[غيوم ممطره]

السلام عليكم ورحمة الله وبركاته


تفرقنا السنين ونجتمع


تفرقنا السنين ونجتمع والجرح نفس الجرح
على درب الفراق دموعنا تسبق خطاوينا

شرحت ظروفنا للوقت لكن ما فهم للشرح
صبرنا والصبر جمره ورا الاضلاع كاوينا

ترى وجه المتيم لو تبسم لاتحسبه مرح
امانيه اتهاوى من عيونه مثل امانينا

بنى من ذكرياته في محيط العاطفه كم صرح
لكن هاج المحيط ومالقى له ساحل ومينا

ياناس العيد ما له لون ولا له طعم ولا له فرح
واذا قلتوا وش الأسباب قلت الله يعافينا

نلوم الوقت والقصه ما تبغي جمع والا طرح
لأن العيب.. من ربي خلقنا ساكن فينا.

_________________________________
للشيخ/ حمدان بن محمد آل مكتوم"ولي عهد دبي".