[وهـم !!]

السلام علييكم ورحمة الله وبركاته
انا مسجله هنا خصيصاا عشاان اكتب هاالمشكله ماكنت ناويه اكتبها بس قرات موضوع جاني ايمييل كان محتواه
تقدر تعيش مع بخيل او لا يوم قرآت الردود رررحمت نفسي كثييييير لااني صاابررره على شي ماينصبر عليه
قبل كنت اقول يمكن انا مكبره الموضوع بس الحين عرررفت ان الموضوع مو هيين
راح احكي لكم معاناتي انا واهلي ويااااارب القى عندكم حل مع اني عارفه ان البخل ماله علااج
بس مافي شي بعيد عن ربي
انا بنت عمري 25 سنه عندي اخوان وخوات بعضهم تزوجوا وباقي انا وخواتي وامي ربي يخليها لنا
معاناتنا في بخل ابوي بخيييل بخيييل بشكل لا يطاق الا في حاجه وحده عشان ماظلمه الاكل اي شي نبيه يجيبه في الاكل بس اما من النواحي الثانيه بخيييييييييل المسكن معيشناا في بيت شعبي قديييم مرره والاثاااث قديييم حتى الشغاله رحمتنا تقول هذا المكان مومن مستواكم حتى ننحرج نستقبل نااس واليوم اللي يجينا فيه ناس نكتئب ونشيل هم لييش ؟؟
لان حنا الوحيديين اللي عايشين هاالعيشه باالمجتمع اللي احنا فيه مع ان ابوي افضلهم ماديا
ابوي عنده خيير بس حارمنا منه نجي للمصروف مصروف شهري مانعرفه بس يعطينا باالاعياد الملابس مانعرفها الا باالاعياد ابد ومستحيييل يعطي غير كسوة العيد الا نااادر مررره بعد معاناه وصيااح !! وش اشتري بفلوس العيد ملابس العيد ولا الشغلات اللي ناقصتني !! ماتكفي وتعرفون حنا ياالبنات شغلاتنا كثييره ...اذكره مره كان عندي مو عد مراجعه في المستشفى قمت طلبته احتياط 100 قلته له عشان لو طلبوني حق الكشفيه يكون عندي فلوس وعطاني اللي صار اني رحت وطلع مراجعه بس مايحتااج ادفع لهم رجعت البيت نسيت الموضوع جيت بحط راسي وانام الا مرسل علي اختي يبي الـ 100 عطيتها وانا اضحك لانها مو شي عند فلوسه لهااالدرجه يعني مستخسر ها علي
غير كذا عنده تفرقه بييناا يعني وحده من خواتي متزوجه وساكنه بمنطقه غير منطقتنا
كل ماجت عندنا لازم يعطيها الـ 1000 وهي مو محتااجه ماشاءالله
وانا هاالـ 1000 مااشوفها خير شر حتى بالاعياد وخواتي الثانيات بعد
يجون ويروحون عادي مايشوفون منه ريال
وفيه سوالف كثيييره هذي ولااا شي وربي بس
بااختصار حياتي صار مالها معنى كرررهته لانه حرمنا من كل شي حلو باالدنياا العيشه معاه جدا ممله وكئيبه حتى احلامي مااااااتت والسبب هو وبخله وعلى فكره هو مو بخييل بس !! قاااسي وعصبي ويوعدنا بشغلات ويخلف اخر شي قلنا له بس نبي بيت حلو ومانبي غييره ووعدنا من زمااان والى الان ماشفنا شي اذا جاء وقت الجد انكررر كل شي وزعل وعصب !!
وترى ربي مو موفقه اكثر من مررره تنسرق منه فلووس ومبالغ كبييره وياليته يحس
مثل مره طلبته فلوس جوال ابي جوال جديد لان جوالي مثل جوالات الشغالات
والسواقين وانحررج اطلعه قدام احد وماطلبت جوال غالي مررره رفض يقول ماعندي وانا عارفه انه عنده
والله اليوم الثاني الصبااح طلع وانسرق كل اللي معه لو عطاني منها
مو احسن
وحبيت انبه انه بخيل علينا بس ،،، بس مع الناس الثانيه كرررررررريم مررره يعطييهم بس حنا
لا يقول اذا مت خذوا فلوسي وش نبي فيهاا اذا ماااااااات ؟؟ كرهني فيه وماصرت احس بأي مشاعر تجااهه يتعب ينسررق يخسسر في الاسهم ماااااااازعل ولا اتضاايق عاادي حتى صرت اكره اني اشووفه ترى اصعب شي الشعور باالنقص وهذا اللي احسه باالضبط صرت اكره اطلع واكرره اشوف الناس والسبب هوو حياتي ماصار لها طعم اليوم اللي قبله مثل اللي بعده
لو فقيير والله عادي وراح اعذره بس مو فقيير عنده خيييييييير بس خيره مو لنا لغيرناا
والمعذره لو كلامي مو مرتب لان اول مرره اكتب مشكله
وعندي امل يكون عندكم الحل ومشكوررين
يعطييكم الف عافيه

[rania93]

اختي الغالية
مهما كان ومهما فعل لاتنسي انه وااااااااااااااااااااااااااااااااااااااااااااااااا الدك في النهاية وما في داعي تكرهينه لها الدرجة عشان شوية فلوس
اعرف انك مظلوومة وتحسين بالنقص
بس احمدي ربك انه على كذا وانه يصرف عليكم وتذكري ان في بنات ابائهم والعياذ بالله يعذبونهم تعذيب ومع ذلك صابرين ومتحملين وربي عوضهم بعدين فوق ما تتصوري
يمكن له اسباب ويمكن طبعه واعذري له الف عذر
يعني مو معقولة ننسى افضال اهالينا الكثيرة علينا ونذكر لهم عيب واحد و نكبرها و نقعد نتظلم ونتشكى
يمكن تقولين هذي قاعدة تتفلسف علي وكذا ومو ناقصة كلامهما
كل واحد في اهله عيوب وافعال بس اذا قرناها بافضالهم ولا شي
لكن فكري في كلامي وخليكي عاااقلة واصبري وادعي له
وربي يعوضك بزوج كريييييييييييم انتي وخواتك ويحنن قلب ابوكم عليكم ويالف بين قلوبكم

ويسعدني اكون اول وحدة ترد عليك

[الايطاليه]

اختي الغاليه هذا ابوج في البدايه ..


و بخله عليكم مو سبب مقنع انج تكرهينه ..


ماعليج الا تدعين له ان الله يسر اموره و يصرف عليكم و يزيده في رزقه ..


اوخيتي هذا ابوج و البخل مرض يعني ادعي له انتي و اخواتج و امج ..


و ان شاء الله راح تتيسر اموركم ..

[وهـم !!]

اهلين مشكوريين ع الرردوود
كلامكم صحييح لكن صدقووني مايحس باالنار غير وااطيهاا
بعدين حابه اقول انه
ابوي مقصر في شغلات كثير مو بس البخل
بس كل شي ممكن نتحمله الا البخل اهون علي يكون فقير ولا بخيييل الشعور باالنقص والله صعععععب صعب والاصعب لمن تقاارنيين نفسك بناس اقل منك مستوى بس عيشتهم افضل منك بكثيييييييير

[قهوة]

وهم !!

اممممم ..

ممكن أسألك !

هل بإمكانك تتوظفين وتغنين نفسك؟!

إذا كان ممكن فلا تترددي بالبحث ..

لأني أرى أن تغيير طبع الوالد بعد هالعمر الطويل صعب أو مستحيل !

[rania93]

المشاركة الأصلية كتبت بواسطة وهـم !! اهلين مشكوريين ع الرردوود كلامكم صحييح لكن صدقووني مايحس باالنار غير وااطيهاا بعدين حابه اقول انه ابوي مقصر في شغلات كثير مو بس البخل بس كل شي ممكن نتحمله الا البخل اهون علي يكون فقير ولا بخيييل الشعور باالنقص والله صعععععب صعب والاصعب لمن تقاارنيين نفسك بناس اقل منك مستوى بس عيشتهم افضل منك بكثيييييييير

الله يفرج حالكم يارب
اذا جلستي تقارني بتتعبي كثييير
لكن ع قولة قهوة اشتغلي

[وهـم !!]

قهوه
حااولت وقدمت في اكثر من مكان بس الى الان مااتصلواا علي ولا اتمنىىىى
دايم اقول لخواتي وامي لو توظفت مااراح اقصر علييكم وبجيب لكم الي تبون
بس اخاف يطلع ماعندي سالفه و اصير مثل ابوي

مزيونه
امييين وياك ياارب

[الشموخ555]

اخي وشيخي الفاضل القصاني مساء الخير رؤيائ تحتاج تعبيرك بارك ربي فيك عبرها لي وشكرااااااااااااااااااا

[الفجـــر]

أهليييين ياقلبي


أولا ذا أبوتس ومهما سوى مايصلح تكرهينه

ثانيااا عليكم بالدعاء

ثالثا حاولي تتوظفين


وسلاااااامتك

[بلاتين]

حبيبتي مالك إلا تدورين وظيفه ؟؟ لو كرهتيه من اليوم ليوم الدين ماراح تستفيدين وابوك ماراح يتغير لأنه لو عنده نيه يتغير كان تغير من زمان ,, ,