[حامد نوار]

ياما قالوا الناس : خايف ، وقلت : ما فيني قصور
بس شفت إن الشجاعـه معنـى ثانـي للخطـر

إيه خاف .. وكـون سالـم دام هالدنيـا بحـور
والبحر مهما وفى لـك .. طبعـه غـدار البحـر

وللشجر إن شفت هامه هذا مـن طيـب الجـذور
يعني أعمالك جـذورك هـذي هـي بالمختصـر

القضيه : ما هي شخص خالفه شرطـي المـرور
البشر في الدنيا هـذي صـار .. ياكلهـا بشـر

[حامد نوار]

إليا جهلت انشـد تـرى مابهـا عيـب

لا تنخـدع للجـهـل وأنــت السبـايـب

عيـب الفتـى مافـيـة شــكٍ ولاريــب

ترك الفروض وقطع وصل القرايب

العـيـب تــرك ملـزمـات المواجـيـب

وتبـع الـردى ومجالسـة كـل خايـب

فالتجـربـة بـرهـان مافـيـة تـكـذيـب

واليا جهلت انشد من القـوم شايـب

[حامد نوار]

لا تنصدم بالناس يوم خلوووك
لا تنصدم لاصار اقرب الناس يتركك

الناس الحين .. مثل حزمة الشووك
اللي تشيله فوووق راسك " يجرحك "

[حامد نوار]

لاغدى قلبي دليلي بس للعقـل محكـوم

قـط مـا خـاب ظنـي دام عقلـي عقـالـي

عُصبت الراس للعقال والأمر محسوم

العقل ميزان والشوكه ضميرالمثالـي

[حامد نوار]

يارب، تخشع تحت هيبتك الجبال /
وبـ أسمآك تسبح فُلك ويسبّح فلك ،

و فـ كل وقت و كل أمر و كل حال /
الحمدُلك ، والشكرُلك ، والفضلُ لك

[السعاده قادمه]

كـل مايطـول العـمر نثـرت الاشعـار
علـى ورق هـالذكريـات الخـجـولـه

[الركن اليماني]

كـل مايطـول العـمر نثـرت الاشعـار
علـى ورق هـالذكريـات الخـجـولـه

[السعاده قادمه]

المشاركة الأصلية كتبت بواسطة الركن اليماني كـل مايطـول العـمر نثـرت الاشعـار علـى ورق هـالذكريـات الخـجـولـه

ياصـبــاح الخيـــر والنـــايم ترى ما ألومــه=تحسب أني نمت بدري يوم أكلم بدري؟!!

والله إني البارحه يوم أنت بأحلى نومه=ساهر ليلي وأسامر ضيقة في صدري

أدري إن ظروفي القشـرا علي مقسومه=مير خلــوا بنت بقعا ســاكنه في خــدري

كــل شي في خفا صدري معاك علومه=كيف أبين لك غلاتك وأنت عنها تــدري ؟!

يالخليل اللي خـذا هــمي جوار همــومه=أعذرك وأشكرك يومك مرخـص في قدري!؟

"لعنبو الحاجه" تخلي حقوقنا مهضومـــه=كم تهين أهل الكرامه في الوفا والغدري!!

ليل نصـف الشــهر بذتني كثــير غيومـه=لانزل ماهـا ولاهـي وخــرت عـن (بـدري)

المشــاعـــر نـادره بـل أصـبحـت معـــدومـه!!=وإن سألتوني لماذا ؟ قلت: ما أدري ما أدري

[السعاده قادمه]

على سحر البيان اهديك ذكرى = واروض من مطايا الفكر بكرا
الا يالله تغفر لي ذنوبي = وثبتني على سنة وذكرا
!عجبت لمن لحم كتفه بخيري = اصيد اله السمك والماء عكرا
(اعلمه الرماية كل يوم) = فلما اشتد جازاني بنكرا
(الا ليت الزمان يعود يوما) = فاخبره بمن لا قال شكرا !!

[السعاده قادمه]

مالك علـى خـل مقفـي مشاريـه =مـادام هـذا الخـل تـوك عرفتـه
ان كان مانت بفي البسيطة مخاويـه =فما هي بخوة يـوم شافـك وشفتـه
خل الزمن يعطيـك عنـه ويعطيـه =امـا كشفـك الخـل ولا كشفـتـه
لا تشتحـن مـادام هـذي مباديـه =لانه خوي ( مطعم شورما وكفته )!!!
يمكـن اراد الله يفـكـك بـلاويـه =وانا اعتبرها الغانمـه يـوم عفتـه
!! المشكله فيمن طرحت الثقة فيـه=واسمه بجوالي الخصوصي اضفتـه
سنيـن وانـا وافـي لـه ومغليـه =ومظنتي بـه خيـر ليـن اكتشفتـه
كم مـرة لا صـار محتـاج اعطيـه =بيني وبينـه راتبـي كـم نصفتـه