[يمامة الوادي]

سلام لمن هو معرب الجد والساس
اللي لهم تشهد قديم الفعايل


عز وشهامه وطيبهم صار نوماس
ومضرب مثل بالجود بين القبايل


سلطان له عندي قدر ماله قياس
وقافي لأبن شنوان شد الرحايل


شرواك يشرى بالجواهر والألماس
يا أغلى من خشوم المهار الأصايل


خوة وفا لمن خوته ترفع الراس
رفقة شرف وعندي عليها دلايل


عزوة خوي وللمرجله صرت نبراس
وأفخر بعرفك يا كريم الحمايل


يا صاحبي ليا من الدهر ألحقك باس
أو شفت من جور الليالي هوايل


أبشر بعزك لو بها قطع الأنفاس
أرخص لك الغالي ولا أرجي بدايل


عهدٍ علي ماخون لو يقطع الرآس
واجب علي أفزع ولا هي جمايل


لك فزعةٍ تروى بها عروق يبّاس
وتنبت فياضٍ ما لها من مثايل


عاشرت أنا في دنيتي عدت أجناس
ولقيت فيها اللي بوصفك قلايل


لقيت ناسٍ ما بهم ذرة إحساس
وبهرج القفى دايم تشل الشلايل


وناسٍ يموتها الحسد من بعض ناس
وناسٍ بفتنتهم تشتت عوايل


الناس خلوا صافي الفكر ينحاس
ومن أطباعهم كم عين هلت همايل


من ما أعتبر يصير هو عبرة الناس
ومن عاش بالدنيا يشوف الهوايل


هذي نصيحة من كوى قلبه اليآس
خريج مدرسة الألم من الأوايل


وصلاة ربي عد من بالحرم داس
على النبي وعداد مزنٍ تخايل






سلطان خلف الرويلي

[فجر اليوم]

شكرا وجزاك الله خير

[يمامة الوادي]

الله يسلمك,,,

[طبعي الوفاء]

صح لسان قايلها ولسانك يمامة شكراً لكِ

[يمامة الوادي]

الله يسلمك,,,

[الحميدانية]

[يمامة الوادي]

شكرا لمرورك,,,