[مخاوي الغربة]

أبدي بذكر الولي رب الأنام
الإله الواحد اللي ما ينام
عز شانه لا يضيم ولا يضام
عالم غيب الليالي المقبلات

أسألك يا رب تصلح بالنا
نخلص النية بكل أعمالنا
واتهدي للحق كل عيالنا
نحفظ القرآن وفروض الصلاة

هات يا هاجوس واكتب يا قلم
قصة تحكي من الواقع ألم
من عواقبها قليل اللي سلم
قصة التحنان بقلوب البنات

البنات أزهار محتاجة مطر
لأرتوت بالحب من عذب القطر
فاح من وجدانها أغلى عطر
روضة يزهر بها زين النبات

بس والله مشكلة بعض الأسر
في تعاملها فضاضة مع عسر
يكسرون قليب ها الدرّة كسر
كن ما للبنت حق مطالبات

إن بغت حاجة مَحَد لبالها
حتى لو إن الغرض من مالها
مالقت منهو يجيب أشغالها
حتى لو جابوا بعضها ناقصات

يعني لو حبّت تروح المكتبة
قالوا إن البنت هذي متعِبة
وحلفوا لا لا تعدين اعتبة
مالها داعي تروح المكتبات

وإن بغت ها السوق والله مشكلة
معضلة يا كبرها من معضلة
من يوديها يحل المسألة
الخبير اللي يحل المشكلات

لو تبي تزور البنات أصحابها
أو تبي تَعزم بنات أقرابها
كان يكثر لومها واعتابها
والحقوق تضيع في ودي وهات

لو تبي تعزَم على حفلة عرس
جاوبوا ممنوع باسلوب شرس
توك صغيرة وجاهل يا فرس
عيب ما يصلح تروحي مناسبات

يعني لو كانه تعكر صفوها
مالقت منهو يغير جوّها
لا أبوها لا أخوها لا امها
كلهم لاهين عنها في الحياة

مشكلة لا ما لقت صدر حنون
العطوف اللي على قلبه تمون
تشتكي له عن هواجيس وظنون
تقضي الأوقات في هم وشتات

يقعد الشيطان يلعب لعبته
يدري الملعون هذي فرصته
لين يغويها وتسمع كلمته
تتبعه وتصير ضمن الغاويات

والبدايل عندها يا كثرها
ما تميز خيرها من شرها
والرقيبة غافل ما مَرّها
تارك أبواب الدخول مشرعات

الفضا والنت والهاتف بعد
عندها الشيطان للحلوة قعد
يعطي الكذاب للفرحة وعد
لين تغرقها بحور الأمنيات

بنت محتاجة تبي صدر رحيب
ودها تلقى لها قلب حبيب
يمكن تلاقي لضيقتها طبيب
راحت تدور بكل أربع جهات

جرهاالمركب على بحر الهوى
وأبحرت بالحب والقلب انكوى
والحبيب اللي لصيدتهانوى
افترسها فاالوعود الكاذبات

لأنها بنية وتملك عاطفة
عاطفتها في المحبة جارفة
تدخل الساحة ولاهي خايفة
ثم تاكلها الذياب الجايعات

كل هذا من سبب تهميشها
والحياة اللي جحود تعيشها
وردةٍ ذَبلت سبب تعطيشها
لين هزتها رياح المغريات

بعدهذااسمعوايااهل العقول
كلمة مني ولا ابغاها تطول
علها فقلوبكم تلقى قبول
الله الله يا هلي بالمترفات

احفظوا للبنت كل حقوقها
واحتووها واسمعوا منطوقها
واكسبوا كل الثقة في ذوقها
عاتبوها بالحروف اللينات

والنصيحة يا بيوت المسلمين
اعتنوا بالتربية دنيا ودين
بالبنات اخشوا إله العالمين
كان تبغون البنات الصالحات

تمت وصلوا على الهادي البشير
السراج اللي على الأمة ينير
النبي اللي على هديه نسير
عِد آيات الكتاب البينات

بقـلـــــــمي
خاااااالدالتميمي
((مخاوي الغربة))

[مخاوي الغربة]

للجميع على المرووووووووووورالكريم والذااائقة الرفيعة للكل

[Ŝђǿǿq Ťąbσύĸ]

أبيات تٌلامس القلوب ..~

وتٌعبر عن حال أغلب فتياتنا ..

صح لسانك وتسلم يمينكـ .. وأعانك بغربتكـ وأرجعك إلى أهلك سالماً إن شاء الله

[خلووووود الخالد]

هلا فيك اخي مخاوي الغربة
شكرتنا قبل ان نـرد عليك لا أدري هل هو التعجل والختام
ام من فائض التلطف والاحترام ! واظن هذا هو السبب الأقرب على الأقل لنفوسنا .
بالتأكيد ابياتك ليست بحاجة اطراءي وليست تنتظر ثناءي واعجابي
لكن مثل هذه الابيات يفرض علينا ان نقدم لك جزيل الشكر وجميل الثناء على مشاركتنا هنا بها
في المنتدى الشعري .
واتمنى أن يتشرف المنتدى ولو بقليل من سحائب قصائدك .

[حبر الوفى]

أبيات جميلة
صح لسان قايلها
يعطيك العافية
أنار الرحمن طريقك

[مخاوي الغربة]

شوق تبوك

مشكووووروة وصح بدنك على مرووووووووووورك المشرف وحضوووورك المعطر واشكرلك جميل اعجااااابك وتسلمين على اطرااائك تقبلي كل تحياااتي .

[مخاوي الغربة]

خلووووود الخالد

مشكووووروة وصح بدنك على مرووووووووووورك المشرف وحضوووورك المعطر واشكرلك جميل اعجااااابك وتسلمين على اطرااائك تقبلي كل تحياااتي .

[مخاوي الغربة]

حبر الوفى

مشكووووروة وصح بدنك على مرووووووووووورك المشرف وحضوووورك المعطر واشكرلك جميل اعجااااابك وتسلمين على اطرااائك تقبلي كل تحياااتي .

[ملكة بدون شعب]

شـكــ وبارك الله فيك ـــرا لك ... لك مني أجمل تحية .

[اراده]

صح لسانك وجزاك الله كل خييييير
شـكــ وبارك الله فيك ـــرا لك ... لك مني أجمل تحية .