[حامد نوار]

ومن يك ذا فمٍ مرً مريضٍ.....يجد مراً به الماء الزلالا

[حامد نوار]

الشعر ماهو نسفة إغتّر وإعلام
الشعر حرفٍ يفرز اغلا المشاعر
لا تشغل الابيات وتغّث الاقلام!!
لامس شعور الناس وتكون شاعر

[حامد نوار]

يا مانسيت اللي من الناس نغليه
........................ولاعاد به شي ليا حل طرياه

استر عيوب الناس والطيب ابديه.
...................وش خانت اللي ماسترعيب رفقاه

امسٍ وقبل البارح القلب اهنيه.
......................امسي مع الفرحه وصبّح بفرحاه

في شوفتك افرح مع اللحن اغنيه
.........................وطيفك يسلي كل طرقٍ بمغناه

قلبي كثير اللي من الناس ترجيه
......................وانا الذي قلبك من الناس يرجاه

لاتحسب ان الصد صعبٍ تحديه
.......................ترى الزمن يشكي ومثلي تحداه

[حامد نوار]

مدري خطيت الدرب ولا الدرب ماشيه برشاد ؟
ولا القلوب الطيّبه .. يجلب وفاها ( شيبها )

[حامد نوار]

الجـو هــذا جـو رحمة وغفـران..
كـــن السما تمطر هدوء وبشاير..
ليت السحاب الي غسل جرد الأغصان..
يغسل عــن العالم سواد الضماير.

[غلا..]

تتعب ويتعب من يجاريك طغيان
يا تابع الواثق وقصـــدك تزِلّـه


دوِّر بمجهر,, سخِّر الأنس والجان
مالك سوى الخيبة وزورٍ تدِلّه

[غلا..]

لي عين فأقدامي ودربي بها بان
ولي عقل في عيني ولا أحدنٍ يضله


ولي غايةٍ فوق المكايد والاضغان
منها يفت الغدر روحٍ تسله

[غلا..]

واللي عجز لاياصل لشم الأغصان
قال الثمر حامض,,,ودمعه يهله


والشمس ماتحجب بمنديل شيطان
وماتنكر العين الضيا دون عله


قولي به الإنصاف والحق برهان
يجف به حلقٍ وحلقٍ يبله


واللي يبي لي ذل خسران خسران
يرجع حسير الطرف خاسي بذله

[غلا..]

مات الأمل والقلب , له رب يرعاه
والشعر في كل المآسي عزايه

ماكل عثرة حظ في العمر مأساه
بآقف بعزم أكثر وأسابق خطايه

وانفض ثيابي عنك وبلامبالاه
ألوح بكفي,, ولا انظر ورايه

كم ماضيٍ أولى بذكرى,,نسيناه
نسخة لأرشيفي فقط للقرايه

[غلا..]

ودربي صحاح وهمتي مالها زي
ما اختار غير "اول" لعزمي مطيه


وغيم ن يسد الشمس ويشح بالري
يا لله عساه بريحْ صرصرْ عتيّه


غصب يتلوى من فطـــــــوره لحم ني
وياشين من زاده مقفى خويه