[الدكتور فهد بن سعود العصيمي]

الحمدلله والصلاة والسلام على رسول الله وعلى آله وصحبه أجمعين، وبعد....

في ليلة جميلة جمعتنا بصاحب السمو الملكي الامير فيصل بن بندر بن عبدالعزيز أمير مدينة الرياض حفظه الله، ألقيت على سموه هذه القصيدة:

1) في فيصل اليوم انا أبقصد واغني والمعاني جداد=في حضرتك يا أميرٍ بالرياض وقبلها فالقصيم

2) واللي حضر مع سموك مرحبا هم لك حزام وزناد =أهلا بأهل السمو من إخوتك أو َصحبكم الكريم

3) كلٍّ معك له حقوق وواِجبه والله علينا وكاد =يا مرحبا بكل من شرّف معك والخير جانا عميم

٤)رياضنا في وجودك خيرها دايم معك بازدياد =بسياسةٍ تشمل أهل الدار ولا تنسى معاها المقيم

5) تممت فيها جهود اللّي سبقوا في همّةٍ واطّراد =سياسة بلادنا قامت على تقديرها الُمستديم

6) يا الحازم العازم اللي منهجه درب الهدى والرشاد =حطوك حكامنا في هيئة البيعة لنهجٍ حكيم

7) سلمان في حكمته كل الفتن مصيرها للرماد =وقف مع أهل اليمن من شرّ حوثيٍّ دنيٍّ لئيم

8) سلمان سلمان ربي يحفظه خلا الليالي َعياد =يمشي على درب أبوه العود يا جعله بخير ونعيم

9) عبدالعزيز الشتات بحكمته صارت معاً باتحاد =أسس لنا دولة تمشي على نهجٍ وشرعٍ قويم

10) عبدالعزيز البلاد بحنكته وبحكمته بانفراد =تميزت عن كثير من الدير والخير جاها عميم

11) وابوك بندرْ عسى الله يحفظه مشهود له فالبلاد =هو والدٍ للضعيف ووالدٍ للآرملة واليتيم

12) يا من رفعتوا كلام الله وضيقتوا على أهل الفساد =منهج ملوك البلاد ونعرفه من عهد والله قديم

13) حنا ترانا على الطاعة ومنهجنا رضى وانقياد =أقولها بالنيابة عن هل الزلفي وأهل القصيم

14) وديارنا فالشمال وفالجنوب وشرق غرب اعتضاد=أقولها لكل من هو مرتمي لفكرٍ غريبُ وسقيم

15) حنا نرحب بك الليلة وندعي لك بدرب السداد =أقولها والله إني قلتها من قلبِ مخلص صميم

16) بحضور شيخٍ لنا مشهود له شهمُ وفيّ ُوجواد =معالي الشيخ معروفٍ بفكرُ ومنهجٍ مستقيم

17) وختام قولي صلاة الله على شفيعنا بالمعاد =نبينا اللي على الأمة ترا دايم رؤوفُ ورحيم

18) نبينا اللي سمع للشعر كالبُردة وبانت ُسعاد =واجزل لهم بالعطا رغم الخطا منهج رسولٍ حليم

19) أنا على نهجهم من بعدهم في حر ولا براد =واهديك يا سيدي فيصل شعرْ معهْ شعورٍ عظيم

20) ولفيصل اليوم غنينا وجينا وودنا بالزياد =في حضرتك يا أمير بالرياض وقبلها بالقصيم

[مها]

6) يا الحازم العازم اللي منهجه درب الهدى والرشاد =حطوك حكامنا في هيئة البيعة لنهجٍ حكيم
يستاهل أميرنا الفاضل حفظه الله،ونسأل الله أن يحفظ ملكناالغالي وولي عهده الأمين وولي ولي عهده الفاضل
وصح لسان والدنا الفاضل الشاعر الكبير الشيخ الدكتور/ فهد بن سعودالعصيمي وفقه الله وبارك له.

[حورية القصر الأبيض]

الله الله الله ماشاء الله دكتور فهد شعر راقي وجزل صح لسانك
وحكام المملكة العربية السعودية يشهد لهم القاصي والداني بالحكمة والفضل
وتحية منا لأمير الرياض فيصل بن بندر
بارك الله فيك

[شذى الإيمآن]

بيت واحد هزني وأعاد لي شريط ذكريات كاد أن يُمحى..
الله أعلم كيف كان سيكون الحال لولا قيادتكم الحكيمة
ولن أنسى فضل الإمارات أيضاً..
فلكم الشكر كل الشكر..
فكل مسن ومسنة وصغير وكبير أمطركم بدعوات (عسى ربي يستجيب )..


الله يصلح الأحوال ويجعل الأيام القادمة أيام خير وفرح وسرور..
أياما تكون عوضاً عما مضى..
أياماً لا نرى بعدها سواداً او ظلماً..


وشكراً لك والدي الفاضل..
رزقك الله سعادة الدارين وجعلك ممن يورثون الجنان ويبشرون بروح وريحان ورب غير غضبان أنت وأهلك ومن هم حولك..وجمعني ووالدي وأهلي بكم..
آمين

[ورد الريـاض]

قصيده جميلة .. صح لسانك .

..

[أوس الخزرجي]

نسأل الله أن يوفقه لتحكيم شرع الله
و نصرة المسلمين المستضعفين في بقاع الارض

[غيوم ممطره]

ماشاء الله
صح لسانك وطاب شانك د/فهد العصيمي
ويستاهل صاحب السمو الملكي الامير فيصل بن بندر بن عبدالعزيز أمير مدينة الرياض,,
قصيدة جميلة.
شكرا لك.

[هدى وهداية]

صح لسانك دكتور فهد ويستاهل الامير الخلوق المتواضع فيصل بن بندر الله يحفظه

[خلوووود الخالد]

يا من رفعتوا كلام الله وضيقتوا على أهل الفساد
منهج ملوك البلاد ونعرفه من عهد والله قديم

آمنوا بكتاب الله واتخذوه منهاجا فأمنوا .
صح لسانك د فهد العصيمي.

[حورية القصر الأبيض]

لايوجد منافسين لمشرفنا العام ومحاورين شعرياً
سنرفع لك القبعة والراية البيضاء
دمت شاعراً فذا لايشق له غبار