[غيوم ممطره]

السلام عليكم ورحمة الله وبركاته

.

.

.

عش دنيتك

.

.

كم جيت تبكي والنوايب .. تناطحك

وأقول : إمسح دمعك .. ودوك فاسي

.
لا تامن الدنيا تفطّن .. لجارحك

وإقرص على قلبك .. تخلّيه قاسي

.
بس الحسافه يوم تقبِل ..وأصافحك

وأقفي وأحس الضّربه .. تفجّ راسي

.
العيب ماهي طيبتي .. يوم أصارحك

أو أحسب الناس بموازين .. ناسي

.
العيب إني..أشق سترك .. وأمازحك

أو أمدحك وأرجع أخليك .. خاسي

.
خذلك طريق وروّح .. الله يسامحك

عش دنيتك بتشوف .. نفس المآسي

.
الوقت ما هو كل مرّه .. لصالحك

ما دام للّي سنّدته .. الرواسي

.
لو طالت الأيام تلقى .. مرابحك

تكبر جروحك ما لقيت .. المواسي ..!

.

.

"""""""""""""""""""""""""""""""""""

للشاعر/صالح عبدالكريم.

[عبد الله الصالح ,,]

لا تامن الدنيا تفطّن .. لجارحك

وإقرص على قلبك .. تخلّيه قاسي

.بس الحسافه يوم تقبِل ..وأصافحك

وأقفي وأحس الضّربه .. تفجّ راسي

صح لسان الشاعر ..

وسلمت الغيوم الممطره ..

[حروف القوافي]

لك من الابداع رونقه
ومن الاختيار جماله
دام لنا عطائك المميز والجميل

~