[القلب الكبير]

بسم الله الرحمن الرحيم

انا بس اكتب الحين عسب افضفض اتحملوا فضفضتي ولو كانت ثجيلة !

الله يسلمكم عندي مشكلة مستعصية من سنتين وهذي ثالث سنة ! وهي مديرتي الفاضلة

هالانسانة ممكن اتخرب علي يومي كله ... واتخيلوا سنة دراسية كاملة من الضغط النفسي كيف بتكون !

والله تعبت صدق نفسيتي تعبت ... انا مب آلة عشان كل شي يطلع مضبوط ! ولا كمبيوتر عشان كل الدرجات تطلع صح 100%

الناس قدرات والله قدر الامكان احاول اني ما اغلط ابدا ابدا ابدا ... لكن اذا صار وطلع عندي خطأ بنسبة 1 او 2 في 300%

بكون في نظهرها انسانة مب جديرة في شغلي ولا استاهل اني اكون معلمة ! حطمتني صدق !

وكل شوي اتذكرني بالتقرير ... انا ما يهمني التقرير وهي اتعرف هالشي .. ما يهمني انا دشيت التدريس بس عشان احب اني اعطي وانه مجال مافيه اختلاط

رغم هذا كله والله العظيم اني احاااااول ... اليوم كان اخر التحطيمات ...

ظهر عندي خطأ في درجة بنت ... خطأ في الجمع .... نااادووولي فلانة !

دشيت ! شكل الوكيلة ما يبشر بالخير ... استعنت بالله وقلت كل الادعية اللي حضرتني واللي تنقال عند الجبابرة !

لييييييييييش وكيييف وووو الصراحة خليتها اتفضفض واتطلع كل اللي في خاطرها ... !

واتحملت اتحملت كلام واااايد قالته رغم ان وراي مراجعتين يراجعون الدرجات وهم اللي المفروض يتأكدون من صحة الجمع الا اني اتحملت الخطأ بروحي قلت لها انا هيه خطيت بس بعد في ناس عقبي المفروض يظهرون هالخطأ !!

وطلعتني اني اعق الخطأ لغيري ... وقالت كلمة وقعت في قلبي ... الواحد يوم يحس نفسه مب اهل للوظيفة يفنش احسن له !

الحيييييييييين كل اللي في البلاد لو حسوا انهم مب اهل للوظيفة بيفنشون عيل محد بيتم على راس وظيفته !!!

آآآه ... تميت اسأل نفسي صدق انا مب اهل اني اكون معلمة ؟؟ عشان خطأ في الجمع وشي طبيعي ان الواحد يغلط

انا حاولت اراويها الجانب الايجابي في الموضوع ان الحمدلله ان الخطأ ظهر واتداركناه ما تمينا ساكتين والبنت راحت درجاتها في الهوا ... تميت حول ال40 دقيقة اسمعها ... واتعيد علي كلللل اخطائي في الاعوام الماضية ! وكل شي سويته واللي ما سويته بعد ...

عقب قالت لي نحن خوات وما بتشلين في خاطرج !

قلت لها ما بشل في خاطري شي لا اتحاتين ... بس انتي لا اتشلين في خاطرج .. واذا شي بعد في قلبج انا اسمعج ...

قالت لي شو شاغل بالج ؟؟ لا بيت ولا عيال ولا شي شوو شاغل بالج ويخليج تغلطين ...

ما ادري والله انا اللي اشوف المشكلة صغيرة والا هي كبيرة وانا اشوفها مشكلة تافهة ! ما ادري والله

رغم ان العمل في نظري لازم يكون تيم وورك يعني جماعي مب فردي انا انجز عمل .. غيري يشيك عليه .. في النهاية عندنا عمل متكامل ..

طبعا ما اخفي انها يابت طاري التقرير ... انا ما يهمني التقرير والله لو يهمني كنت عرفت كيف اساحل و امثل حالي حال المعلمات والله ... لكني دشيت التدريس حبا فيه وحبا في العطاء نفسه

لين متى بعاني من الادارات الجامدة ! اللي همها بس تطبيق القوانين واللوائح بدون مراعاة بشريتنا

معقول في ناس ما يغلطون في حياتهم ؟؟ معقول في ناس شغلها كلللللللللله 100% صح

هل الخطأ فيني انا ؟؟ هل انا مب اهل للتدريس عشان بس اخطأت في درجة بنت واتداركنا الخطأ يعني مب انه فات الأوان

وهالخطأ بعد يشاركني فيه ناس وايد مب بس انا .... ياربييييييييييييه احس اني صدق انحبطت ... صدق التعامل مع الحريم صعب !!!!

طبعي اني اشوف الامور بسهولة وببساطة .. ما احب العقد ولا احب التعقيد ولا احب التقيد باللوائح الجامدة .. احب المرونة والعمل الجماعي ... واذا اخطيت يجبرون خطاي مب يفرحون انهم مسكوا علي شي !

نحن في النهاية بشر ... والمعاملة الطيبة والابتسامة الحلوة اتساعد على خلق بيئة عمل حلوة وفعالة

لكن بيئة الضغط والسرعة المكوكية في الاداء وفوق هذا كله من الكبائر انه تخطئ مثل البشر !

لين الحين اعصابي تعبانة :(

ادعوا لي بالتوفيق .. واذا كان فيه خير لي استمر في هالمجال ... او يجعلني ربي وين ما كان هو راضي عني فيه

[شافي الشكري]

سبحان الله أختي القلب الكبير
أحب أوقولك شيء من خلال تجربتي في هذا المجال
واقوله لك من تجاربي في هذا المجال ضعي نصب عينيك طاعة الله عزوجل والصدق والإخلاص ومحبة مصلحة الطالبات والاجتهاد والحرص على إعطاء كل ما هو مفيد لمصلحتهن واعلمي أن الله لا يضيع عمل عامل من ذكر او أنثى ، لن يضيع قدرك وسيرفعك الله مهما حاول أي من البشر تخذيلك ولا تكترثي للمحبطات والأمور التي تفسد النجاح والتقدم واعلمي أنك ما إن اتبعتي الطريق المستقيم ومراعاة الله عزوجل والحرص على أداء هذه الأمانة بخير وسلامة فلن تخسري أبدا .
للأسف الشديد أختي الفاضلة التعليم ربما أصبح شكليا في وقتنا هذا ومجاملة وإرضاء للمسؤولين ولم يهتم بالقضايا والمتضادات التي تواجه أبناءنا وبناتنا في ظل الحياة العصرية المتجددة المتطورة .
أنصحك بالاستمرار في عملك ولا يهمك شيء أبدا طالما أنتي تسلكين وتحرصين على أداء أمانتك بأكمل وجه . وسيأتي يوم تعتذر منك هذه المديرة وتتأسف لك لأنك تجبرينها على احترامك ولو كانت حجرا في قساوتها .
مهنة التربية والتعليم هي مهنة الأنبياء والمرسلين فانتق الله في أدائها وتربية وتعليم أجيالنا على الأخلاق الحميدة والعلوم النافعة ..
وفي النهاية أختي القلب الكبير الإدارة فن وعلم .. وخصوصا في هذا المجال يكون فيها تحمل وتغاضي ونصح وإرشاد وعمل جماعي وتعزيز وتحفيز ..
وعليك أختي ان تنظري إلى الأجر العظيم الذي تكتسبينه من لدن عليم خبير سميع بصير مطلع على كل شيء ..
استمري في عملك فالسلك التربوي والله بحاجة إلى أمثالك من المخلصين المجدين..
اعتمدي على الله وعليك بالدعاء بالتوفيق والنجاح وتصليح ما قد تتعرضي له من الإخفاق في الجوانب البسيطة فلكلنا ذوو خطأ ومن من لا يخطأ ..
المديرة نفسها تخطئ وتخطئ ..
فالخطأ ليس عيبا إنما العيب هو تكرار الخطأ والتمادي فيه..
اطمنئني اختي لعتمدي على الله وسوف ينصرك الله وتصبحين مثلا يحتذى به ..
تطلعي إلى التميز داخل المدرسة في الشيء الذي يرضي الله أيا كان النشاط بشرط لا يكون فيه مفسدة
وإن شاء الله ستحققين النجاح الباهر ..
ومعذرة منك أختي عسى أكون قد قدمت شيئا به إفادة وشكرا لك وبارك الله فيك ووفقك لك خير وسداد.

[القلب الكبير]

اخوي الكريم شريف .. يزاك الله خير على نصيحتك ورفعك لمعنوياتي

يمكن المشكلة اللي اواجهها هي اختلاف جيلي عن جيل المديرة واختلاف التفكير

هي انسانة دقيقة جدا جدا جدا ... انا ارى الامور بشمولية ما احب ادقق في المواضيع مثلا لو ياتني طالبة بعذر اقبله او حتى بدون عذر اقبله ما اوقف الدنيا عشان بس انا اريد اني اسوي حق عمري سالفة او استخدام سلطتي كمعلمة وحسب !

انا الصراحة اعترف اني ما احب القيود ... ما احب اسوي اطار لحياتي ... هي بمشي بما يرضي الله بس طريقة تفكيري ان انغير اسلوب التعليم الغبي في مدارسنا ... يعني عادي عندي لغيت الواجبات ... في مادتي ما اعطي واجباب البنات طااارن من الفرحة ... بس قلت لهم هاا عندكم اوراق عمل لازم اتكملونها في الكلاس اللي ما اتكملها ينحسب عليها واجب واتفاعلوا البنات وياي ... ابتكرت حصة اسمها ( حصة مفتوحة ) بنتكلم عن اي شي هم يبونه او يتساءلون عنه بس مب موجود في الكتاب ... وياكم البنات يشتاقون حق هالشي ... الخروج عن دائرة المناهج المملة واللي اتييب لي المرض قبل البنات ! عادي اغير مكان الصف اخليه بره المدرسة ... ! وامور وايد بس محد يساعد الصراحة على اننا انغير اسلوب التدريس ..!

تدري شو المشكلة بعد ... انك اتسوي اشياء وايد ... تنجز ... تعطي من خاطرك ... بس ما يقدرون الشي اللي انته سويته !
يدورون وييين انت قصرت عسب يلسعونك بلسانهم ! هني احس كل اللي سويته راح ادراج الرياح..

محتاجين حد يدفعنا للأمام ... لكن ما نلقى الا حد يحسب علينا اخطاءنا ... ويذكرها كل ما شافنا :(

يعلم الله اني احب مديرتي .. وهي انسانة رائعة .. يمكن هالشي خلاني اتضايق لمكانتها عندي واحترامي لها .. وادري اني باجر ان شاء الله بسلم عليها لا انا في قلبي شي ولا هي حمل في قلبها شي متصافيين متحابين ..!

مرات اتذكرني بأمي الله يحفظها لنا ... عادي اتبهدل منها .. وعقب تسألني اتعشيتي .. او تغطيني بالليل بحنان .. نفس الشي مديرتي اتبهدلني .. وعقب اتشوفني اتقولي فديتج لا تزعلين مني .. وتعتذر مني ... مرات افرح يوم اسمعها احس محد يسمعها غيري .. لان المعلمات كلهم يناقشون ويجادلونها ويقاطعونها ويبرؤون انفسهم ! انا اصدمها بسكوتي لين اتكمل كلامها واني اقولها هييه انا غلطت وبصحح غلطي .. هني تسكت احسها ما تقدر اتكمل بهدلتها ... والله اني احبها في الله :)

لكن الموال يتكرر .. والنفسية تتعب والشكوى لله ... اللهم اغفر لي ولاختي

شاكرة لك وايد اخوي شريف مرة ثانية على نصائحك القيمة .. واللي بحطها في بالي دوم ... واذا عندك خبرات في مجال التدريس اكتبها لنا خل نستفيد منك ومن افكارك ومن المواقف اللي مريت بها

[جوري الشرقية]

الله كريم قلبي الكبير :)

[محمد عبد الله زينو]

السلام عليكم ورحمة الله وبركاته

قد يكون لي عودة للتعليق

لكن لي أن اطلب من المعلمين والمعلمات ممن يقرأ الموضوع ان يعطوا اختنا بعض النصائح والطرق

المثلى في التصحيح والتعامل مع المدراء والطلبة ...

[الابتسام]

بسم الله الرحمن الرحيم

حقيقة حزنت جداً لم آل الحال بك الفاضلة القلب الكبير، لكن أنت القلب الكبير، و القلب الكبير يحوي و يحتوي الكثر و الكثيرـ أعانك الله وخفف عنك، اللهم آمين يارب.

أختي الكريمة ثقي بالله فهو حسيبك ولن يضيع الله عمل عامل منكم من ذكر أو أنثى، وان الله سينصرك ولو بعد حين، لا عليك من كلامها و مفرداتها فهي مردتها اليها وحدها، لان كل نفس بم كسبت رهين، والله وحده الاعلم بخفي الامور، أدعو الله لك بالتوفيق والسداد والستر والعافية، ولا عليك منها و من غيرها. اصبري وصابري، ولا تزعجي نفسك ولا تجزعي، وان شاء الله سينصفك الله تعالى و ينجلي الظلام و يعم الامن والامان عليك و ترتاحين. اللهم آمين.

وآخر دعوانا أن الحمدلله رب العالمين.

[ورد الريـاض]

السلام عليكم

الله يعينك يالقلب الكبير ويفرج همك
وانا لي عتب عليك ليش تركتيها 40 دقيقه تذكرك وتحاسبك على اخطائك ترى كل شي له حدود
ومو معنى انها مديره او وكيله تستغل مركزها انها تهين الناس خير ان شاء الله المفروض ماسمحتي لها بالتمادي معقوله 40 دقيقه تحاسبك !! الله يعين زوجها عليها
شوفي ياعيوني الخطاء وارد وخصوصا في هالدرجات اللي تدوخ الله يعينك ولايضيق صدرك ياعمري ماتستاهل تضيقين صدرك عشانها تلاقينها الحين مبسوطه ولاجابت خبر طنشيها حسبي الله عليها
بعدين ابي اعرف ليش ناقشتك انتي بالذات خير والمعلمات اللي راجعوا بعدك ماقالت لهم شيء ؟؟؟؟
هذي يبيلها اعتراض
وتبين نصيحتي ترى فيه ناس من تشوف الطيب تتقيوى عليه فانتبهي بتتعبين كثير وخصوصا في مجال العمل قوي شخصيتك اكثر واكثر ودافعي عن حقك ولاتسكتين
بصراحه اشوف منها وقاحه انها تقول منتي اهل للتدريس علشانك غلطتي بدرجه !! التعليم رساله نبلغها.... التعليم تنشئه للاجيال ............. ومو انك غلطتي بدرجه تحطك منتي اهل للرساله هذي اعوذبالله والله الظاهر هي اللي مو اهل للتوجيه والاداره
والله يالقلب الكبير فيه اصناف من الحريم تشوفين فيها عجايب خلق الله سبحان الله هالنوعيه ماينفع معاها الطيب ولا القلب الكبير هذي يبيلها تعامل من نفس نوعية تعاملها
وتذكري في مجال عملك ( ان لم تكن ذئباً اكلتك الذئاب)
وفي النهايه احتسبي الاجر عند الله وتمسكي بوظيفتك ولاتهزك كلمه من انسانه معقده ماتحسب حساب لمشاعر الاخرين حطي اذن من طين واذن من عجين مادمتي واثقه في نفسك وادي عملك على اكمل وجه وبمايرضي الله تعاملي مع البنات كــ أم ومعلمه ناصحه وامشي عدل يحتار عدوك فيك ولاتهمك المديره مادام ماشيه صح واذا ظلمتك بالتقرير ظلمها بيرجع لها ظلام في حياتها واخرتها احتسبي الاجر عند الله
ومايمنع انك تدعين الله انه يسخرها لك مثل ماسخر البحر لموسى ويلينها لك مثل ماليّن الحديد لداود
ترى هالدعاء له مفعول عجييييييييييييييب
واحب اذكرك بحديث الرسول صلى الله عليه وسلم " اذا مات ابن أدم انقطع عمله الا من ثلاث صدقه جاريه اوعلم ينتفع به او ولد صالح يدعوا له"
استغلي وظيفتك بالعمل لآخرتك وصّلي للبنات العلم النافع واستغلي حصص الفراغ في النصح والموعظه واللقاء الكلمات المعبره والمؤثره في الدين وخصوصا في الصلاة والتمسك بالحجاب ومن هالقبيل حطي قدام عيونك مسؤلية تربيه هالاجيال بمايرضي الله صدقيني التعليم طريق موصل للجنه فلاتفرطين فيه ابدا
والمديره مادمتي ماشيه صح خليها على جنب ولاتضيقين صدرك عشان كلمه قالتها استصغري عقليتها ولاتشرهين عليها وقولي الحمدلله رب العالمين.

[القلب الكبير]

المشاركة الأصلية كتبت بواسطة جوري الشرقية الله كريم قلبي الكبير :)

هيه والله ربنا كريم يا جوو !

تدرين ..

والا خلاص هونت :)


يارب اشوفج معلمة بس ;)

[القلب الكبير]

المشاركة الأصلية كتبت بواسطة محمد عبد الله زينو السلام عليكم ورحمة الله وبركاته قد يكون لي عودة للتعليق لكن لي أن اطلب من المعلمين والمعلمات ممن يقرأ الموضوع ان يعطوا اختنا بعض النصائح والطرق المثلى في التصحيح والتعامل مع المدراء والطلبة ...

وعليكم السلام ورحمة الله وبركاته

اخوي الطيب محمد

امممم

مشكور وايد على اقتراحاتك بس حبيت اقولك ان مشكلتي مب في التصحيح :)

ولا التعامل مع المدراء ولا الطلبة !


ويييين المشكلة عيل ؟


المشكلة في الناس الصعبين المراس

يوم تتعامل مع ناس متسلطين اللي ما يفهمون الا قراراتهم ... وما يشوفون الا انجازاتهم

مرات يمرون عليك ناس تنصدم فيهم !

كيف وصل لهالسن ... او لهالمنصب ... او لهالوظيفة اللي يعتبر الواحد فيها قدوة

ثم ما يملك ابسط مقومات الذوق وكسب الناس والذكاء الاجتماعي

مشكلتي في اتباع القوانين واللوائح بشكل الكتروني آلي بدون مراعاة انك انسان لك ظروفك

القوانين تتطبق يوم اتكون امقصر ... ويوم تتفانى في العطاء يتجاهلونك !

المشكلة يوم اتعيش حياتك كمعلم للأجيال ... تتقرب منهم حبا في تغيير حياتهم للأحسن

عقب ياخذك الوكيل يقولك ... خفف علاقتك بالطلبة ترى ما راح ينفعونك !


المشكلة يوم تتحاسب على ثانية تأخير ... لكن ما يقدرونك على ساعات اتم فيها في المدرسة عشان الشغل يخلص !

المشكلة مب في كيفية التعامل مع المدير او الطالب الحمدلله الله عطانا امكانات

لكن المشكلة في انك اتربيت على الاخلاق والتعامل الطيب ... وما تقدر تعطي الا هالطيب حتى لو غلطوا عليك

مب ضعف منك لا .. بس عشان وصية الوالدة ربي يحفظها كل يوم اتقولي لا تغلطين على حد واحترمي اللي اكبر عنج واللي يظلمج ربي بياخذ لج بحقج ... خلي بينه وبين رب العالمين

وانا خليت بينهم وبين رب العالمين ورضيت بهالشي

[القلب الكبير]

المشاركة الأصلية كتبت بواسطة الابتسام بسم الله الرحمن الرحيم حقيقة حزنت جداً لم آل الحال بك الفاضلة القلب الكبير، لكن أنت القلب الكبير، و القلب الكبير يحوي و يحتوي الكثر و الكثيرـ أعانك الله وخفف عنك، اللهم آمين يارب. أختي الكريمة ثقي بالله فهو حسيبك ولن يضيع الله عمل عامل منكم من ذكر أو أنثى، وان الله سينصرك ولو بعد حين، لا عليك من كلامها و مفرداتها فهي مردتها اليها وحدها، لان كل نفس بم كسبت رهين، والله وحده الاعلم بخفي الامور، أدعو الله لك بالتوفيق والسداد والستر والعافية، ولا عليك منها و من غيرها. اصبري وصابري، ولا تزعجي نفسك ولا تجزعي، وان شاء الله سينصفك الله تعالى و ينجلي الظلام و يعم الامن والامان عليك و ترتاحين. اللهم آمين. وآخر دعوانا أن الحمدلله رب العالمين.

مرحبا الساع اختي الابتسام يعلني ما اخلى منج والله ... مشكورة وايد على المؤازرة المعنوية وصديقني انا ما انزعجت شوي بس في البداية صحت عند جوري وعقب خلاص قلبي انغسل والله ... ولا حطيت في بالي ابدا بس كنت محتاجة افضفض شوي وانتهى كل شي :)

دعواتج لي بظهر الغيب و طلي علينا متى ما فظيتي :)