[الجودي123]

السلام عليكم..

>>>>>>>>>>

>>>>>

>>

>



أنا ادري هذا مو منتدى رقى شرعية بس حبيت اتكلم عن اللي في خاطري


أنا طالبة أدرس في الصف أول ثانوي كان مستواي جيد جداً

وفجأة < لاحظوا فجأة > كرهت المدرسة ولا عاد صرت ادوام الا يومين بالاسبوع

وصرت ابكي كلما اروح لها واسبب مشاكل مالها اول ولاتالي

المهم تركت المدرسة ورسبت..

وهالسنة قررت أكمل

رحت المدرسة أول يوم ماش عجزت أتحمل كأني مخنوقة لين طلعت

يوم ركبت السيارة انفجرت كأني مجلودة من الصياح ... والله مدري شالسبب < لاتقولون دلع >

نقلوني اهلي لمدراس خاصة ونفس الحالة ماتغيرت..

ــــــــــــــــــــــــــ

أنا يوم كنت بالمدرسة كنت خطاطــــة بشكل!!

لدرجة انهم يسموني خطاطة المدرسة وكانت المدرسات يستأذنون لي علشان أخط لهم لوحات..

وكنت رسامة أحسن رسامة.. والله رسمي يفوق الوصف وما امدح نفسي وكنت احب هالهواية..

عاد هذي مو فجأة بل تدريجياً بديت أكره الرسم وماعاد أرسم مثل أول

والله اني كنت أتعمد ما اجيب ادوات الرسم بس عشان ما ارسم < مااقدر عجزت >!

خلالالالالالالالاص الى هالساعة وانا ما ارسم ابد..

والخط والله اني كنت إذا كتبت سطـــــــــــــر واحد تعورني يدي ويصير فيها زي الشد العضلي لدرجة اني ارمي القلم وألهى في يدي والمدرسة تحسبني أسوي كذا كسلانه عن الكتابة,,,!!

تخيلوا والله دفاتري ترم كاااااامل ماكتبت فيها ولا صفحة بعضها تكتب لي اياها 2 من البنات الله يجزاهن الجنة,, وبالأخير رسبت,,

ــــــــــــــــــــــــــــــــــــــــــــــــــ ــــــــــــــــ

ومرة كنت لابسة ساعة فخمة وكان شكلها غريب بس حلو..

جلست فترة ألبسها وكان الكل يسألني عنها...

والله فجأة جاني في مكان الساعة فقط على شكل حلقة متينه زي الصدفية كانت شديدة ويظهر منها دم وتعور مرة

لما شلت الساعة راح الأثر شوي بس يوم رميتها نهائياً راح اللي كان فيني ..!

وكل ما لبست ساعة حلوة لازم أتنكد ألين أرميها...

ـــــــــــــــــــــــــــــــــــــــــــــــ

وشكراً على مروركم...

[طار شوقي للفردوس]

وعليكم السلام ورحمة الله وبركاته :

يحياتي والله قلبي عورني ..من جد اتضايق كثير لمن اشوف هذي القصص حسبي الله على الناس مايخلوا احد في حاله !! يكفي الأنسان المشاكل الي عنده

طيب انتي ليش ماتروحي عند شيخ ؟؟ انا مادري انتي مين وين بس اكيد في في مشايخ في بلدك ...

وانتي كمان رقي نفسك وادخلي هذي المنتديات عشان تعرفي كيف وإن شاء الله تستفيدي منها ..

جزا الله الأخ نادر والأخ ابو سعد كل خير ماقصروا تفضيلي الرابط


http://www.22522.com/vb/showthread.php?t=11382

http://www.22522.com/vb/showthread.php?t=12305

الله يشفيكي ويبعد عنك العين وكل شر انتي واحنا وكل المسلمين

[الجودي123]

مشكورة اختي طار شوقي للفردوس
من جد خففتي عني
تسلمين

[shaddowgirl444]

اختي الجودي الله يعينك والله حزنت جدا لما قرأت معاناتك والله وحده الاعلم في حالك لكن لاتيأسي حبيبتي هذا ابتلاء وان شاء الله يفرج همك ويشفيك وتوكلي على الله دائما وقاومي واسعي لعلاج نفسك ولو بينك وبين ربك بالدعاء والصلاة لاتتركين لحظة تمر بدون ذكر اسم الله تعالى وصلاة الفجر ما اوصيك فيها وان شاء الله وتعالى بتنتهي مشكلتك وكوني واثقة ان دوام الحال من المحال بس المهم انتي ماتستسلمين لان هذي حياتك ومن حقك تعيشينها مثل ماتبين وانا بدعي لك من كل قلبي والله يوفقك...

أختك شادو

[الجودي123]

شكراً جزيلاً شادو

سأعمل بنصائحك

وجزيت خيراً

[أم ميمونه]

السلام عليكم ورحمة الله وبركاته

أسأل الله العلي القدير الشافي أن يشفيكي وجربي هذا الموقع قد تجدي شيء ينفع في العلاج
www.rugyah.com

[الجودي123]

شكراً لك اختي الكريمة ام ميمونه
وجزيت خيراً

[موضي]

انا نفس حالتك الجودي انا طلعت من ثانية ثانوي بس ماكنت شاطرة كنت زينه
قمت اكره المدرسة ودايما اغيب وتجيني ضيقه بالمدرسه للدرجه اني كل حصه اخيرة اروح ابكي بالحمام حتى الوكيله نادتني بغرفتها وقالت اختمي سورة البقرة 3 ايام
والله العظيم ما ارتحت الا يوم خليتها وقمت اقرا عند مطوع

والحاله هذي تروح وتجي وانا اقرى اذا جتني واختم سورة البقره 3 ايام

[أم ميمونه]

السلام عليكم ورحمة الله وبركاته

لا حول ولا قوة إلا بالله بعض الناس يتساهل في قول ماشاء الله لا قوة إلا بالله إذا أعجب بشيء عند غيره الواجب حتى الأهالي يعلموها لأولادهم وعلى الإنسان أن يحب لأخيه كما يحب لنفسه فلا أدري لماذا بعض الناس هكذا ؟!

[شمعة فرح]

حبيبتي الجودي الاعراض اللتي ذكرتها هي اعراض العين واما الحسد حبيبتي لاتتركي انفسكي فارقئي على نفسك وحصنيها بالورد اليومي وحصن المسلم وداومي على سورة البقره ليلا ووستجدين العافيه باذن الله