[بلاتين]

طلقها وارتاح ............. أهم شيء بين الزوجين الثقة , وصعبة الزوج ينسى وهذا الشيء من الماضي مستحيل تغيره ومستحيل تنسى .. ماله داعي تظلم نفسك وتظلمها .

[شايل همي لحالي]

المشاركة الأصلية كتبت بواسطة a7bs.dmoo3y انزين اي احسن لك توبتها ولا الاستمرار في الخطأدون علمك؟؟ الي احسه من كلامك انك لو ماكنت تدري احسن لك شنو يثبت لك اعترافها لك ؟؟ فكر يعني اعترافها لك مايسوى شي عندك يعني لو ما قالت لك بتكون احسن عمر الهرب ما يحل المشاكل سافر معاها يمكن تنحل المشكله انت رحت العمره معاها روحوا ماليزيا يمكن تتغير نفسيتك وكل ماتجيك هالافكار تعوذ من الشيطان وامسك المصحف واقرى القرآن تقرب من الله اكثر العلاج عند رب العالمين حاول اتقوم الليل وتدعي الله يشيل من بالك هالافكار وكل ماتجيك هالافكار ابعدها عنك بقول مثلا لاء تغيرت مثلا هي تحبني وقبل النوم نفس الشي قول انا مرتاح وانا احبها هي حبيبتي ادعم نفسك بجمل ايجابية صدقني بتصحى الصبح بتحس انك تغيرت وصرت نفس الجمل الي ذكرتها ولاتنسى ان الله مع الصابرين اليوم انا صايمه وان شاء الله بدعيلك ان ربي يشيل همك ويبعد عنك وساوس الشيطان على فكره يمكن اذا فكرت تتزوج غيرها بعد بتقعد اتفكر واتخاف انها ترجع للخرابيط؟؟؟!!! فكر في اشياء ثايه لين تجيك افكار تحرق قلبك فكر بالطفل الي بجي روحوا جهزوا له لاتحاول تكبد الي في داخلك طلع الي في داخلك عن طريق الكتابه في دفتر يوميات بتحس انك مجرد من كل شي ويمكن هالشي يساعدك وترتاح الله يشيل همك عاجلا غير اجل ويسعدك ويريحك ويبعد عنك وساوس الشيطان اللهم امين

أكيد الأحسن توبتها والأحسن بعد إنها تتوب وعلي يدي وأحافظ عليها عشان أكسب أجرها ومشكلتي كلها إني مو قادر أنسى الموضوع وإني صرت أعاملها كزوجة بس ..
من ناحية حبها لي أنا متأكد إنها مو بس تحبني وإنها تموت فيني لأن موقفي وردت فعلي من اللي صار ما توقعه أحد حتى أهلها لأن أختها متزوجه واحد ضربها أكثر من مرة على أشياء بسيطة وأنا ما لمست شعره منها رغم كل اللي سوته واللي عرفته وأحاول دائما أصبر نفسي وأقول خلاص هي تابت وإن شاء الله قد الثقة لكن المشكلة إن في مواقف بسيطة تصير قدامي تخليني أرجع للماضي وكأني اليوم عرفت عنها كل شي ..
حاولت أغير ديكور البيت وحاولت أسافر أكثر من مرة وأعطيتها أذكار الصباح والمساء طويلة أخليها تقراها وأنا بعد أقراها وأشياء كثيرة حبيت أسويها كنوع من التغير لكن هذا كله ينتهي بمجرد أشوف شي وأقارنه بالماضي ..
الله يجزيك ِ الخير أختي a7bs.dmoo3y وسامحيني تعبتك معاي كثير وإن شاء الله نصيحتك بسويها وبهتم فيها لأني فعلاً أحس في تغيير صار لي وللأفضل والله يهدي النفوس ..

[الحـــــالـــــم]

لن يستطيع أحد اتخاذ القرار سواك

أنا أعلم نفسية الرجال والمعاناة التي بداخلهم،،،،، يكاد يكون مستحيل ان يتقبل امرأة فعلت ذلك بل وربما اقل من ذلك

لا تفكر في اي ضغوطات حولك ابدا
لا اهلك ولا اهلها ولا حتى طفلك القادم بإذن الله ،،،

فقط فكر في نفسك واعلم انها حياتك و ليست حياة غيرك

اجلس تأمل حاضرك ،،، مستقبلك
والاهم قلبك

وكن رجلا في قرارك
فان قلت سأسامح ،،،، فالموضوع اقفله ولا تفتحه حتى في رأسك
وان قلت لا استطيع العيش معها ،،،،،،،،، فطلاق باحسان من غير فضايح

[دانه فهد]

اثابك الله على ما فعلته تجاهها فسامحها دام انها تابت

[شايل همي لحالي]

المشاركة الأصلية كتبت بواسطة حلميه السلام عليكم ورحمة الله وبركاته اول شي لازم اسويه انك تذهب لطبيب نفسي وتعرض عليه المشكله وتقوله انك صعب تنسى هالموضوع وتشرح الوضع بتفصيل صدقني راح يعطيك الجواب الكافي والوافي وتحتاج لجلسات عشان تنسى الموضوع تماما مواتنساه احسن شي الواحد يعرض مشكلته على انسان عنده خبره ومتمكن ونظرته واسعه للحياه والله يسخر قلبك لها

وعليكم السلام ورحمة الله وبركاته
إن شاء الله الأسبوع هذا أو اللي بعده بروح لطبيب نفسي لأن السالفة طالت معي وتحملتها وسكت وما لقيت نتيجة الصراحه إلا لما كتبت هنا على الأقل حسيت براحه نفسيه وحسيت إني قدرت افضفض شوي من اللي داخلي ..
ومشكور أختي حلميه

[شايل همي لحالي]

المشاركة الأصلية كتبت بواسطة ام عبودولمو لاحول ولا قوه الا بالله والله اشغلني موضوعك لكن لك مني الدعاء بأذن الله الله يهدي سركم يارب ويجمعك انت وزوجتك على خير الله يجعلها اجمل وافضل النساء في عينك وانت اجمل وافضل رجل في عينها الله يبعد عنكم كل مكروه ويجي ان شاء الله البيبي وينسيك مو بس الماضي الا الدنيا ومافيها الله يجعل صبرك في ميزان حسناتك ويهدي زوجتك يارب ويسخركم لبعض اللهم امين يا ارحم الراحمين

اللهم آمين
والله يجزيك الخير أم عبودلمو
ويبارك فيك ِ ولك ِ ويعطيك ِ على قد نيتك الطيبه ..

[شايل همي لحالي]

المشاركة الأصلية كتبت بواسطة الدكتورة ريم طلقها وارتاح ............. أهم شيء بين الزوجين الثقة , وصعبة الزوج ينسى وهذا الشيء من الماضي مستحيل تغيره ومستحيل تنسى .. ماله داعي تظلم نفسك وتظلمها .

لو الطلاق سهل كان طلقت من أول يوم بس الخوف من الله ثم من الدمار اللي كان ممكن ترجع له ( وإن كنت ما أظن ترجع له بعد اللي صار )ثم إن عندها اخوات ويبغوا يتزوجوا ولو طلقت يمكن يأثر عليهم بعد وإن كانت هي سبب الطلاق بس ما أبغى أتسبب بعنوسة أخواتها بسبب غلطتها ..

[شايل همي لحالي]

المشاركة الأصلية كتبت بواسطة الحـــــالـــــم لن يستطيع أحد اتخاذ القرار سواك أنا أعلم نفسية الرجال والمعاناة التي بداخلهم،،،،، يكاد يكون مستحيل ان يتقبل امرأة فعلت ذلك بل وربما اقل من ذلك لا تفكر في اي ضغوطات حولك ابدا لا اهلك ولا اهلها ولا حتى طفلك القادم بإذن الله ،،، فقط فكر في نفسك واعلم انها حياتك و ليست حياة غيرك اجلس تأمل حاضرك ،،، مستقبلك والاهم قلبك وكن رجلا في قرارك فان قلت سأسامح ،،،، فالموضوع اقفله ولا تفتحه حتى في رأسك وان قلت لا استطيع العيش معها ،،،،،،،،، فطلاق باحسان من غير فضايح

عين العقل ..
تفكيري بالضغوط لأسباب كثيرة
مثلاً في عائلتنا الحمد لله مافي أي حالة طلاق ولو طلقت بكون أول شخص طلق فأكيد الأهل لازم يعرفوا سبب الطلاق ومهما تعذرت ممكن يمشي الموضوع إلا على الأب والأم ولو حاولت أتزوج مرة ثانية مستحيل يوقفوا معاي لسبب بسيط برأيهم إني طلقت بدون سبب وإني مو قد الزواج والمسؤولية ..
كلامك عين العقل وإن شاء الله أفكر فيه
ومشكور يالغالي

[شايل همي لحالي]

المشاركة الأصلية كتبت بواسطة دانه فهد اثابك الله على ما فعلته تجاهها فسامحها دام انها تابت

اللهم آمين
وشكراً أختي دانه فهد على النصيحة
والله يهدي النفوس

[a7bs.dmoo3y]

فعلا حبست دمعتي وصرت نفس اسمي
انت مافي مثلك الله يفرج همك عاجلا غير آجل ويريحك ويسعدك ويبعد عنك الشيطان اللهم آمين ياليت كان طليقي نفسك انت شخص شجاع وشهم بكل معنى الكلمه ومب بس اتفكر في نفسك قاعد اتفكر في كل الي حولك وناس مايعنون لك شي الله يريح بالك اللهم امين