[أبو عامر الشمري]

هذا الفرق بين الشباب والبنات في سحب الفلوس من الصراف

عند وصول الصـــــــــــــــــــــراف

( الشبــاب )

1- ينزل من السيارة باتجاه الصراف والجوال بيده .

2- يطال لشخصيه بزجاج الصراف ويعدله بسرعة .

3- يدخل البطاقة ويطقطق أصابع ويعدل سكبته بشاشة الصراف .

4- يدخل الرقم السري والمبلغ المطلوب .

5- يأخذ الفلوس والبطاقة ويترك الإيصال .

6- يفتح الباب للي بعده ويسلم ويغادر .

ــــــــــــــــــــــــــــــــــــــــــــــــــ ــــــــــــــــ

البنات :

1- تصل مع السواق لصراف البنك .

2- تعدل نقابها والشيلة قبل ما تنزل من السيارة .

3- ترش عطر .

4- التشييك اليدوي على العباءة .

5- تشوف الجوال فيه إرسال و إلا لا .

6- تدور على البطاقة في شنطتها .

7- تدخل البطاقة وترفض من قبل الصراف .

8- تعدل نقابها في مرايا الصراف .

9- تدور على بطاقة الصراف الجديدة في شنطتها المليانة .

10- تدخل البطاقة .

11- تدور على ورقه مكتوب عليها الرقم السري داخل شنطتها المليانة .

12- تدخل الرقم .

13- تقرأ مسج وصلها بالجوال .

14- تلغى العملية بسبب تأخرها في إدخال المبلغ المطلوب .

15- تعيد كتابة الرقم السري .

16- تطلع لها رسالة بشاشة الصراف إن الرقم السري ملغى .

17- تكلم أخوها أو أختها عشان الرقم الصحيح .

18- تدخل المبلغ المرغوب .

19- تنتظر .

20- تدخل المبلغ مره ثانيه .

21- خطاء حاول مرة أخرى .

22- تدخل الرقم صحيح هالمره .

23- تطقطق أصابعها وتعدل نقابها .

24- تأخذ الفلوس .

25- تدخل بطاقة أبله منيره .

26- تدخل رقمها غلط .

27- تتصل عليها تسألها عن الرقم .

28- تدخل الرقم مره ثانيه .

29- تتصل عليها مره ثانيه تسألها تسحب الراتب كامل ولا لا .

30- تدخل بطاقة أنفاس العنود وتكرر نفس الخطوات السابقة .

31- تدخل بطاقة ساره..وتكرر نفس الخطوات السابقة .

32- تدخل بطاقة .حمده.وسلمى.وعتيقه.وتكرر نفس الخطوات السابقة
لكن هذي المرة ترسل رسائل جوال بينها .

33- ترجع إلى السيارة .

34- تشٌيك على شكلها في المراية الأمامية .

35- تشوف الجوال فيه إرسال و إلا لا .

36- ترش عطر .

37- تقول للسواق امش .

38- بعد خمسين متر تقول للسواق وقف .

39- ترجع إلى الصراف .

40- تنزل من السيارة .

41- تأخذ البطاقة من الصراف .

42- ترجع إلى السيارة إذا أبو هنود ينتظرها ولا تتصل عليه يرجع لها .

43- ترمى البطاقة بداخل الشنطة .

44- تشٌيك على شكلها في المراية .

45- تشٌيك يدوى على شعرها .

46- تطالع على السرى اللي وراها تموت من الضحك على طوله..

47- تقول للسواق خلاص امش .

48- تطول على المكيف .

49- تروح للسوق وتحرق الفلوس في ثانيه .

[قيود]

49- تروح للسوق وتحرق الفلوس في ثانيه

في هاذي صدقت والله .....

فعلا الفلوس تطير ..كيف مدري؟؟؟؟؟؟

مشكور اخوي المجد

[د. هند الحربي]

أخي المجد أتوقع أنه في نوع من المبالغة في الكثير من الكلام ومع ذلك أضحكتنا كثيراً.... أويد نقطة فقط
( صرف الفلوس في السوق)

ودمتم ,,,,,

[***محـمـد***]

أضحكتنا كثيراً ..


لا تعليق
...

لأكن الناس مو سوا

شكراً لك

[الابتسام]

بسم الله الرحمن الرحيم

معلومة غريبة، فعلاً لم أتوقع ان يكون التحليل بهذا الشكل عن الفتيات حين يردن سحب المال من اجهزة الصراف الالي، ليس الا انني لم الحظ هذه المشكله في حياتي، وانا والحمدلله لست ممن يطلن في هذه العملية، الموضوع بسيط لكن التحليل رائع مسلي ربما وهي عادة اخذت على الفيات و السيدات بشكل عام في الانتقاد والتحليل بشكل مبالغ ومسلي. اخي المجد شكراً لطرحك هذا الموضوع المسلي ، بارك الله فيك وحفظك ورعاك.