[حامد نوار]

يااللي تعلمني على جدول الضرب
عطني نتيجة ضرب واحد بواحد

وقلي وش اللي يجمع السلم بالحرب
وش فايدتهن لا غدن شي واحد؟؟

وأعلمك يا بهجة الشرق والغرب
وش تعني الدنيا إذا غاب واحد؟؟

[حامد نوار]

انته وأنا والقلم والناس نتكلم

واللي رحل يا خويي جفت أقلامه

عش كل لحظة وساعة قبل تتألم

وشهر ما ينصفك لا تحسب أيامه

هذي حياتك وربك بالخفايا اعلم

مالك وللناس خلك رافع الهامة

والناس قالوا من أول من حذر يسلم

بس إن بعض الحذر مذمومة أقسامه

لا بد ما تدخل الساحة وتتعلم

وتفهم العصر لا يخطيك مقدامة

سابق ولاحق وزاحم بعد وأتقدم

وعش حياتك وعنك الوهم واحلامة

ما دام جاهك رفيعن أنت ما تندم

واللي يعزك تعزه والوفاء دامه

وتعرف الحق والواجب وله تعلم

هذا هو خير من يأتيك بإعلامه

واعرف لكلن مكانه حيث ما ينعم

وصاحب الجيد في حلّه ومعزامه

وانته وأنا والقلم والناس فينا دم

بس القلم لا تكلم خط مرسامه

[حامد نوار]

المظهر اللي ينخدع به كثيرين ... أنا يساوي في حياتي ولا شي
ما ينخدع قلبي بما يعجب العين ... هذي حقيقة مذهبي دام أنا حي
والناس كلن له بفكري موازين ... أميز الصايب وأميز هل الغي

[حامد نوار]

يا جرح لو تلتهب ماهي على كيفك
الحاجه اللي تذل النفس مابيها

يا جرح لو في خفوقي ماكنٍ سيفك
العزة اللي براسي منت قاويها

يا قلب ياللي جروحك من مواليفك
ناسٍ سعت في عذابك ليش تغليها؟

[حامد نوار]

نفسي على حب الخير مجبولة

ماهمها طيب العرب معها والا رداهم

همـي راحة ضميري ومقـيولة

لو تعمل خير للبشر شر تلقى جزاهم

[حامد نوار]

بعض العرب ماودّك إنك توصّيه
يدق لك صدره ولاينفع بـ شي

يخيب ظن اللي منالناس ناخيه
لايقطع الفرجة ولايسقي المي

هو يحسب أن المرجلة بينأياديه
مايدري أن المرجلة صعبة شوي

[حامد نوار]

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

[حامد نوار]

بكيت وأبكاني من النـاس محـروم
طفل(ن) صغير(ن) ما لقالـه هويـه
في عالم الحرمان والصـد محكـوم
يا قسمة الله يا ضعوفـا(ن) ضحيـه
إلام تبكـي والأمـل شبـه معـدوم
ترضـى بحكـم الله كفيـل البريـه

[حامد نوار]

أحدن فعوله بالمراجل تثابيت
واحدن يشابه بالفعايل خواته

[حروف القوافي]

يادروب التوافيق.أحضني خطواتها. وياتساهيل الكريم كوني لها نصيب.