[غيوم ممطره]

السلام عليكم ورحمة الله وبركاته

***************************

قول عادي.. بالي الليله طويل ..
............ شُوف لِك عذرٍ قديمٍ / وأقبلَه !!


لا تحاتي ... قلبي مِتعَوِّد يشيل ..
............. الجُروح اللي تجي له مُقبِلَه ..


" طيبتي " صارت مثل كف البخيل
............ أيِّ شَي طايح .. تِشُوفـه ؟ تحمِلَه


و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَه


وعادي جداً .. إنِّي الليله عليل ..
............ الحزن : يحْسِبني واحد مِنْ هَلَه !!


ومو غريبه .. لو تِمَنِّيت الرحيل
............. البقاء أحيان , يعني .. البهذلَه !!


في غيابك .. ما لَهَا الضيقه مثيل ..!
............. وربِّي اللِّي .. ما يشاءهـ , يفعلَه


مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَه


وعيب راسي لا بغى شي " مستحيل "
.............. يوصله مو طيب .. غصبٍ يوصلَه


ليه راجع ؟! ليه ذاكر ..؟ يـ الأصيل ..؟؟
................ إنت ضايق ..؟! في خطأ بالمسألَه !!


وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَه ؟!


و البلا .. إن حَبْ أنسان " ثقيل "
.............. ينسى مِن حُوله ويسْمَع مُذهلَه !!


مِن عرفتك .. ما بقى بـ اليَد .. حيل
.............. ولو بكيفي .؟قلبي محدٍ يدخلَه


ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَه !!


فاقد الإحساس / ما يعطي القليل
............... وإن عطيته إحساس قلبك ؟ يقتِلَه !!


إيه بـ أرحل والطريق أدري .. طويل ..
............... مشكله " قربك " .. وبُعدِك مشكلَه !!


وإن خذاني المُوت إترك قالٍ وقيل ..
............. قول هـ الجُمله .. وخطاك أمحلِّلَه


ربِّي إلهَم أهله الصَبر الجَميل
............ وإرحمـه يا رب وإحسِن مدخلَه


(م/ن)

[أم عابد]

جميييلــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــه

[@الحياة حلوه@]

جميييل جداا

[لحظة وفاء]

أبيات جميله
لاهنتي

[Girl's]

ابيات جميله
وجودك اجمل
بالتوفيق

[آبوهمام المجدلي]

شـكــ وبارك الله فيك ـــرا لك ... لك مني أجمل تحية .

[ميسم.]

شعر فني جميل،
يعطيك العافسه

[انفاس غيمة]

موفقة بإذن الله ... لك مني أجمل تحية .