[cathrina]

اليوم لك ثاني مع راحة البال
وأنا بعد همي له اليوم ثاني..


اليوم تاركني أناظر بالأطلال
صورة ,, رساله ,, حلم ,, جرح وأماني ..


ليلي قضيته بين همٍ وغربال
وأقول في نفسي حبيبي نساني ..


غنيت أنا عقبك من الضيق موال
يومك تسمع للطرب والأغاني..


لي دمعةٍ من فوق الأوجان تختال
يومك تلاعب مترفات المباني..


وبي عبرة منها المخاليق تهتال
ياعبرتي لاتفضحيني عشاني ..


ياعبرتي خلي لك الصدر منزال
لاهوب بك داري ولا هوب عاني ..


مشغول له في ترفة حالها حال
ماهوب فاضي لعبرتي أو جناني ..


في يوم واحد نسته كل اللآمال
وش عاد لو يدري بشوق غشاني ..


ماهوب مثل أول هذاك الغلا زال
عزاه كيف الود زال بثواني ..


أربع سنينٍ طوال ياكيف تنزال
وتحط في قلبك أحد مكاني !!.


ماكنت اظنك تجحد الود لاطال
اثرك على طريف وتبيني أعاني ..


قد قالوا إن البعد والصد قتال
وأنا اشهد انه علة بالمحاني ..


يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمةٍ تزيد امتحاني ..


دمعي بلا علمي على وجنتي سال
اشتقتلك ليتك تحس بحناني ..


ليتك تشوف الحال يامتلف الحال
بس التفت لي شوف شالله بلاني ..


نصيتها تضحك لها لاهيٍ سال
وأقول ياليته حبيبي نصاني ..


الله يادنيا التعاسه والأهوال
الله يستر وش يخبي زماني ..


غلطانه اللي تعشق اليوم رجال
مهما حلف بالود يبقى أناني..


وقلب الرجال مابه من الحب مثقال
والبنت ترفه قلبها مايداني ..


حاولت أعبر والقلم في يدي مال
من هول مابي انعقد بي لساني .
اعجبتني منقووووووووووووووووول

[رحلة زمن]

صدقت والله الرجال ماعنده وفاء
مشكوره على النقل الرائع لنا

[Ŝђǿǿq Ťąbσύĸ]

بالعكس الرجال ماهم سوا

الله يخلي لي بابا وأخواني وخطيـبي

لأني أشوفهم أحسن رجال بالدنيا .. وكل البنات يحسدوني عليهم

ربي يحفظهم لي ^_^

[المصيوته]

حبيبتي انا تعلمت في هذي الدنيا

اني يوم أحب لازم أحب بحدود

لان ما حد يستاهل

طنشي و شوفي كيف يركضوا و راك

[غريبه ..]

يسلمووووووووووووووو

[ريمـآ]

صح لسان قايلها وناقلها
يعطيك العافيه

[غيمة شتاء]

كلماتها تعبر عن معاناه .......شـكــ وبارك الله فيك ـــرا لك ... لك مني أجمل تحية .

[عبق الأمل]

تسلمي على الموضوع بس مانحكم على الرجال جميعا ولا نحكم على النساء جميعا بالوفااااااااااااااء في بعضهم خاينات
بس الشعر صراحه جنان طالع من قلب مجروح

[كيآن أعمق]

يعطيك العــافيـــه ...

[zozi]

الكلمات ابداااع
شكرا على النقل