[نواف الروقي]

غابت عني ولا ادري وش حالتها ,, ,, ولا أدري وشلون قلبي بتنام عيونه

قلت أقوم أنشد عنها بنت خالتها ,, ,, عله يرتاح قلب تلعب فيـه ظنونـه

صدت عني ما تبيني أشوف دمعتها ,, ,, قالت ياولد البنت بالعود مدفونـه

ماتت وغابت بالسما أحلى نجمتها ,, ,, وحزن النجم والقمر إنخطف لونـه

ماتت ومات بالحديقة أغلى وردتها ,, ,, وبكى الشجر والزهر قاموا يرثونه

وقفت مذهول وزاد بجسمي رعدتها ,, ,, وقفت صامتن وعقلي جنت جنونه

رحت المقابر علي الحق جنازتها ,, ,, لقيتها مكفنه وقبرالبنـت يحفرونـه

وصلت المقابر ومحدن فيه حزتها ,, ,, غير امها وأبوها وأخوها يعزونـه

شالوها يبغون يحطونها بحفرتها ,, ,, وغطوها بالتراب وقلبهـا يدفنونـه

لولا خوفي من الله... ثم فضيحتها ,, ,, لأقول هالبنت جسمها لا تدفنونـه

إلتفتلي شخص أظنه من جماعتها ,, ,, يقول هالولد علامه تبكـي عيونـه

غمضت عيني ماأبي تزل دمعتها ,, ,, بس بان الحزن والنـاس يشوفونـه

وإنزلت دمعة من قوة حرارتها ,, ,, احرقت خدي وخلتـه احمـرن لونـه

قلت انا اللي روح روحي فدتها ,, ,, قلت انا من روحـي وقلبـي يفدونـه

قلت انا من تركتني وحيد بدنيتها ,, ,, وانامن عشقها وحبها دايم يصونـه

أحبها واسالو عين ياكثر ما بكتها ,, ,, واسألو كل هالبشر وهالعالم وكونـه

أبيات شعري يا ما ويا ما تغنتها ,, ,, تقول أبيات شعرك قلبـي يطربونـه

من لام روحي عله يعيش حسرتها ,, ,, ويعيش طول الدهر تبكـي عيونـه

يا لايمين قلبي شوفوا صورتها ,, ,, بعدها تبون تلومونـه لكـم تلومونـه

ما أبي غيرها أبي أسعد بضمتها ,, ,, ماأريد غير قليبـي تنجلـي حزونـه

فوق قبر هالبنت تعالت ضحكتها ,, ,, يا عسى قبرالبنت بالسمـا يرفعونـه

لعنبو عين عقبك ما تحدر دمعتها ,, ,, ولعنبو خلقن كان إسمك ما يطرونه

لعنبو روحي كان تكتمل فرحتها ,, ,, ولعنبو الحزن لو فارق يوم بسجونـه

روحي فقدتها ودموع عيني رثتها ,, ,, بأبيات شعر مكسرة ماهي بموزونه

يالله يا كريم تغفر لها كل زلتها ,, ,, وتغفر لها ذنب كل المـلا يقترفونـه

يا كريم إجمعني بها بجنة عدتها ,, ,, حج البيت والصيام وخمس يصلونـه

يا ليتني ساكن اليوم بوسط حفرتها ,, ,, وروحي بجنب روحها اليوم مدفون

[ســـــامي العتيبي]

الله عليك يانواف
راااااائعه
تسلم اناملك

[سحرالفجر]

يا ليتني ساكن اليوم بوسط حفرتها ,, ,, وروحي بجنب روحها اليوم مدفون
قصيدة رائعةومؤثرة يعطيك ألف عافية

[نواف الروقي]

سامي الله يسلمك اخوي

مشكووووووور على مرورك الكريم

[نواف الروقي]

مشكوره اخت سحر الله يعافيك

[Ŝђǿǿq Ťąbσύĸ]

قصيدة أكثر من رائعة نواف

مشكور ... ولاتحرمنا جديدك

دمت بود ...

[فرح123]

تسلم الله يخليك دايما تتحفنا باشعارك

[نواف الروقي]

شوق

العفوووووو

ومشكووره على مرورك

وانشاء الله تشوفون جديدي

[نواف الروقي]

فررررح

الله يسلمك

ومشكووووره

[نواف الروقي]

شوووق


مشكووره على مرورك

وانشاء الله تشوفون جديدي