[موون فلوور]

انا اعرف وحده من النوع النمام ومنافقه درجه اولا وان خدعت فيها وكانت مثل اخت لي بس حسبي الله عليها كانت مشوهة سمعتي عند الناس كنت لماادخل مكان القى العالم كله يتكلم فيني وفي جمعة حريم صارت مشاده كلاميه بين امي وحده حرمه قالت اصلا افلانه تجيب سواليفكم بس انا هنا قررت افضحها وجلست في كل مجلس اتكلم عنها وقلت ان هذه افه لازم نقضي عليها والحمدلله الناس صدقوافيه وقالوامن حكالك حكافيك بس هي جالسه تدعي علي هل لها دعوه وهل الي انا سويته صح اوخطا

[اللهم سهل امري]

حبيبتي مو كويس انك نواجهي الخطأ بخطأ مثلة
انا عانيت نفس الشي من وحده تقرب لي لاكني نصحتها ولما عرفت من الناس الكلام الي ينقال عليا بينت لهم انه هذا الكلام مو صح عني
وانا بعد ما هجرت البنت وقعت عنها كل اخباري تابت ورجعت تدور علي
اجلسي معاها واتكلمي معاها حاوريها واسليها ايش هدفها . ترضى احد يسوي فيها الي هيه تسويه في الناس . ترضى تكون ضرر على غيرها . ليش هيه حاقدة عليكي . واذا حسيتي مافي تجاوب منجد اقطعي كل صلتك بها ولو اني اتوقع انها راح تقول تركتني عشان انا عرفت عنها كدا بس خلي موقفك قوي وبيني للناس برائتك بس لا تفضحيها لانه الناس راح تعرف الحقيقه عاجلا ام اجلا

[كنان2]

حرام عليك دام فضحتك بين الناس ان سترتي عليها ربي يستر عليك يوم القيامه ووكلتي امرك لربك ودعيلها بالهدايه ..لو كنتي نصحتيحها بينك وبينها وش كان راح يصير؟؟

[ابتسامة فجر]

أعتقد و من رأيي ، إنك ما تفضحيها .. بالعكس

انسي موضوعها ، و احذري منها ، و اسألي الله الرفقة الصالحة

و سبحان الله .. أخبرنا الله تعالى .. أن من عفا و أصلح فأجره على الله ، و أن تعفو أقرب للتقوى

فانتبهي لعبارة : عفا و أصلح = يعفو + يصلح ... يعني يسامح ، و يخليها تعدي على خير .. و يهدي الأمور مو يسامح و يرجع يتشكى و يقلب المواجع و يزرع الأحقاد .. ثم ينتظر الأجر ... صحيح هو سامح لكن لا يقارن بمن سامح و أصلح

ومعلوم أن مقابلة الإساءة بالإحسان خلق كريم

طبعا من حقك تدافعي عن نفسك .. و ممكن تواجهيها بالكلام إللي نقلوه لك .. لكن ما تتكلمي عنها من وارها .. أو بين مجموعة من الناس لأنك بهالطريقة تفضحيها !

و انتي أدرى الموقف

صحيح هو انتهى

لكن نصيحتي هذه لمواقف أخرى

و مادام الأمر وصل لهالحد .. فعليك بالاستغفار لها و لنفسك

و ادعي لها مهما سمعت إنها تدعي عليك

و الله يصلح الأحوال

[قلبي طيب]

لا حول ولا قوة إلا بالله
الآن طاحت الفأس في الرأس
لكن مرة اخرى نصيحة مني قابلي السيئة بالحسنة

[تاجي لولو]

انا صار معاي كذا وحده كنت مستامنتها واشوف كل يوم علي سالفه ومدري من وين تجي واطنش
مره زعلت مني حماتي وتغيرت علي ويعلمني اخوي انها زعلانه مني
بعد التقصي طلعت الله يهديها مسويتلي سالفه
هجرتها جتني تعذر قلت ما اقبل اعتذارك الا لما تقولين لهم بلسانك ان الشي هذا ما صار وفعلا راحت لهم وظهرت برائتي منها معاد تكلمت فيني وانا متواصله معاها \من بعيد لبعيد القطاعه حرام
اختي لا تسبينها بالمجالس ولا تنزلين نفسك لمستواها اتركيها لا تحطك براسها
تري بعض الحريم ما منهن غير الفضيحه والناس ما عليهم منو غلطان بس يبون سالفه ويتكلمون فيها
شوفوهن قالن حطن وشلك بعوار الراس
اعرضي يا اختي واصفحي ولك الاجر

[مي العصيمي]

حررررررررام عليك ليش تفضحينها

خلاص خليها تقول تتكلم ما دام انتي واثقة من نفسك ما يهمك كلام الناس

الله يهديك استعجلتي

[بنتهم]

هلاا بكـ يالغلا،،،

يمكن استعجلتي شوي لكن مو مشكله تتعلمين ،،،

اولا انتي مو متأكده 100%ان كلام اللي قالت لامك ان اخباركم توصلها صحييح لانه البنت قريبتك يمكن تقول اخباركم بنيه حسنه يعني اشياء عاديه،،،

لوكان بينك وبين قريبتك اتصال وسألتيها كان افضل مافي حل كثر المواجهه،،،

بس عشره بينكم وبعدها تفضحينها مو حلوه ،،،من ستر على مسلم سترالله عليه بالدنيا والاخره،،،

اما سؤالكـ عن دعوتها تستجاب اولا؟؟
ان كنتي ظلمتيها فدعوة المظلوم مستجــــــــــــابه ...

حفظــــــكـ ربي ...

[القلب النظيف]

عزيزتي غلط اللي سويتي
بس كان مفروض تجاهلتيها وقاطعتيها لأنها خطر ..مافيه شي اسوء من ان يشوه احد سمعة انسان او ينشر عنه الاكاذيب والاقاويل ويخليه يصير ماده دسمه للمجالس