[حامد نوار]

من يجهل إسلوب المكر عاش محتار

ومن يلبس ثياب الكبر مات عاري

[حامد نوار]

يالله وانا طالبك تغفـر لـي ذنوبـي يـا غفـور
ارجيك والجا لك وانـا سالـك واعيـد المسألـه
لوما تطهرنـي بعفـوك مـا تطهرنـي البحـور
جيتـك وذنبـي قـد تعـلاّ غاربـي يـا مثقلـه
أنا من الطين انخلقت , أخطي ولانيـب معـذور
قامت علـي الحجّـه بدعـوة رسلـك المرسلـه
مؤمن بتوراتـك و إنجيلـك و مؤمـن بالزبور
و بسنّـة محمـد وآيـات الكـتـاب المنـزلـه
لكن خُدعت بزخـرف الدنيـا وزادتنـي غـرور
أبدت مفاتنهـا و ورتنـي مـن العمـر اجملـه
طبعاً بما إني بنـي آدم حصـل منّـي قصـور
واذنبت يـا مـولاي ذنـبٍ بالخفـا مـا تجهلـه
أسألك تغفر لي و تستـر موقفـي يـوم النشـور
اليا القفـت خلقـك صحايفهـا وهـي مستذهلـه
من يستلمها بالشمال افلـس وهـو يدعـو ثبـور
ومـن يستلمهـا باليميـن افلـح لخيـر المنزلـه
واسألك يا ربـي تعاونّـي علـى نيـل الأجـور
أحيا حيـاةٍ مكسبـي فيهـا مـن البـر افضلـه
واسألك جاهٍ مع هـل الدنيـا وحـظٍ مـا يبـور
أيضاً وعرفٍ مـع هـل الحكمـه ورزقٍ تكفلـه
من لا تهيّـا لـه مقـامٍ مـع طويليـن الشبـور
يبكي على ما ضاع من عمـره وخيبـات عملـه
وان شاب راسه لا ترجّى فيـه تجبيـر الكسـور
لا خير فـي تالـي زمـانٍ مـا تغانمـت اوّلـه

[حامد نوار]

لاكشرت في وجهي أنيـاب وانيـاب

و قامت متون القوم تدحـم بعضهـا

أدحم بكتفـي كـل حاقـد و كـذاب

وارقى شموخ المرجلـه واعترضهـا

من دور جداني عريبيـن الأنسـاب

وحنا ترا طب الجـروح وعوضهـا

وكلٍ سمع بعلومنا اقـراب واجنـاب

وافعالنـا ماكـل رجــلٍ قبضـهـا

وان كان به سوه ورى زيف الأسباب

تبطـي رخـومٍ ماتوصـل غرضهـا

والشعر والشاعر على العـد طـلاب

وكم شاعرٍ بحروف شعـره نهضهـا

يرقى بها بالعـز فـي كـل مرقـاب

ويعزهـا حتـى إن غيـره حفضهـا

ابذكر القصـه علـى حـد الأهـداب

واثبت لها من زيفها عـن بعضهـا

عمن يخص الوقت في لوم وعتـاب

وبلشان بعلاج النفـوس ومرضهـا

ونفس الوجيه اليوم تخطي وتغتـاب

وبعيونها شفـت الوفـا ماغمضهـا

ماهمنـي حاقـد ولا نبحـة كــلاب

اللـي مسيـر القافلـه تعترضـهـا

والحيه الرقطى علـى لدغـة الـداب

عندي مناعه ضدهـا مـن قرضهـا

ومادامني واثق ولـي حـد مخـلاب

صيدي بجـزلات القوافـي نقضهـا

وابذكر الله يفتـح لضيقـي أبـواب

ربٍ خلق خلقـه وخمسـه فرضهـا

[حامد نوار]

مهما تسوي بـ العرب من مواجيب
لـو مـره تـقصر بهم ...عـذربو بك

ينسون كل اللي مضالك من الطيب
ولايـذكرون الا ( خطاك وعيوبــك )

[حامد نوار]

الشعـر : حكمة .. وإرتباكه ! .. وتصوير !
يغنيك صوتـه .. عن جميـع .. / الغنـاوي !

مرات أحسّه ( ماء ) إن جاز .. تعبير !!
ومرات أحسّه ( داء ) لكن .. يداوي !!!!

[حامد نوار]

إســـــــــــــــــــــــــــــــــــــــــــــترا حــــــــــــــــــــــــــــــة

يامسجل بقلبي غلاعشرة أهداف
أربع على الطاير وسته دبل كيك
لك الغلا والشوق بالقلب ينشاف
كنه غلا أهل المملكه لمطعم البيك!!

[حامد نوار]

آصبر على مآ جآك وإقبل بمآ جآك
وحبل الرجا خله مباري لـ / حبلك
لـو تضرب الدنيا مَ‘ـَُِنٍّ هناك لـ هناك
مالك مَن الدنيا سوى ما كتب لك

[حامد نوار]

ناخذ ونعطي بكف الطيب ونواجه
نتعب على الطيبه ونحب كاسبها

اليا كسبنا رفيق يضحك حجاجه
ماهوب لازم جميع الناس نكسبها.

[حامد نوار]

ياقربهم لا قلت طلعه على تيس
ويابعدهم لا قلت محتاج حاجه

اهل اللجاجه والوجيه المفاليس
مامن وراهم غير كثر اللجاجه

ياهاجسي تكفى تعوذ من ابليس
الصقر ماياكل فروخ الدجاجه

من راح ياجعله مراح النسانيس
وكلن على ماقيل عارف خراجه

ارفع جنابي عن علوم الدنافيس
واللوم في بعض المواقف سماجه

اللي يلوم الهيس في زلته هيس
هذا الوكاد وكل شخص ومزاجه

[Ŝђǿǿq Ťąbσύĸ]

بينك وبين المسا بعيوني ميول
.............. المسا صافي وإنت نفسك صافيه


أنا لو أمسي على غيرك أقول
................... إستغفر الله والعفو والعافيه