[جمانه رائعه]

ام طلحه

حابه اشارك في موضوعك مع اني الحين ما انفع اشارك

بس بفيد بتجربتي

انا تزوجت شاب راتبه في البدايه 1800 ريال مع انه جامعي وصبرت معه 10سنوات لحد ماوصل راتبه الآن 4000 ريال

ومافيها اي مشكله بالنسبه لي هي مسألة تأقلم صحيح انا موظفه لكن هذا ماله اعتبار بتاتا لأني متأقلمه على مرتب

زوجي

وزميلتي تزوجت وزوجها يستلم 1000 ريال مرتب وماصار شي

المشاكل تتولد بسبب قلة التفاهم وسوء العشره ولا الفلوس عمرها ماجابت لأحد السعاده

هي ماتجيب الا النكد وعوار القلب للي مايعرف يتصرف فيها

وسلامتكم

[البازوكـة]

السلام عليكم

الموضو ع رائـــع والاروع انه يلتمس الصدق من الطرفين (البنات + الشباب )

والله يا ام طلحه نقبل اذا كان يخاف الله ويصلي ويصوم ويروح لوظيفته مو يتغيب ويهمل هاللقمة اللي يعيش عليها

وشوفها تافهه ومتلبي ربع اححتياجاتهم ومن ثم يكسل والين ينطرد ,,,

لي صديقة تزوجت شاب راتبه 1200 وهي بنت عز وغنية
و
اخرى تزوجت واحد راتبه 1800 ونقل وظيفة اخرى ونقص راتبه وصار 950

والمشكلة اللي تقدمون عندهم شروط رهيبه وعجيبة لازم تكون معلمة ( والسبب عشان هو يشبع نوم والحرمة تصير
هي الرجل والمرأة بالبيت وتصرف عليه بعد ...

المشكلة ما يشفون انفسهم الشباب ,, واغلبهم والله يتقدمون وشروطهم كانك تسمعين نكت يا ام طلحة

ما تقولين هذا انسان يبي وحدة بالحلال او تكون شريكة حياته لا ,, يبيها ام وزوجه تلبي احتياجاته
وتربي له اطفاله وتزهب له اكله وملابسه نظيفة ومشي حاااااااااااااااااااالك ......

عموما الله يرحمنا برحمته ويعين ,, لكن اغلبهم يتحججون بغلاء المهور وقبل فترة عملوا احصائيه اقل مهور
هم فتيات الغربية واغلاهن مهرا فتيات الجنوب والسبب يرجع للأهل ,, كأنه مشتري بضاعه مو عرووووس

وحاليا الشاب السعودي يبحث عن زوجة تكون من 15 اى 20 اكبر من كذا في نظرة عااااااااااااانسسسسسس
ومعظمهم يبحث عن الاجنبية ......

وشكرا على الموضوع رغم اني ما انتهت بس اكتفى بكذا ....

[أام احمد 77]

الاخلاق والالتزام اهم من النقود..واذا كان الشاب شابا صالحا فلما الرفض

[عاشقة الفردوس الاعلى]

السلام عليكم ورحمة الله وبركاته
موضوع جميل وحبيت اشارك واقولك اني نموذج حي لموضوعك يبث على هواء مباشرة هههههههه
انا مخطوبة من سنه ونص خطيبي راتبة 1800 ريال والحمد الله على كل شي وقال تعالى (وان يكون فقيرا يغنيه الله )
وانا اقول آآآآآآآآآآآآآآآآمين

[زهرة السوسن55]

الله يوفق الجميع لما يحب ويرضاه

[arooon]

السلام عليكم
موضوعك يا اختي مهم جدا ..
وانا اقول لكي بانني من الاشخاص اللذين يرفضون هذا الامر ...
لانني لا اعرف ماذا اقول ... مريت بتجربه قاسيه في حياتي بسبب عدم التكافؤ في المادة والنسب بين امي وابي مما جعل حياتهم تنتهي بعد اكثر من عشرين سنة ..
وانا لله الحمد على وشك وظيفة بمرتب اكثر من 8 الاف ولن اقبل باقل من ذالك لاني لا اريد الاحساس بالنقص لعدم وجود التكافؤ وهذا من مستلزمات الزواج في الاسلام وليس من شروطه
ولاكن الاخذ بالاسباب واجب ..
فلا تقولوا بان هذا الزوج لن يشعر بالنقص مستقبلا ..
هذا من وحهة نظري . اما اذاكانت الفتاة غير موظفة فهذا له شان اخر ...
وشكرا

[ح ا ل م]

جزاك الله خير

[كـلـك نـظـر]

2000 زين

لو قلت 1000 كان قلت لك لالالالالالالالا

[بنت الإمارات]

السلام عليكم..

من رأيي لو كان شاب فقير وراتبه لا يتجاوز ال2000 يتزوج من فتاه من اسرة حالتها الاجتماعيه مماثله او قريبه من حالته..عشان يرضون باللي فييه.. مب يتزوج وحده من عايله ميسوره..!!

صعب على المرأه ترضى بمستوى اقل من مستواها قبل الزواج وبفارق كبير ممكن نقول.. وخصوصا ان الماده طغت بشكل كبير على حياتنا.. ال2000 يادوب تكفي للمسكن والاكل والسياره والعلاج وغيره..
وليش هالريال راتبه 2000 ليش مايطور من نفسه ومايكمل دراسته..ليش ما يشتغل وظيفتين صبح ومسا عشان يعدل من وضعه الاجتماعي.. اما اذا كان صعب عليه فيتزوج وحده حالتها من حالته..انسب لهم

[عاشقة الماضي]

مشكورة اختي على هالموضوع
وعن نفسي اقبل في شخص راتبي 2000
والاهم اخلاقة ومهما كان اكيد بيحسن من وضعة مع الايام لانة بيحس بالمسئولية
وايضا الزوجة لازم تشجعة وتساعدة على تحسين وضعهم الاجتماعي