[حامد نوار]

يالله مع ( الجمعه ) لاترد محتاج .
. ولاتخيب ظن من ظن له خير
و عجل على اللي ينتظر منك ( الإفراج ) .
. وحدك ولا غيرك عليه التدابير

[حامد نوار]

الله يوفقّ من عَليـه [ اختبارات ]
وتسهل عليه فهمه وحله ..!

وسط الورق يكتب جميع الإجابات
و الذاكره لا من بغـاها تدلـه..!

[حامد نوار]

أهل المصالح ياعشيري كثيرين
وأهل النميمه والحسد مايعدون ..!!

لـ : صرت طيب قالوا فلان مسكين
ولا صرت فاهم قالوا فلان ملعون ..!!

[حامد نوار]

الناس ماغضت بصرها عن العيب
/ لكن عن المحتاج غضت بصرها ،،،،!

[حامد نوار]

كلن يشوف الناس بـ : عيون طبعه
وانا أشوف الناس بـ : عيون طبعي ..!!

نسخت طبع الطيب مليون طبعه
وحسبت كل الناس بـ : الطيب ربعي ..!!

[حامد نوار]

ماهمني وش تظن البشر فيني
كلاً يرى الناس بـ : عين طبعه ..!!

[حامد نوار]

يارب ما خاب الرجا وانت مولاي
جيتك من الدنيا واذى الناس لاجي..!!

مالي بغيرك يستمع صوت شكواي..
بيدك مطاليبي وكل احتياجي..!!

[حامد نوار]

نحسب حساب الخطا لا من تكلمنا
وإن طاف منا خطا فـ : العذر تقديمه ..!!

من قدم الطيب له بـ : الطيب قدمنا
ندبل له آلطيب والمعروف والشيمه ..!!

[حامد نوار]

الخلق شتى بالشيم والمنزلة والمرتبات
أمثال لكن : بالأمور السالفة ماهـم مثيل ..!!

لولا اختلاف أحوالهم ما بانت أحوال الحياة
ولولا اختلاف عقولهم مابان بالدنيا هبيل ..!!

ولولا اختلاف أخلاقهم ماشفت في مكة قضاة
وما شفت في كثر اختلاف أخلاقهم شر يهيل ..!!

[حامد نوار]

الكـــحه اللي حاست اوزان الاضلاع
وش جابها بين الضلووع النــــحايف

ماتدري ان الصدر تكفيه الاوووجاع
وانه من الامراض شــايف وعـــايف

ربو,وجروح ,وزحمة اشواق,وصداع
جووور, وردى حــظ,وقرادة ولايــف