[عبدالرحمن الحربي]

السلام عليكم ورحمة الله وبركاته


تدور القصة حول مديرة مدرسة عزباء

غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت .

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن...

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال

وإذا جت توقع تحط الخمسمية على الطاوله واللي آخذ خمسميتها فهو مو زوجها

واللي أخلي خمسميتها على الطاولة ولا آخذها ..فهو زوجها عيب علي اتزوج زوجها وآخذ بعد منها خمسمية ريال .

وافقن المدرسات على الطريقة.

ويوم جاء بكرا وكل وحدة مزهبه معها الدراهم..

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة

قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووه معليش أثرك أنتي جواهر.!

والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة ...

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه ...

قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليها بس يبونها تجي عشان يتطمنون إنها هي لأنه مابقى إلا هي )

وقالن المدرسات لازم تجين تكفين .

المهم جت تسحب رجليها بالقوة

ويوم جت تدخل المدرسات كل وحده مبسوطة انها مهيب هي وبدن يسمون على المدرسة ال 24 عشان ماتنصدم .

دخلت المدرسة الأخيرة غرفة المديرة وحطن باقي المدرسات ايديهن على قلوبهن

وحطت المدرسة الخمسمية على الطاولة وضفتها المديرة ..

يوم طلعت لقنها عايدية وماصار شي وفلوسها أخذتها المديرة ..

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال )

ماراح ترجع وأنا والله لا تزوجت ولا شي لين الحين عزوبية

والله كنت مريضة هاليومين . ولكني اطلبككن قبل شهر تدفعن على مية ريال نصلح المصلى

ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .

قالن المدرسات بردها الله بالعافيه فداك الدراهم ولو تبين زود عطيناك

هو صدق بس رجالنا ماتزوجوا علينا!!!!





ما يحتاج أقول ملطوشة

[سنبلة الخير]

الله المستعان :
اغلب النساء كذاتبخل بدفع المال في مجال الخيروهذه مارأية عندما نجمع التبرعات لمساعدة الفقراء وتزويد المصلى بالكتب .ولكن وتدفع الملايين بس علشان ميتزوج عليها زوجها.


شكرا لك أخي عبدالرحمن

جزاك الله جنة الفردوس على هذه النقل.

[رحماك-ربي]

اهلا وسهلا اخي عبد الرحمن
والله المدرسات هذولي كلهن ما عندهن سالفة المرأة بطبيعتها عندها حدس شديد خاصة من طرف الزوج
فلو فكر لمجرد التفكير لازم تحس فيه ماهو عاد قيد التنفيذ
لا تتهاون يا الرجال بالحرمة لانها اول وحدة تكشفك وتعرف وش تفكر فية واذا ما عرفت !!!!
ذيك الساعة معذور اذا تزوجت عليهاوحدة ثانيه ,,,
بس صدق تخيلتهن وهن مفزوعات الله يآمن كل مسلم ويسخر رجالهم لحريمهم ويسخر حريمهم لرجالهم
أحسن الله اليك

[مها]

وعليكم السلام ورحمة الله وبركاته

قصة رااااائعه سبحااان الله كله خوف على أزواجهن من ألزواج با لثانيه ألايدرين أن الاسلام شرع لهم اربع !!!!

الف شكر لك على نقل الموضووووع ....

[فواز2]

يعطيك العافيه ياعبد الرحمن على القصه الرايعه

[عبدالرحمن الحربي]

المشاركة الأصلية كتبت بواسطة سنبلة الخير الله المستعان : اغلب النساء كذاتبخل بدفع المال في مجال الخيروهذه مارأية عندما نجمع التبرعات لمساعدة الفقراء وتزويد المصلى بالكتب .ولكن وتدفع الملايين بس علشان ميتزوج عليها زوجها. شكرا لك أخي عبدالرحمن جزاك الله جنة الفردوس على هذه النقل.

اللهم أمين



شاكر لك مرورك الراااااااااائع

[عبدالرحمن الحربي]

المشاركة الأصلية كتبت بواسطة رحماك-ربي اهلا وسهلا اخي عبد الرحمن والله المدرسات هذولي كلهن ما عندهن سالفة المرأة بطبيعتها عندها حدس شديد خاصة من طرف الزوج فلو فكر لمجرد التفكير لازم تحس فيه ماهو عاد قيد التنفيذ لا تتهاون يا الرجال بالحرمة لانها اول وحدة تكشفك وتعرف وش تفكر فية واذا ما عرفت !!!! ذيك الساعة معذور اذا تزوجت عليهاوحدة ثانيه ,,, بس صدق تخيلتهن وهن مفزوعات الله يآمن كل مسلم ويسخر رجالهم لحريمهم ويسخر حريمهم لرجالهم أحسن الله اليك

رحماك ربي

شاكر لك مرورك الرااااائع ومشاركتك المميزة

[عبدالرحمن الحربي]

المشاركة الأصلية كتبت بواسطة مها وعليكم السلام ورحمة الله وبركاته قصة رااااائعه سبحااان الله كله خوف على أزواجهن من ألزواج با لثانيه ألايدرين أن الاسلام شرع لهم اربع !!!! الف شكر لك على نقل الموضووووع ....

لا يسمعونك يا مها يمكن يدفعونك الوووووووووووف


شاكر لك مرورك مشرفتنا الراقية

[عبدالرحمن الحربي]

المشاركة الأصلية كتبت بواسطة فواز2 يعطيك العافيه ياعبد الرحمن على القصه الرايعه

ربي يعافيك أخي فواز2

مرورك يسعدني كثيراً

[عطاء بن يسار]

وعليكم السلام ورحمة الله وبركاته
بارك الله فيك وجزاك خير اسعدتني هذي القصه الغريبه
وصلى الله وسلم على سيدنا محمد