[@ حنين @]

السلام عليكم ورحمة الله وبركاته:


لا والله الا مات صقر الــــــجزيره
&&&&&&&& غاب الفهد يالله عوض غيابه

دمعات عيني بعد فقده غـــزيره
&&&&&&&& من يوم غاب الي عزيز" جنابه

يا خادم البيتين صافي السـريره
&&&&&&&& يالحاكم الضرغام عال المهابه

يالقايد الي قاد واعلى المـسيره
&&&&&&&& حتى وصل للمجد وانفك بابه

يوم الحروب تشب نار" سعــــيره
&&&&&&&& خلا السعودي من يشوفه يهابه

شجاع يحمي كل من يستـــجيره
&&&&&&&& يا كن يده الغيث وهو السحابه

الملك جاله ما يبي حد غــــــــيره
&&&&&&&& ماهو من الي ياخذونه طلابه

انا اشهد انه مات ما مات خــــيره
&&&&&&&& رح شاهد البيتين تلقى الاجابه

كنا فــــترتيب الامــــم الاخــــيره
&&&&&&&& والا على ما قيل صف الغلابه

والحين صرنا دولة" مستنــــــــيره
&&&&&&&& والمال والتعليم كل" ضرابه

خلا الصعب لجل المواطن يســـيره
&&&&&&&& يا كن بينه والمواطن قرابه

قالوا توفى واطلق البين طــــيره
&&&&&&&& ينعق غراب البين في كل غابه

كل" بكى حتى العيون الــضريره
&&&&&&&& يبكون ابو فيصل عظيم" مصابه

يا سيدي مولاي يا عز ســـــــيره
&&&&&&&& بعد النبي وايضا رعيل الصحابه

يبكيك يا مولاي ناس" وديـــــــره
&&&&&&&& تبكيك ارض المملكه مع ترابه

تبكيك اسره ضايعه او فقـــــيره
&&&&&&&& اليا احتمى بك شخص صرتله لابه

يبكيك مظلوم" ويبكيك اســـــيره
&&&&&&&& كل" بكى حتى الجبال الصلابه

تبكيك الامه كلها يالذخــــــــــيره
&&&&&&&& يا ذخرهم في شي ما ينتجابه

يالله فالجنات تكتب مصـــــــــيره
&&&&&&&& اغفر له الزلات واجزل ثوابه

فأخر زمان الناس هرجه اخيـــــره
&&&&&&&& الموت ينقى والبشر ما تشابه



أختكم بالله :

@ حنين @

[@ خطاب @]

أختي حنين

صدق لسـانكِ أختي ورفع قدركِ بما كتبتي

يســتاهل والله يرحمه ويرفع درجته في جنات النعيم

اللهم امين

بارك الله فيك

.

[محبة الرحمن]

بارك الله فيك اختي حنين

ورحم الملك فهد واسكنه فسيح جناته آمين

ورحم اموات المسلمين جميعا

[@ حنين @]

المشاركة الأصلية كتبت بواسطة @ خطاب @ أختي حنين صدق لسـانكِ أختي ورفع قدركِ بما كتبتي يســتاهل والله يرحمه ويرفع درجته في جنات النعيم اللهم امين بارك الله فيك .

صح بدنك ولاهنت وتسلم علة المرور ,,,,,,,,,,

أختك بالله :

@ حنين @

[@ حنين @]

المشاركة الأصلية كتبت بواسطة محبة الرحمن بارك الله فيك اختي حنين ورحم الملك فهد واسكنه فسيح جناته آمين ورحم اموات المسلمين جميعا

أمييييييييييين يارب وتسلمين يالغالية على مرورك الحلو .

أختك بالله :

@ حنين @