[غيوم ممطره]

السلام عليكم ورحمة الله وبركاته


دكت هجوس السهر


دكت هجوس السهر والنفس عيت تهيد
والعين تشره من البارح على أهـدابها

والـصـدر حلت بـه الضيـقه وقـامـت تـزيد
لين إرجحت كفة الضيقه على أنصابها

حاولت أجنب همومي عن سكون القصيد
لكن عـصـاني هـواي وطـير أسـرابها

الله على الـوقـت والـحاجه وكـف الـزهـيد
والله عـلى اللي حـيـاته ماتـقـاضـابها

وعزي لرجل(ن) يضـده في زمـانه ضـديد
في ساعة(ن) تجحد الأصحاب بصحابها

وعزي لرجل(ن) على الشدات ماله عضيد
ولالـه عـزوم تـشـيـله ويـتهـقـوابها

بين الجـمـاعـه ولـكن في ضـروفـه وحـيد
ودنياه من دون وجهه قفـلت بـابها

كل مابـرى من قـديم الجـرح تـلـه جـديد
لين أكتشفت سدة الحاجه وغنابها

ياصـاحـبي مـاورى دنيـاك عـلم(ن)وكـيد
متناقضه مثل أهلها وأحسب أحسابها

والــنــاس أجـنــاس وأكـثــرهـا مـايـفـيد
وياكثر ناس(ن) تعرف ولا تـتعزوابها

ويـاكثر ناس(ن) على الدنياء نفعها البعيد
وياكثر ناس(ن) مصايبها من أقرابها

ويـاقـل ناس(ن) لهـا عـقـل وراي سـديد
نـاس يـقـدي سنـعها ويـقـتـدابها

ويـاقـل نـاس(ن) بـوقـت الازمـه مـاتـحـيد
وياقل ناس(ن) إلحاها تكرم أشنابها

والـنـاس من لايزاحـمها بمـتـن(ن) شـديد
تدوسه الناس دوسها على ترابها

وراع الــردى والـمـذلـه فـي حـيـاته فـقـيد
لو كان عايش على الدنياء ويسعابها

وتـرى الـرجـال الـعـزيـزه بالشـدايـد رصـيد
أهل الوفاء اللي جذبها طيب مجذابها

وتـرى النـخل مايهـز أقـصـاه مـيـل الـجـريد
بيقى شموخه بوجه الريح ماهابها

ولـو الـلـيـالـي تـعـلـمـنـا عـن الـلي تـريد
كان أبتعدناء عن الضيقات وأسبابها

ولـو الـلـيالـي تـقـرب كـل خـل(ن) بـعـيد
كـان الـحبايب تـحـمل غيبة أحـبابها

لاشك باصبر قـاسي أقسـى من الـحديد
ولاعتاز أصحاب مثل الحمام اللي ضعاف ارقابها

تصغر إكبار المصايب في عـيون الـعـنـيد
وتكبر على اللي طمان النفس يرضابها .



للـشـآعـر // زعـل الـرشيدي

[البركة سليمان]

شكرا غيوم ممطرة، فالقصيدة تحمل معان لا يمكن نكرانها،
ولم يبقى صغير ولا كبير إلا شكى هذا الحال، فالنفوس
لم تعد كالسابق والحذر مع الناس أصبح واجب.

بارك الله فيك.