيك شي ...! يمه توك قبل لحظة قبل لحظة تكلميني ..........! تذكريني ... بالــصـــــــــــلاة ....! وبين خوفي والتياعي بين صرخاتي وضياعي ... نادتني عيونك وجيت ... واحتضنتتك ...وارتميت ... وصوت انفاسك ســمــعــته ... إيتردد ..في ضلوعي .. وكان يخفت كان يخفت كان يخفت ... قلت وآآآنا أحضنك ...قلت يمه ..بترحلين .. وقتها بس ...هزيتي راسك بإيه ..تجــاوبين ...! قلت يمه : تشهدي ... لا اله الا الله ... ما يضيع الله لك صلاتك ... وقتها بس :اللي حكيتي ..نطقتي لا إله الا الله ... ورحـــلتي ... كانت اخر كلمه في حياتك وكانت اعذب كلمة تنطقها شفاتك .. وكانت اخر كلمة ....بددها سـكاتك ..! وكانت اخر لحظــــــــــة تجمعني مــعــاك .. ومن يومها وانا الــحزن يستوطن اعماقي بلاك ومن يومها وانا اســــــــــأل الله يبلغني رضااااااااك ..! من يومها من يومها من يومها وانا ماني انا ...!! ان كان يمه خذاك الموت عن عيني = ما يقدر الموت ياخذ طيفك الغالي واســــمع انا صوتك الدافي يناديني = واحس بانك توصيني على حالي رحم الله من مات من أمهات المسلمين وحفظ من كان بيننا منهن :

[مها]

رحم الله والدتك ومن توفى من أمهات المسلمين وحفظ الله من كان بيننا منهن

اللهم آمين ،،،، جزاااك الله خير الجزاء ورحم الله جميع أموات المسلمين.

[حفيد الاسود]

"(( أنتي الحياة ))"
ياليتني بينك وبين المضرة
من غزة الشوكةإلا سكرة الموت
أو ليت شاورني القدر بس مره
ولبى مطالب رغبتي قبل ماأفوت
أو ليتي لجرة مواطيك جرة
أحمي قدم رجلك مثل جزمة البوت
أوليت بيديني السعد والمسرة
وأحكم عليها عنك مالحظة تفوت
يفداك عمر ٍ منك يشعر بعمره
أنتي الحياة لنفسي وردة الصوت

[رمحين]

المشاركة الأصلية كتبت بواسطة شوق تبوك اســأل اللــه لـوالـدتـك الـرحـمـه ... وأن يـُــسـكـنـهـا اللــه فـسـيـح جـنـاتـه ... اللــهــم آمــيــن ... أبــدأ بـهـذه الأبـيـات وش العنا غيـر فراقهـا وسمّـه مـشـكور رمـحـيـن عـلـى هـذه الـمـسـاحـه الـغـالـيـه لأغـلـى مـافـي الــوجــود ...

تعيشين وترحمين شوق تبوك

ويحفظ الله والدتك ويقر اعينكم ببعض

قال رسول الله صلى الله عليه وسلم : من صُنع إليه معروفٌ فقال لفاعله جزاك الله خيرا فقد أبلغ في الثناء أخرجه الترمذي

فجزاك الله خيرا

[رمحين]

خلود الخالد / مها / حفيد الاسود

الف شكر من الاعماق على اثرائكم مساحتنا الغالية

اخواتي واخواني ... لست انا الوحيد المخوّل بالرد على مشاركاتكم فالمساحة هنا حق مشاع للجميع ...

ولكم كل الشكر والتقدير ...

[Ŝђǿǿq Ťąbσύĸ]

يفز شعري يوم أوصف غلاهـا=هي في صميم القلب وعروق دمي هي حضني إللي يحتضنـي دفاهـا=وهي الكلام إليا تلعثم بفمي أحبها يا كثـر وأتبـع رضاهـا=يا كم في كمن ويا عز كمي والله ثم والله ما ألحـق جزاهـا=تزمني دائم على الكتف زمي تبكي قبل عينـي تهـل بكاهـا=وأضم دمعة على الصدر ضمي يا حال من حاله لعينـك فداهـا=يا منبع إحساسي يا عذب جنمي إنتِ شموعي وأستنيري بظياهـا=وألقاك لا مني تضايقت يمي لا زادت جروحي وطول مداهـا=تشيل همٍ فوق هماً وهمـي إللي مشاعرها تفيـض بعطاهـا=تامر على روحي وأنا أقول سمي يا أعز إنسانه بصوتـي نداهـا=يرتاح بالي يوم ناديت أمي

[خلووووود الخالد]

:

:
صدقت اخي رمحين
فلست مخول هنا بالرد علينا خاصة في موضوع نبيل وصادق ومقدس
كهذا الموضوع السامي والروحاني
الذي تتلاشى في رحاب نورانيته كل مشاعر النفس الدونية والردود النرجسية والتي تحمل في طياتها مشاعر متضاربة ومزاجية شتان بينها
وبين قدسية هذه المساحة النورانية .....
المساحة هنا ليست لك ، وليست لي ، وليست لأحد ليعلق او يرد
المساحة هنا : للأم ...التي علمتك وعلمتني
ربتك وربتني ...
أدبتك
وأدبتني
لقنتك
ولقنتني ...
أرضعتك
وأرضعتني ..
فرحم الله من كانت بطونهن لنا وعاء ، واثدائهن لنا سقاء ..وعطفهن لنا دواء
رحم الله والدتك وامهات المسلمين .
ولكن بما أنني هنا المخولة والمكلفة بالإشراف على جميع المساحات هنا
فإنني أشكرك على كل هذه المساحة التي منحتها للأم التي لن يكافئها
ردك ولا ردي ....ولا أي رد آخـــــــــــــــــــر ...!
هنا المساحة للبوح والبوح فقطـ...
ان يبوح كل منا بمشاعره لأمه الحبيبة من كانت تحت الثرى ومن تمر هنا
وتقرأ وترى ...
هنا تخفت جميع الأصواااات ...
هنا تُـتلى الصلوات ...
وترفع الدعوات ...
وتراق الدموع والعبرات..
وتكتب أصدق واروع الأبيات
تحت أقداااام الأمهات ...
أكرر شكري لك وامتناني العميق...لتخصيص هذه المساحة الدافئة لنبوح بمشاعرنا المكبوته والتي وجدنا
هنا متنفس لها ...