[حامد نوار]

في داخلي غربة تفاصيل ~ و أحباب

تفرقوا . . . . . و آنا على نفس حالي !

أطوي حكايات العمر داخل كتاب !

و أجمع من اللي كان | إحساس غالي |

[حامد نوار]

مـن جـاء بمعـروف بالمعـروف جينالـه
ومن احسن الظن صرنا من وراء ضنه

[حامد نوار]

يقولون البحر يحمل هموم/ن حيل ملتمه
ويقولون عنده اسرار/ن ابدماتروح من لمه

أجل باروح لم البحر عساه يداوي العله
وافضفض له بكل اللي يجول بخاطري كله

[حامد نوار]

‏لا عاد تشره على طيبتك وإحساسك
صكّــات الأيّام تظهر لك محبّينك
كم واحد تحسبه تاج على رآسكك
وليا احتدآك الزّمان يطيح من عينك !

[حامد نوار]

السنين طوال والدنيا عريضه
والحظوظ ارياح والقسمه مهب

والزمن لو تستوي سوده وبيضه
ما تساوى من بقى مع من ذهب

ولو جميع الناس بالدنيا حظيظه
ما انحسد عبد ولا رب وهب

ومن يطيع الناس بالغالي غميضه
الذهب يرخص ولكنه يبقى ذهب

والنصيحه واجبه ماهي فريضه
والضمير الحي قلبه من لهب

ولو يفيد النصح بعقول مريضه
كان ما تبت يدين أبو لهب

[حامد نوار]

من منطلق عيش الحياة السعيده
عيش وعلى الله لو تجيك السعاده

ماهو اعتراض لحكم رب وعقيده
ولاهو امتعاض انسان طامع زياده

لله ملكه والبشر هم عبيده
يحيى هشيم الارض فــ اقصى بلاده

له نلتجي من كل شراً حصيده
يقضى على ملك الفرح والسياده

تكبل يديني هموم (ن) شديده
والحزن يعرض في خفوقي مزاده

[حامد نوار]

سـق القدم للصعب وسمـه تساهيـل?
دايـم طـريـق الـطـيـب خـلـك زبـونـه

صـادق رجـال" فـالشدايـد مـداهـيـل?
لا مـال فـيـك الـدرب هـم يـعـدلـونـه

مـن لا يـداحم في كتـوفـه رجـاجـيـل?
بـكـره كـتـوفـه فـالـشــدايـد تـخـونـه

حـزم ضـلـوعـك لـلـيـال الـمـقـابـيـل?
حـتى لا تـنصـدم فـالزمـان وطـعونـه

واليا ركبت اركب على الخيل الاصيل?
يـا حـيـف لا تـركب كديـش المهـونـه

واليا رقيت ارقـا على الجدي وسهيل?
ومـن يطـلب العليـا مـا نامـت عيونه

لـولا الـشـدايـد والـشـقـا والـغرابيـل
؟مـا عـاد تـفــرق بـالـرخـا والـلـيـونـه

[حامد نوار]

‏وكـثر التـشره يجعـل الناس تجـفاك ..
ولا عــاد تلـقى بيـنهـم من يخـاويك !

ولا تمادى في زعل من ترضــــاك ..
مادام جاء عاني على شأن يرضيك !

[حامد نوار]

‏ماكل مكشوف بالدنيا يجيله غطا
وماكل مخلوق ينطق بالكلام الصريح

وانا ادري بالحياه امال واخذ وعطا
ومن يلتفت للخطايا قبل وقتها يطيح

[حامد نوار]

تربينا بعز النفس من عاد حنا صغار

وكبرنا ومن له عادتن ما يخليها