[احببتك اللهم محبه دواها لي]

اتمنى ان تروق اعجابكم

حزن أكثر

بالغربة الحزن أكثر ..
وبالغربة الجرح أكبر .

وبالغربه الدموع تصير ..
نار وتاكل المَحجر .

وبالغربه السنين اتضيع ..
منك والعمر يـگصر .

تنام وتصحه لن الشيب ..
غفله اعله الزلف سيّر .

وبالغربه الغروب يبوگ روحك ..
والـگلب بحبال من تمشي الشمس ..
من الصدر ينجر .

وحشه وكلها صفره اتصير ..
وجهك والشمس ألوانهن تصفَر .

وياحسراتك البلروح ..
كل حسرة بضلع من تجزي يتكسّر .

وكل دمعه التطيح بـگـاع..
خدك تحرگ الاخضر .

يلمتعود اعله الطيب ..
وتحب الوطن والناس ..
وبتراب الشوارع چنت تتبخر .

حـگك من تحن وتنوح مثل النوگ ..
لو حنت لهلهه وهامت اعله البر .

وبعد اكثر ... وبعد اكثر ..
بالغربة شتريد اتـگول ..
عايز حـچيك وگصّر .

بس الاكثر وأكبر ..
ولامثله جرح ينطر .

ولا بالوصف يتوصف ..
ولا بالصور يتصور .

ولا مثله حزن اكثر ..
ولا مثله جرح اكبر.

بنادم من يموت ابليل ..
غربه ولا اخو اليحضر

ولا ايد التنـگط الماي..
بشفافه وعليه تسهر

ولا اخته العزيزه اتنوح..
يمه ولادمع حدر .

ولا واحد من احبابه يشـگ زيجه..
وعليه بالباب يتخصّر

ولا صاحب سمع بيه واجه من ابعيد..
تالي الليل يتعثّر

ولا جيران فزعوا چن اخوهم مات
وبشوفتهم اهل الحزن تتصبر .

غربه والغريب ايحير بالجناز..
ياهو ايشيل نعشه وبالسلف يفتر.

وياهو برهدنه ايحطه اعله حضن الـگـاع ..
وياهو باذنه سمه وأذن وكبر .

وحشه الغربه والأوحش تموت بـگـاع ..
مالك طير بيها .. ولا الك معشر .

وحدك نايم بلحدك ولا خطار ..
دگ باب الـگبر وبوحشتك سير .

ذاك انت الغريب ارسومك امبينات ..
من بين الـگبور وگبرك امحير

لأن مو كاعك وما ألك بيها تراب
متداين متر وبزاوية مدثر .

وبس الريح تصفر يمك وأوراق ..
من ذاك الخريف الراح تتبعثر .

يا أكبر خطيه ومن صدگ مسكين ..
يلمالك وطن وبعيد عن اهلك ..
تعيش تموت تتحسر..
تعيش
تموت
تتحسر

[غيوم ممطره]

وهل هناك أقسى من الغربة؟؟
عسى الله ان يصلح احوال الامة الاسلامية ويعم على اوطانها بالأمن والأمان.
..
"No0omar",,
نشكر لك حميل المشاركة.

[مها]

يا أكبر خطيه ومن صدگ مسكين ..
يلمالك وطن وبعيد عن اهلك ..
تعيش تموت تتحسر..
تعيش
تموت
تتحسر
الوطن لا يقدر بثمن فداك أرواحنا ياوطننا الغالي
نسأل الله أن يحفظ وطننا الغالي وأوطان المسلمين من كيد الكائدين والحاقدين والحاسدين إنه جواداً كريم
اللهم آمين.

[احببتك اللهم محبه دواها لي]

غيوم ممطره اسعدني مرورج
اي والله صعبه شـكــ وبارك الله فيك ـــرا لك ... لك مني أجمل تحية .

[احببتك اللهم محبه دواها لي]

اسعدني مرورج مها
اللهم امين يارب العالمين. بسم الله السميع العليم

[لؤلؤة المجد]

عاااشت ايدج غاليتي على هالشعر
الله يعينا على هالغربة ويصبرنا شنسوي مو بيدنا لعد اني شكول عمري كله بالغربة الحمدلله على كل حال والله اثرت بيه
الله يصلح حال بلدنا ونرجع لوطننا
الله يحفظ بلاد المسلمين

[احببتك اللهم محبه دواها لي]

نورتيني يعمري لؤلؤة المجد
هذا من ذووقج ااامين يارب العاااالمين
ان شاء الله تفرج باذن الله تعالى

اللهم اني برحمتك استغيث

[مرسوله الحب]

شـكــ وبارك الله فيك ـــرا لك ... لك مني أجمل تحية .

[احببتك اللهم محبه دواها لي]

المشاركة الأصلية كتبت بواسطة مرسوله الحب شـكــ وبارك الله فيك ـــرا لك ... لك مني أجمل تحية .

الشكر لله يالغاليه اسعدني حظورك