[عبدالرحمن الحربي]

السلام عليكم ورحمة الله وبركاته


الشاعرسعيد بن مقبل المنيعي الأكلبي يندب حظه

ألا يالله عفوك لا معي بيجر ولا جوال = ولا عندي وظيفة والتجارة فاشلٍ فيها
ولا عندي شهادات ولا حرفةٍ تسد الحال = ولا حظٍ كبير لا اخطت الجرة يقديها
مخابي الثوب تومي ما دخلها من زمان ريال = بها فاتورة الكهرب ولا يمديني أقضيها
على ذيك العراوي تتعب الحادي مع الجمال = ثلاث أشهر في الورشة وشهرين مغطيها
أبيها لو تجمل يوم واجلبها على الدلال = يجيها واحدٍ حظه مثل حظي ويشريها
نصيت الوظيفة يوم قالوا للنظام رجال= وقدمت الملف وصورةٍ متشخصٍ فيها
خذا الاوراق مني واحد ماعنده ولا دلال = سلوم الناس والمعرفة والطيب مخطيها
قراها في دقيقة والتفت عجلٍ علي وقال = شهادتك العظيمهوين انت مخفيها
هزيت الراس ما عندي تقول غني من البنقال= وقمت احب خشمه واطلبه بالله تمشيها
حذفها من يده شين الطبيعة والنبا والفال = وقال أزين تعود صوب نوقاتك تعشيها
تناوشته من الكرسي وعفت الحال والترحال= وضربته بالبيالة عقب مابيحت شاهيها
خذوني للسجن لانيب ظلم ولامحتال= مجرد واحد جايكحل عيونه فيعميها
ويوم اني خرجت اقفيت لأرض الله وسيع الجال= على برٍ هواه يداوي العلة ويبريها
أدور قصعة الجربوع والضب الفتى يختال= والارنب يا شفاة الروح ما احلاها و طاريها
بلا كهرب ولا بيجر ولا غاز ولانقال = قوانين الحضارة لاتبي شوفي ولا ابيها

أرق وأجمل تحية

[عبدالرحمن الحربي]

ــــــــــــــــــــــــــــــــــــ

[غفا]

وأنا والله غدت روحي.. تقل ماصابني.. زلزال ..............عسى ربي يفرجها همومي وين أوديها
وأنا أختك لاتذكرني .......جمل ولقيله الجمال.................وعيني تطرد حلوم ...طفت ماعاد يمديها

أخي عبدالرحمن...ياليت صاحب العراوي يدري أن أصحاب الحضارة لهم هموم أيضا تهد الجبال..ولاإله إلا الله..أي حزن زارني الليله...

[خلووووود الخالد]

على ذيك العراوي تتعب الحادي مع الجمال = ثلاث أشهر في الورشة وشهرين مغطيها
أبيها لو تجمل يوم واجلبها على الدلال = يجيها واحدٍ حظه مثل حظي ويشريها
نصيت الوظيفة يوم قالوا للنظام رجال= وقدمت الملف وصورةٍ متشخصٍ فيها
خذا الاوراق مني واحد ماعنده ولا دلال = سلوم الناس والمعرفة والطيب مخطيها
قراها في دقيقة والتفت عجلٍ علي وقال = شهادتك العظيمهوين انت مخفيها
هزيت الراس ما عندي تقل كني من البنقال= وقمت احب خشمه واطلبه بالله تمشيها
حذفها من يده شين الطبيعة والنبا والفال = وقال أزين تعود صوب نوقاتك تعشيها
تناوشته من الكرسي وعفت الحال والترحال= وضربته بالبيالة عقب مابيحت شاهيها


ههههههههههههههههههههههههههههههه

والله ماينلاااااااااام هالمسكين

على قشارة هالحظ ....


بلا كهرب ولا بيجر ولا غاز ولانقال = قوانين الحضارة لاتبي شوفي ولا ابيها

والله كني بديت اقتنع بكلااااااااااامه

صدق

بلانت

بلا كهرب

بلا نقاااااااااال


مشكرور اخي عبدالرحمن الحربي على هالابيات الطريفة

[كاتم العبرات]

ياخوي والله تكسر الخاطر

بس والله شعر فضيع ترا بنسخه عندي ممكن

[عبدالرحمن الحربي]

المشاركة الأصلية كتبت بواسطة غفا وأنا والله غدت روحي.. تقل ماصابني.. زلزال ..............عسى ربي يفرجها همومي وين أوديها وأنا أختك لاتذكرني .......جمل ولقيله الجمال.................وعيني تطرد حلوم ...طفت ماعاد يمديها أخي عبدالرحمن...ياليت صاحب العراوي يدري أن أصحاب الحضارة لهم هموم أيضا تهد الجبال..ولاإله إلا الله..أي حزن زارني الليله...

قلبت على المواجع


صاحب الهم إن الهم منفرج = أبشر بخير فإن الفـارِج الله
اليأس يَقْطَع أحيانا بصاحِبِه = لا تيأسَنّ فإن الكـــافي الله
الله يحدث بعد العُسْر مَيسرة = لا تجزعنّ فإن الصَّـانِع الله
وإذا بُلِيتَ فَثِقْ بالله وارضَ به = إن الذي يَكْشِف البلوى هو الله
والله ما لَك غير اللهِ مِن أحَدٍ = فَحَسْبُك الله .. في كلٍّ لكَ الله

شكراً على مرورك المميز دائما

[عبدالرحمن الحربي]

المشاركة الأصلية كتبت بواسطة خلووووود الخالد على ذيك العراوي ههههههههههههههههههههههههههههههه والله ماينلاااااااااام هالمسكين على قشارة هالحظ .... بلا كهرب ولا بيجر ولا غاز ولانقال = قوانين الحضارة لاتبي شوفي ولا ابيها والله كني بديت اقتنع بكلااااااااااامه صدق بلانت بلا كهرب بلا نقاااااااااال مشكرور اخي عبدالرحمن الحربي على هالابيات الطريفة

شكراً

مشرفتنا على مرورك الراااااااااااااااااااااااااااااائع

[عبدالرحمن الحربي]

المشاركة الأصلية كتبت بواسطة كاتم العبرات ياخوي والله تكسر الخاطر بس والله شعر فضيع ترا بنسخه عندي ممكن

ممكن ليه لا

أنت غالي وتستاهل

شكراً على مرورك الرااااااااااائع