[حامد نوار]

ترى مايجرح العاقل من الدنيا سوى المعقول

واناالمجروح من دنياي ولو ماكنت عاقلها0

تعبت احمل على المتن النحيل من الهموم حمول

=وانا نفسي وهي نفسي وربي مااتحملها0

وقفت, وماوقفت الا ادووور للحلول حلول

ابعثر ماورى نفسي الين اثقلت صاملها0

[حامد نوار]

إثنين ما أحب أكتشفها في رجّال
تطيب نفسي منه لو هو ولد عم

إقفايتة في ساعةِ تبغي إقبال
و خلط الكلام الزيّن بكلمة السّم

[حامد نوار]

اللي تعاف أوّله ينعاف تاليه ..
وأنا كفا صدري من الغيظ مابه..


من لا وقف لي وقفة رجال مابيه..
يغني عن حضور "المقفي" غيابه ..


من لا فزع بـ الكايده مع بني خيه ..
وقت الرخــا مايحسب حساب لابه..


علمت غيري كيف لا صـد ماجيه ..
وأنا تعلمت الصبر والصلابه ..


لأن الشجاع ان مالقى من يواسيه..
أن مانشدته ماعلمت بمصابه..


مادام بعدي عن رفيقي بيرضيه ..
نذر(ن) عليّ إِني فلا.. آطــق بابه..


عيب التفت في جاه مخلوق وادعيه..
وللمبتلي ساعة دعاء مستجابه ..


الضعف ما طيقه ولا طيق طاريه ..
والدمع لا يرقى ولا ينرقابه..


والحلم [ يغنيني ] عن الكبر والتيه..
والظلم محصيني كـآبه كــآبه ..

[حامد نوار]

إن ماجمعت وجيه ما فرق وجيه..
ومن لا بنيته ماسعيت بـ / خرابه ..


وانا لو اني بـ التفت / بالتفت ليه ..؟
الرمح غــالي و"الفريسه" ذبابه ..

[حامد نوار]

بدري علي احسب لها حساب واحاتيه..
و بدري عليه يشيلني من حسابه ..

[حامد نوار]

إليا كسر في خاطرك شخص تغليه..
حتى المعاتب تستحي من عتابه ..

[حامد نوار]

اللي بيدخل في مزاجي بسويه ..
وباخطب الفض الفليض بخطابه..


مثل الغلا اللي باخذه منه بعطيه ..
ويسمع جوابي مثل ماسمع جوابه..


لو كل شخص بيحتقر فيّ بـ اخاويه ..؟
ما كون حزت من المراجل مهابه..

[السعاده قادمه]

مالقيت من الوفـاء يـااول نديـم ..
.. كون صدق الحزن وجهه وظهـره

عقب رمح الشوق في وجه الصميم ..
.. سيف هجرك في قفاه وشف ثـره

وانت شكلك تحسبنـي فـي نعيـم ..
.. لنـي اخبـي صوابـي واستـره

لايغـرك حلـم رجــال حلـيـم ..
.. مهون اللي مـن سكوتـه فجـره

ولاتحسب الجفن من دمعه عقيـم ..
.. يستحي منك والى اقفيـت انثـره

ولايغرك وان بدا جسمـي سليـم ..
.. والله ان جسمي سـوار المقبـره

والله ان امر من ضحـك الغريـم ..
.. شوف حقي بين اياديـه اشكـره

والله ان احر مـن دمـع اليتيـم ..
.. دمعة الرجـال مـن فرقـا مـره

[السعاده قادمه]

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد

[كن مع الله ليكن معك]

صـــح لسانك