[ام حممممودي]

صرقعه البنات وسوالفهم و خصوصا في الباصات
تعالوا نشوف النماذج



خلونا ندخل داخل احد باصات نقل الطالبات




نروح لشله البنات اللي وراء السواق



لمـــــــــــــــا-امي قالت حق خالي فيصل ودني السوق
ساره- مو قلتي خالك هذا مسافر لندن
لمــــــــــــــا-لا اللي مسافر هو خالي محمد
...البنت معرفتها على اسماء العائلة الكريمة





*****


ومن جهة أخرى نجد شلة الدوافير
خلود_ امتحان العربي صعب اليوم !!
اسمـــا -اللي يسمعك يقول ماتاخذ علينا الاولى اقول واللي يعافيك
اكرمينا بسكوتك
خلوود-والله..صعب ماعرفت الاعراب انا شكيت هو (جار ومجرور) ولا (مجرور وجار)


يلا غبائها بس..... الله يخلف على اميمتس بس


*****


ومن جهة أخرى نجد بنات النت...
فاتن- امس دخلت الشات ومالقيتك ايش فيك؟
سعاد_انا داخلة لكني مغيرة اسمي
فانت- ليش غيرتيه
سعاد- مزاجيييييييييي !!

خمه بنات شات




*****







وفي مؤخرة الباص نجد الفن والطرب...
ريم- بنات سمعتو شريط خالد عبدالرحمن الجديد والله روعه
لين- بس مو احسن من شريط جوادالعلي
ريم- اقول اسكتي بس انت وجواد حقك هو وهندياته
سمر- ايه والله كلش ولا المرطب اللي حاطه على براطمه
ريم- خخخخخخخخ تحمدي الله لا يبتليك




*****




ومجموعة ثانية تتكلم عن الطبخ
جواهر_ اليوم علي المطبخ وعييييييه
عمشا- اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
جواهر- لا الحمدللة انا مرة بالشهر
عمشا- ياحظك..الا اقول تعرفين طريقة البسبوسة<<تدور الستر من امها وبس
جواهر- مدري..ايه عرفتها انتم تشترون العجين--------> في بالها سمبوسة






*****






واما بنات الميك اب والموضة
نوره- ناظرتي اخت العروس روووووووعة وخصوصا فستانها تهبل مووت
رند-<<حتى اسمها ستايل<< ايه وشفتي الظل اللي مسويته قمة الغباء ليش مسويته تحت عيونها
استقلال-يابنتي هذه الموضة تو نازلة الاربعاء
نوره-اقول لاتعطونها وجهه ماتفهم بشيء
رند- نعم..!! وش تقصدين..لايكون تتكلمين عني....حدك
استقلال-<<اسم على مسمى>> لا ياماما اكلم زوجة عمي خخخخخخخخ





*****



شلة الددددددددددجه
وضحى_ عطيني الواجب حق بكره
هاجر- وليش ماتحلينه بنفسك من غشنا فليس منا
وضحى-مو انتي ناقلته من اللي بجنبك
هاجر- هاااه
وضحى اي..اقول عطيني-------- يعني اجباري
هاجر-انا نقلته علشان احنا معزومين في البر
وضحى- والله....واحنا معزومين بالبحر خخخخخخ

=
=
=
=
=
=
========
======
====
===
==
=


تحياتي ~~~~}}}}}
__________________

[عباير91]

يسلمووو على الموضوع ام حمودي بس موضوعج موجود في هذا القسم .. مكرر..

[سأحقق غايتي]

خخخخخخخخخخخخخخخخخخخخ

[(القريبه من الله )]

هههههههههههههههههههههههههههههههه والله صحيح

[نـاظِـره]

تهون ذا السواليف ع الأقل فيها براءة شوي
فيه سواليف ادهى وامرررر من كذا ..خااااصه جداً..
يعطيك العافيه

[ام شموخة]

شـكــ وبارك الله فيك ـــرا لك ... لك مني أجمل تحية .

[الفجـــر]

المشاركة الأصلية كتبت بواسطة نـدى تهون ذا السواليف ع الأقل فيها براءة شوي فيه سواليف ادهى وامرررر من كذا ..خااااصه جداً.. يعطيك العافيه

صح كلامك ياندى

أنا كنت بالباص وأنا بالثانوي يعني أعرف وش اللي يصير

الله المستعان

شكرا أم حمودي

[سلطانة زماني]

مشكووووووووووورة
بارك الله فيك ...

[ضائعة ولم أجدها]

لااااااااااااااا
مو لهذه الدرجة
لاتظلمون