[المرابطة]

السلام عليكم ورحمة الله وبركاته
أعزائي أعضاء المنتدى الشعري
نقلت لكم هذه القصيدة التي أعجبتني
وأسأل من لديه تذوق للمعاني
مالذي فهمتموه من هذه الأبيات

كل من يقرأ يدون إختصار للقصة التي يحكيها صاحبها
وبعد أن أرى توقعاتكم سأسرد لكم قصة هذا الرجل

إقرؤها بتمعن:



وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالهاتقطف..........وردة من بلد الورود

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تكره اللحظة ....... وتكره كل فرح موعود

وصاتي لك تكلمها ........ عن المجني وعن الجاني

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود




هـــــــــــــــــــــــــــــــــــــــــــــــــ ـــاه

وش تتوقعون قصة هذا الرجل

أنتظر ردودكم!!!!

[رذاذالمطر]

هلا وغلا
بالمــــــــــــــرااابط

..

..
أنا أعرفة لأني من زمااان
قريتة الشعر وقصتة.
.
.
تبيني أحرق لك..الحل
وأقول ..

..

..راااح أتركة علشان ماأحرق الموضوع

يسسسسلموااا

[المرابطة]

فـــــــــــــــــــــــــــــــــــــــــــــــــ ــــــــديتك يالغالية


خليه سر

للنهاية

نختبر شعراء وشاعرات المنتدى


والله سعدت لمرورك

الله يوفقك دنيا وآخرة

[عبدالرحمن الحربي]

أنا أعرف القصة أيضاً

وجميل إنك حذفتي بعض الأبيات


والقصة واضحة من خلال الأبيات

[شوق27]

أنا أجهلها يا ليت ماتتأخرين علينا يالمرابطة
0
0
0
0
0

بس واضح إن واحد يحب وحده ووحده تحب واحد

[Ŝђǿǿq Ťąbσύĸ]

هـذه الـقـصـيـده مـعـروفـه ومـؤلـمـه ...

كتبها شخـص عـنـدمـا قـال له الدكـتور إنك لن تعيـش إلا بقـدرة قـادر أحــد

وكـتبها لـصاحــبه لـكي يـحـب حـبيبتـه لـتـنساه ويـوصـيـه عـلـيـهـا

[شوق27]

الخيرة فيما اختاره الله تعالى


والحمد لله المتفضل علي والمنعم سبحانه وتعالى
0
0
0
0
0
ولن يحصل إلا ماأتمنى وأدعو به إن شاء الله

[Ŝђǿǿq Ťąbσύĸ]

هـلا وغــلا شوق 27 ...

هلا وغلا بـالـسـمـيـه

يـؤيؤيؤ ... ليـــه هـالكلام إلـلي يحزن

ماأحد يدري متى يومـه ...

اللـه يحفظكم لبعض يالــغــلا

[شـفاء]

صــح لـــســــان قايلــها وتســـلـم أنــامـل من قــدمهـاأبيــــــــــــات حـزينه ومؤثره جــدا ..

وأكــــــــــــــيد عــرفت قـصتــها واضــحـه بس ماراح أحــرقها عليكـــم..

ودمـــــــتي بـخـــــــير..

[المرابطة]

المشاركة الأصلية كتبت بواسطة شوق27 أنا أجهلها يا ليت ماتتأخرين علينا يالمرابطة 0 0 0 0 0 بس واضح إن واحد يحب وحده ووحده تحب واحد

فديتك قربتي



ترى هي سهلة



لكن أبي أدربكم
وأدرجكم من الأسهل للأصعب


مرورك شرفني


لي عودة مع الحل