[أسابق الساعه !]

السلام عليكم .
مادري اذا يحق لي اكتب هالمووضوع والا مايصير !
بس انا بكتب لكم مشكلتي عل الله هداني لكم وتعينوني ...

انا اري ان اللي بيننا مجرد حروف وشاشة !
لكن الحرف احيان يذبح واحيان يحيي فينا الأمل من جديد ....

انا مريت بظروف مليعلمها الا الله سبحانه .. حسبت اني تعديتها وأثرني لسه بعد ما ابتديتها !

حقيقة

انا امر بمشكلة عظيمة وهس فقدي للثقة بأي شخص قدامي !
لدرجة اني كرهت نفسي وحياتي !
اي شخص يحاكيني اطالعه بنظرة مليانة خوف منه ! ومن باجر ووش راح يسوي لي فيه !

يمكن تشوفون المشكل ةعادية

لكن اللي يعيشها غير عن اللي يسمعها اكيد !

انا حياتي انقلبت 180 درجه !

الوحيد اللي احي الحياة عشانه هو ابوي .

ودايم افكر لو مات انا شنو ؟ انا اكيد ولاشي !

ودي اكتبلكم اللي مريت فيه لكن والله الحين بس لأني طريته قلبي يرف وخايف ! الماضي ينعاد !

ارجوكم

انا تعبانة .

صدق انه مع تمسكي بالقرآن راحة وطمانينة لكن احيان القاني مستسلمة لأوجاعي !


انا من جد تعبانة .

ويكفيني دعاء طيب من قلوب طيبة اكيد انها ماتحمل لي الا كل خير .

اختكم

اسابق الساعه .

[الريوووف]

أسأل الله العظيم أن يسعدج في ظل تقواه
وأن يرزقج بالطمأنينه ....ويملأ قلبك نورااا.........

أنصحج بالقيام في الثلث الاخير من الليل
و الالحاح بالدعاء مع التضرع....يوميا

[الشــاهينة الأزديــة]

المشاركة الأصلية كتبت بواسطة أسابق الساعه ! السلام عليكم . مادري اذا يحق لي اكتب هالمووضوع والا مايصير ! بس انا بكتب لكم مشكلتي عل الله هداني لكم وتعينوني ... انا اري ان اللي بيننا مجرد حروف وشاشة ! لكن الحرف احيان يذبح واحيان يحيي فينا الأمل من جديد .... انا مريت بظروف مليعلمها الا الله سبحانه .. حسبت اني تعديتها وأثرني لسه بعد ما ابتديتها ! حقيقة انا امر بمشكلة عظيمة وهس فقدي للثقة بأي شخص قدامي ! لدرجة اني كرهت نفسي وحياتي ! اي شخص يحاكيني اطالعه بنظرة مليانة خوف منه ! ومن باجر ووش راح يسوي لي فيه ! يمكن تشوفون المشكل ةعادية لكن اللي يعيشها غير عن اللي يسمعها اكيد ! انا حياتي انقلبت 180 درجه ! الوحيد اللي احي الحياة عشانه هو ابوي . ودايم افكر لو مات انا شنو ؟ انا اكيد ولاشي ! ودي اكتبلكم اللي مريت فيه لكن والله الحين بس لأني طريته قلبي يرف وخايف ! الماضي ينعاد ! ارجوكم انا تعبانة . صدق انه مع تمسكي بالقرآن راحة وطمانينة لكن احيان القاني مستسلمة لأوجاعي ! انا من جد تعبانة . ويكفيني دعاء طيب من قلوب طيبة اكيد انها ماتحمل لي الا كل خير . اختكم اسابق الساعه .

وعليكم السلام ورحمة الله وبركاته ..


وسلامتك أختي من التعب والتعب هذا منسي بحول الله وقوته وراح يكون لك مجرد ذكرى عابرة فقط لا غير ..


بقولك حاجة ..


هالوضع اللي أنت فيه أختي مو من فراغ ولازم يكون من موقف حصل لك وأكيد إنه قوي وأثر فيك واللي ساعد على ذلك إنك ما تصادقين حد أو ما تقعدين مع حد وما تسولفين مع حد وساكته وبس مجرد تسمعين وما تسولفين أو .. أو ..



OK .. كلنا نمر بظروف قوية ومو هينة وأحيانا لو قلنا حالات نفسية مدمرة بقولك لا أكثر ..
عيشي لنفسك ووالدك يبيك تعيشين لنفسك واللي انت فيه ما هي عيشة ترا ..


لا تحطين ببالك تهيؤات .. تطالعين أبوك ثم تقولين في نفسك يا ترا .. ويا ترا .. ووش بيصير فيني ..
لا تغلطين غلطتي فأنا يوم كنت من الصف الأول الإعدادي كنت نفسك عايشة في حالة نفسية قريبة منك شوي وهي خاصة بوالدي .. دايم أوسوس وأسأل نفسي وش بيصير فيني لو مات أبوي .. هل بعيش بعده ..
وتكبر هالأوهام براسي وأذيت نفسي وأبوي نفسه تأذى مني في كل مرة ..
يبا غسل يدينك بعد قراية الجرايد .. يبا لا تسافر .. أدش عليه في غرفته وأطلب منه يقرا الأذكار .. وإن تأخر بالليل أحرق عليه التليفون .. و .. وهذا كله من فراغ بدون سبب إلا سبب واحد إن أبوي كان الهواء اللي أتنفسه وروحي اللي ظهرت قبل ماتطلع ..

بس هالحالة جايتني وأنا بزر وكبرت معاي للجامعة لأن ما نطقت بها نهائياًً أبداً أبداً ولا أحد يدري بها إلا خالقي ..
فلا تكتمين وتخلينها تتزبد وتكبر معاك سنوات مثلي ..





والحين ..


بقولك إن هالتشاؤم وهالأوهام وهالوساوس يمكن نتسبب في ترجمتها واقعياً مثل ما قالوا " عطهم على فالهم " ونسينا تفاءلوا بالخير تجدوه ..

فخلي إيمانك بالله جل وعلا قوي وعيشي حياتك يا أختي ولا تسابقين الساعة لأنك ما تقدرين .. ليش ..
لأنك في محلك سر .. قاعدة بروحك ولا تشغلين نفسك بشي إلا بالتفكير في نفسك .. والشيطان عاونك للأسف ..
تقرين القرآن هذا صح .. لكن أقريه بحضور قلب وراح تحسين بالسكينة والإطمئنان ..

" هُوَ الَّذِي أَنْزَلَ السَّكِينَةَ فِى قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ وَلِلَّهِ جُنُودُ السَّمَاوَاتِ وَالأرْضِ وَكَانَ اللَّهُ عَلِيمًا حَكِيمًا "



المهم عليك بترطيب لسانك بذكر الله سبحانه وتعالى والجأي له فهو كريم حيي وما راح يردك يا أختي ..
ونفذي وصية أختنا الريوووف وهي صلاة قيام الليل فصدقيني بترتاحين .. وأشغلي الفراغ في شي يرجع عليك بفايدة ..



فرج الله همك وشرح صدرك ..

[مافي مني]

اختــــــــــــي اســــــــــابق الســــــــــــــــــاعه


ربمــــــــــــــا فقدتي الثقــــــــه بالناس ولكـــــــــــن لا تفقديهـــــــــــــا بـــــــــــرب الناس

دائمـــــــــا قولي ربي اجرني في مصيبتي واخلفنـــــي خيرا منها اعلم بان بعض البشر وجودهم في حياتنا بحد ذاته مصيبه ولكــــــــــن هنـــــــــــاك اسلوب للتعامــــــل معهم ومثل ما يقولون بالامثال (( كل طرااااااق بتعلومه ))


وعليــــــــك بالدعاء فانه راحـــــــه من الهـــــــم واكبر مواسي في لحظات الانهزام والضعف وتذكري ان الله معك وتوكلي عليه وثقي بــــــــه فانه لا يذل من ناجاه


الله يوسع عليك صدرك ويرزقك الراحه ويخلي لج ابـــــــــوج ومثل ماذكرتـــج اختي الشاهينه (( تفاؤلوا بالخير تجدوه ))

[Futoon]

اللهم فرج كربة أختي أسابق الساعة. و أهدها و عافها و اعفو عنها و أصلح بالها و جنبها وساوس الشيطان و احفظها و احفظ والدها و تقبل دعئها إنك قادر على كل شي يارب العالمين. آآآآمييييييييييين

و بإذن الله راح أدعيلج بقيام الليل و إن شاء الله الفرج قريب

[أسابق الساعه !]

والله مدري وش اقول !
الله ياجركن ع كل حرف خطيته ايديكن الطيبه..
ماتتصورون كم تعلقت في حرفكن .. وأمسكت به كني خايفة لا أفقده!!
يااااه وش كثير حنا ضعاف !!
ادناة الدون يوطينا وادناة الدون يرفعنا !!
( ياحي ياقيوم برحمتك أستغيث ,, أصلح لي شأني كلة ولا تكلني الى نفسي طرفة عين )
انا اشكركن من كل قلبي ..
وبإذن الله كابنساكن من الدعاء ياغاليااات

[مافي مني]

المشاركة الأصلية كتبت بواسطة أسابق الساعه ! والله مدري وش اقول ! الله ياجركن ع كل حرف خطيته ايديكن الطيبه.. ماتتصورون كم تعلقت في حرفكن .. وأمسكت به كني خايفة لا أفقده!! يااااه وش كثير حنا ضعاف !! ادناة الدون يوطينا وادناة الدون يرفعنا !! ( ياحي ياقيوم برحمتك أستغيث ,, أصلح لي شأني كلة ولا تكلني الى نفسي طرفة عين ) انا اشكركن من كل قلبي .. وبإذن الله كابنساكن من الدعاء ياغاليااات

ويجزيك بمثله ماسوينا شي

خوااات وحاضرين للطيبين