[أم الدوسي]

السلام عليكم ورحمة الله وبركاتة......عندي سؤالمالقيت له اجابه،ليش اول سنوات الزواج تضيع على خناقات بين الطرفين ؟ وابرز الاسباب لهذه الخناقات مراعات الزوج مزاجات الم والخوات المتقلبة،ويحصل ذلك مع الزوجة المطيعة واللي على نياتها،انا ما اقصد ان الزوج يصير دندانة زوجته ويسوي هالشخصية على امه وخواته.................. الشخصية هذي المفروض يحطها تحت (نعاله) الله يكرمكم؛والحظيظة اللي ربي يلهمها الصبر وتمشي سفينتها معاه.لان اغلب الحالات اللي زي كذا تنتهي بالطلاق.الله يعافيكم ابي اجابة لهالسؤال

[strange]

والله يا أختي ليتني متزوج كنت أفدتك بشي

بس حسب ظني إن أغلب الرجال هذه الأيام ماعندهم تفاهم بالمرة بس يبو هم يكونوا الصح والحريم هم الغلط

أنا أتكلم لأني شفت هذا الشي مع بعض أقربائي يعني يجي الزوج يبي كلمته هي إلي تصير حتى لو كانت غلط

والحرمة مالها رأي بشيء هذا المفهوم بصراحة عند آغلب الرجال الأن وإن الوحدة تكلمت أو ابدت رأيها بشيء

وماناسب الزوج فراح يبهدلها ويصير يهينها وإنها ماتفهم بشي وعلى هذا المنوال وتلاقي الرجال أغلب الرجال

والله المستعان متعصبين لأرائهم وكل ماصار شي يقولون الرجال قوامون على النساء . والنساء ناقصات عقل ودين

عاد ماشاء الله هم فيهم العقل كامل والزوجة الله يعينها تبي تصبر ولا تبي تتمرد إن صبرت تنهان طول عمرها وإن

تمردت راح تخرب بيتها

وأغلب المشاكل إلي في السنوات الأولى تكون أسبابها غبية جدا يعني مثلا إذا كان الرجال من النوع إلي يحب كرشه

فراح يقول زوجتي ماتطبخ هههه وإذا كان من النوع الفوضوي فراح يقول حرمتي ماهي مرتبة أبدا يعني إيش ماصار

يحطها على الزوجة

طبعا انا هنا ما أدافع عن الحريم لأن بعضهم يبالهم شدة إذن يعني في بعض الحريم طلباتهم ماتخلص أبدا

وإيش ماسوى الواحد مايقدر يرضيهم وعلى قولة فلانة عندها وأنا ماعندي وأخس شيء فيهم إنهم ينكروا المعروف

إلا من رحم ربي

بصراحة المشاكل كثيرة بس حلها ممكن يكون سهل جدا برأي في حال تم التفاهم بين الطرفين ولحتى يصير في تفاهم

لازم يكون في جرأة من الطرفين لمناقشة مشاكلهم ومعالجتها يعني برأي إن لازم كل فترة وفترة الزوجة تزبط لها

جلسة هادئة مع زوجها وتجلس تتناقش معاه بهدؤ وتناقش معاه حول كل شيء يخصهم ويخص حياتهم ولازم يكون

في صبر في البداية لأن عارف أغلب الرجال ماودهم يسمعون شي بس البنت الذكية هي إلي تقدر تجذب زوجها

وتخليه يسمعها إستعملو حنكتكم وماشاء الله عليكم قدها وقدود

أسف على الإطالة وأسف على أسلوبي في التعبير

واتمنى لي ولكل زوجين ولكل المقبلين على الزواج بالسعادة

آمين يارب

[ويندوز]

السلام عليكم ورحمة الله وبركاته
والله احترنا معهم رجال هالأيام ان صارت الزوجه طيبه وعلى نياتها قال هذي خبله وان صارت قياديه وكلمتها ماتنزل الأرض قال عنيده وأبليس يتعوذ منها والله مالنا غير الصبر الا اذا كانت العيشه لاتطاق والحياه أخذ وعطاء واعتقد انه مثل مافيه سلبيات فيه بعد ايجابيات ويمكن تغطي على عيوبه لازم يكون فيه شويه تسامح من الطرفين وطبعا حنا يالحريم كيدنا عظيم وهذا اختصاصنا أذا بغينا شي خذ من هالكلام المعسول واذا ماحققنا الي نبي نكرنا الاول والتالي مو كل الحريم بعضنا واهم شي نحط على بالنا قول الرسول ايما امرأة ماتت وزوجها راض عنها دخلت الجنه

[ابو دانا 999]

اعتقد ان خير الأمور الوسط...
يعني لا تكون الزوجة " لينة فتعصر ولا قاسية فتكسر " مع مراعاة الظروف النفسية والمادية والاجتماعية لكلا الطرفين.