[حامد نوار]

{ يآرب | قوي شعور ~ الصبر فيني ,

عسى نهاية صبرنا | قرب وعنآق . . !

[حامد نوار]

يارب والناس ما تدري عن الخافي !
وانت اعلم بحزن روحي وبخوافيها /
ساعدني آعيش وافي واندفن وافي ..
وامنعني مْن الخطايا ، قبل اسوّيها !

[حامد نوار]

ماهقيت إن:: النوايا الطيبة ... تصبح مسيئة !
لين ( نياتي ) .. احذفتني بـ البحر من غير قارب ...

في زمن [ صدق المشاعر ] تعتبر أكبر " خطيئة "
يختلط وجه الخطا ~ بـ الصح من كثر | التقارب .

كل ما حسيت نفسي متخذ [ خطوة جريئة ]
اصدمتني نسبة الحساد مابين الاقارب ..!

[السعاده قادمه]

امشّي السالفة .. من طيب نيّـاتي

لو هـي على وجهها و الا مقفّـاها

مدامنـي صح .. لا افكـر ولا احاتـي

واللي نوا لي بـ نيّـة سـوء يلقاها

أشوف نـاسٍ تضاعفني من سكاتي

ماتـدري النفس عدّتها من رضاها

وأشوف ناسٍ تبي تكسر طموحآتي

و الحمدللـه أجيهـآ .. و أتعـدّاهـا

يامدور الشعر يوم تدور أبياتي

أبشر بمزنة تهل ولا وقف ماها

همت ودمت هوآهآ صرصرً عآتي

سويتها يوم رب العرش سواها

من مزنة سيلت تمشي بمشهاتي

يسوقها البدع والمعنى تقفاها

أنا على فطرتي ما صنع بذاتي

وحلاة طبع البشر على سجاياها

يالله تغفر لحيي وارحم امواتي

اللي عرفت السنع مع جرة خطاها

وياللي سمعت الوصية جود وصاتي

القلب مصخي بها والعقل يدراها

يامن تحاول تهد جبال اباناتي

فكر قبل هدها وشلون ترقاها

انا ولد شايبٍ تكرم شنباتي

عن مستوى العفن والرديان ولحاها

كم لحيةٍ ماهي بكفو ابتساماتي

بعض المجامل يحد النفس لأقصاها

ولـ أعرف أقول انساتي قبل ساداتي

كيف افهق رجالها واقلط نساها

لو يزعل اللي زعل هذي قناعاتي

البنت ماهو مركى الرجل مركاها

البنت يصلح عليها ثوب بناتي

ماتصير قبل الرجال اللي تعزواها

وياللي تصيد بغلطاتي وزلاتي

أنا بشر والبشر مااكثر خطاياها

أنا بدوي في بلاد الجود مرباتي

والناس ترجع لمعدنها ومرباها

بعض الرجال يتبدوا خرط كالآتي

جيب .. ومعه طير.. وأبشربه.. وشرواها

وشرواك طيب.. وفعل جدي.. وغزواتي

والمرجلة قال خلوهااااا .. وخلاها

ولازم مبهذل وثوبه وصخ ويهاتي

ولايعرف البداوة وش معناها

من علمك هاللباس الوصخ يازناتي

لبس البدو ياضعيف العقل يزهاها

ترا البداوة سلوم وفعل واثباتي

وثقل وعقل مع رجال عند مبداها

وحشمة وشيمه ووقفه عند كلماتي

وعزه وهيبة وستر اللي تنخاها

يالله يالله ترزقني بنياتي

واللي معه نية بالسوء يلقاها

. . / الشـآعر .: عبدالكريم الجباري

[حامد نوار]

ما مثل الإستغفار يتلاه تهليل ..
تقطيع وقت وأجر منّا و منّا ..!

وهذي هي الدنيآ طلوع و تحآويل ..
مآجت لإبن آدم على ماتمنى ..!

[حامد نوار]

خل آلآمل[ ينبت ] ولآ تدفن / آلورد
حلوھ الآمآني ، تعطي آلناس رآحھ

ترّاگ لولآ آلصيف / مَ تعشق البرد
ولولآ آلآمل ، ضآقت عليگ آلمسآحھ

[حامد نوار]

(جرح(ن) يطيب وجرح يحتاج دكتور
وبعض الجروح أسباب أهلها دواها)

[Ŝђǿǿq Ťąbσύĸ]

لله دري فـي فخــامة غــروري
.......... عيني نظرهــا لك رواقـه وتكييف


تدري وش أقرب شي يشبه حظوري
......... نسمة بـراد جــات في قايلة صيف

[براءة أنثــى]

البارحة نفضت قلبي من الضيق
وشبيت به ضوي وزينّت مركاه

ابيه لامن رد زين المخاليق
يلقى مكانه لايقٍ به ويزهاه

[حامد نوار]

يا ( همُومْ ) .. لو تِزيدين إشتعال !
.............. إحلمِي إنّي بَستسلِم لِ قيد !

بَبتسِم .. بَضحَكْ .. وقلبي لا يِِزالْ / :
.............. ثابِتْ .. و مِتفائِلْ بِ يوُمٍ جديد !