[صانعة في الحياة]

رغيف العيش من بره أرضها ، قرارها دايما بيكون من بره أرضها برضه ..، وبره دماغها ويره تقاليدها وبرة مصالحها ..وحتى أمنها

والوضع ده لازم يتغير يا شباب ولو على مراحل ،

فى حرب سنه 73 الملك فيصل ملك السعوديه عليه رحمة الله كان قمه العزه والشموخ وقرر إنه يستعمل البترول كسلاح فى الحرب وهدد إنه لو الغرب وأمريكا ما إتعملوش مع قضيتنا بإنصاف هيوقف تصدير البترول وجاله كيسنجر كان وزير خارجيه أمريكا وقتها وقاله لو منعت البترول هنمنع عنكم القمح وتموتوا من الجوع..فرد الملك فيصل الشامخ عزيز النفس إنه لو منعتم القمح هنعيش على الشعير وحليب الناقه وشويه تمر إحنا ممكن نعيش بأقل القليل, لكن إنتم متقدروش تعيشوا من غير البترول ساعه واحده, وزى ما قالت الصحف الأمريكيه وقتها لأول مره يخرج وزير خارجيه أمريكا من إجتماع ودانه حمرا.. الملك فيصل عرف إن أمنه القومى مهدد فعمل برنامج طموح لزراعة القمح فى السعودية بحيث إن السعودية إللى مكنش فيها حبة قمح مزروعه أصبح عندها الأن فائض قمح, وقتل الملك فيصل ولقى ربه شهيداً. وكان أعظم مثل فى العصر الحديث للرجوله والشموخ العربى.. ياشباب إقروا تاريخ عظماءنا , الملك فيصل كان أمه.
مثال أخر:
قتل الأرز كان استراتيجية عسكرية من بداية العدوان الأمريكي على فيتنام. في بداية الأمر، حاول الجند الأمريكيون يبدأوا بسلاح التجويع فحاولوا نسف الأرز في حقوله وكذلك وهومتخزن أكوام، مستخدمين المورتار والقنابل اليدوية. ولكن حبات الأرز كانت شديدة التحمل للحد الذي أدهشهم، ولم يكن من السهل تدميرها. وصارت كل حبة لم يجر تدميرها تصلح كبذرة، تجمع لتزرع مرة اخرى. في تقرير لمحكمة جرائم الحرب الدولية (التي أسسها الفيلسوف برتراند راسل) في نهاية عام 1967، قال التقرير: "اكتشف الجند أن الأرز هو واحد من أكثر المواد العصية على التدمير بطريقة تدعو إلى الجنون؛ وحتى باستخدام القنابل اليدوية المعدنية الحرارية يكاد يكون من المستحيل إحراقه وحتى، لو نجح المرء في بعثرته إلى شظايا، فهذا لا يمنع حصاده بواسطة أناس صبورين وبالتالى يفشل سلاح التجويع, ولكن علماء الشيطان وجهوا الجنود إنهم يستعملوا مبيدات الأعشاب حيث أن إسقاط الأوراق عن شجرة الأرز قبل نضجه يعني خسارة الحصاد بنسبة 60-90 %".[1]
مش كده وبس فالأمر بيأثر في حاجات تانية


الصحة – يعنى إيه؟ الأكل ده حاجه بتدخل جوه أجسامنا وأجسام أولادنا مباشرة,لما تكون بتزرع أكلك عندك بتكون متأكد من نظافته. للأسف الزراعة فى بلاد كثيره فى معظم الأحيان بتعتمد على المبيدات و السماد الكيماوى و الهندسه الوراثيه التى تؤدى إلى أضراركثيره بصحة الإنسان خصوصاً على المدى الطويل ، و مفيش وسيلة


مضمونة علشان نقدر نحصل على منتجات زراعية نظيفة. و النتيجة زيادة غير عادية فى عدد المصابين بالأمراض الخطيرة زى الفشل الكلوى و السرطان. تخيلوا لو قدرنا نعمل كنترول على أكلنا ، قد إيه إحنا بنحمى صحتنا و صحة أولادنا. مش بس كده ، المنتجات الزراعية إللى مش بتعتمد على المواد الضارة دى لها سعر عالى جداً فى الأسواق الأوروبيهوممكن تتصوروا تبقى مصدر دخل كبير.


على مستوى التربية :لو بدأنا نعلم أولادنا إنه يزرع أى حاجه إنشاء الله صغيره, ويصبر عليها لما تكبر وبعدين يأكل من زرع إيده قد إيه بنعلم أولادنا الإحساس بالمسئولية والصبر على الإنتاج وأيضاً العمل الجماعى لما نخليهم مع بعض يراعوا نباتات ، مش ننتظر لما يكبروا و بعدين نشتكى من إنهم مش حاسين بمسئولية حاجة أو مش حنينين ، تربية النباتات بيعلم الأولاد أنهم لازم يكونوا فاكرين إن فيه نبات فى البيت محتاج رعايتهم و إنهم لو مخدوش بالهم منه فى مواعيد معينه ممكن يموت
ولذلك يا جماعة شوفوا قد ايه الإسلام اهتم بقضية الزراعة ..
أنظر للتعدد الرهيب للأيات القرآنية ..اللي بتتكلم عن الزراعة علي أنها من أعظم نعم الله والشاهدة علي وحدانية الله وقدرته والموجوبة لحمده وشكره والإيمان به ..طبعا التعدد ده لم ياتي عفوا وإنما لحكم عديدة من أولها ..إبراز أهمية الزراعة والإهتمام بها

q (أمن خلق لكم السموات والأرض وأنزل لكم من السماء ماء فأنبتنا به حدائق ذات بهجة ن ما كان لكم أن تنبتوا شجرها أءله مع الله بل هم قوما يعدلون) سورة النمل الاية 60


q ((فلينظر الإنسان إلي طعامه أنا صببنا الماء صبا ثم شققنا الأرض شقا ، فأنبتنا فيها حبا ، وعنبا وقضبا ، وزيتونا ونخلا ، وحدائق غلبا ، وفاكهة وأبا متاعا لكم ولأنعاكم))
q سورة عبس الاية 24- 32


q ((إن الله فالق الحب والنوى يخرج الحي من الميت ومخرج الميت من الحي ذلكم اللع فأنى تؤفكون ))سورة الأنعام الاية 95
كل اللي الاهتمام ده من القران علشان الزراعة ديه رصيد كرامة الأمة وكرامتي وكرامتك ..رصيد حريتنا وامتلاكنا لأردتنا ..
q ((أفريتم ما تجرثون أأنتم تزرعونه أم نحن الزارعون، لو نشاء لجعلنه حطاما فظللتم تفكهون
q سورة الواقعة من 63- 65

[صانعة في الحياة]

q (أفلم ينظروا إلي السماء فوقهم كيف بنيناها وزيناها وما لها من فروج ، والأرض مددناها وألقينا فيها رواسي وأنبتنا فيها من كل زوج بهيج، تبصرة وذكرى لكل عبد منيب ، ونزلنا من السماء ماء مباركا فأنبتنا به جنات وحب الحصيد ، والنخل باسقات لها طلع نضيد ، رزقا للعباد وأحيينا به بلدة ميتا كذلك الخروج) سورة ق : من 6- 11



q (‏وآيةلهمالأرضالميتةأحييناهاوأخرجنامنهاحبافمنهيأكلون، {‏وجعلنافيهاجناتمننخيلوأعنابوفجرنافيهامنالعيون، ‏ليأكلوامنثمرهوماعملتهأيديهمأفلايشكرون)

q سورة ياسين : 33- 36



q (والذي جعل لكم الأرض مهدا وسلك لكم فيها سبلا ، وأنزل من السماء ماء فأخرج به أزواجا من شتى كلوا وارعوا أنعاكم إن في ذلك لآيات لأولي النهى) سورة طه : 53



كل اللي الاهتمام ده من القران علشان الزراعة ديه رصيد كرامة الأمة وكرامتي وكرامتك ..رصيد حريتنا وامتلاكنا لأردتنا ..





q بل ربط الإسلام التقوى بالزراعة (لو أن أهل القرى أمنواء واتقوا لفتحنا عليهم بركات من السماء والأرض)



q قال صلى الله عليه وسلم (ما من مسلم يغرس غرسا ، أو يزرع زرعا ، فيأكل منه طير أو إنسان أو بهيمة ، إلا كان له به صدقة)



q (ما من مسلم يغرس غرسا إلا كان ما أكل منه له صدقة وما سرق منه له صدقة وما أكل السبع منه فهو له صدقة ، وما أكلت الطير فهو له صدقة ، ولا يرزؤه أي ينقصه ويأخذ منه أحد إلا كلن له صدقة)



q ما رأوه أنس رضى الله عنه عن النبي صلى الله عليه وسلم قال (إن قامت الساعة وفي يد أحدكم فسيلة "وهي النخلة الصغيرة أو الودية" فإن استطاع أن لا تقوم حتى يغرسها فليغرسها )





q ما رواه بن جرير عن عمارة بن خزيمة بن ثابت ..قال سمعت عمر بن الخطاب يقول لأبي : ما يمنعك أن تغرس أرضك؟ فقال له أبي : أنا شيخ كبير أموت غدا، فقال له عمر : أعزم عليك لتغرسنها.



q ما رأوه التاريخ الإسلامي أنه قيل لعثمان بن عفان رضى الله عنه "أتغرس بعد الكبر فقال: لأن تقوم الساعة وأنا من المصلحين ، خير من أن توافيني ، وأنا من المفسدين"

q وفي إرشاد الساري عن محيي السنة ، أن رجلا مر بأبي الدرداء وهو يغرس جوزة فقال : أتغرس هذا وأنت شيخ كبير ، وهي لا تطعم إلا في كذا عام؟ ما علي أن يكون لي أجرها ويأكل منها غيري .. أنا مستأمن عليها من أولادي



q في صحيح مسلم أن النبي يحكي للصحابة عن الجنة فقال لهم أن رجلا من أهل الجنة أستذن ربه في الزرع فقال له الله تعالي ..لك فيها ما شئت فقال بلى ولكني أحب أن أزرع ..فقال له الله : سألقى البذرة علي أرض الجنة فأصبح نباته وحصاده في ساعة كأمثال الجبال



كل اللي الاهتمام ده من القران علشان الزراعة ديه رصيد كرامة الأمة وكرامتي وكرامتك ..رصيد حريتنا وامتلاكنا لأردتنا ..

q فقال أحد الصحابة : والله يا رسول الله أظن هذا الرجل أنصاري فأنهم يحبون الزرع
q فضحك النبي...
q والنبي كان يسأل أصحابه يوما (فزورة) أن في البادية شحرة تشبه المؤمن تماما فأحتار الصحابة وعرفها عبد الله بن عمر ..النخلة ..لأن كلها خير والمؤمن كله خير ..



q كما يقول ابن خلكان "لو يعلم المسلمون وأبناء المسلمين ما أعد الله للمسلمين في إحياء الأرض ، ما ترك المسلم بقعة من الإرض دون إحياء ، رجاء الثواب المدخر عند الله"
q وعن بعض العلماء ..لو علم عباد الله ، رضا الله في إحياء أرضه ، لم يبق في وجه الأرض موضع خراب"

q قول الرسول صلى الله عليه وسلم "من أحيا أرضا ميتة ثقة بالله وإحتسابا ، كان حقا على الله تعالى أن يعينه وان يبارك له فيها"
q مش كده وبس ده النبي صلى الله عليه وسلم قال حديث في منتهى الأهمية ..

((من أحيا أرض ميته فهي له))
تشريع إسلامي عمر أرض أمتنا عندما طبق في الماضي وجعل مكأفاة من يحي الأرض الميتة يجعلها صالحة للأنتاج مكأفاة نبوية كبيرة أوي ..أن يمتلك هذه الأرض ملكية صحيحة كاملة ..هذه أكبر مكأفاة نبوية بل أكبر حافز لإحياء أرضنا.

[صانعة في الحياة]

- ولا شك أن في هذا الإتجاه الإسلامي ما فيه من سرعة إحياء الأرض الموات للزراعة والبعد عن الإجرءات المعقدة والروتين والعفن والوساطة والمحسوبية والرشوة وتضييع وقت محي الأرض بين المكاتب وانتظار السنوات الطويلة بدون إحياء حتى يحصلوا على هذا الإذن إن تمكنوا من الحصول عليه
بالنسبة للدول العربية فأن نسبة ما يزرع بالعالم العربي لا يتعدى 27،4 من إجمالي مساحة الأرض الصالحة للزراعة ، إذ تبلغ مساحة الأرض الصالحة للزراعة 197 مليون هكتار ، بينما تبلغ مساحة الأرض المزروعة فعلا 54 مليون هكتار
أما بالنسبة لجمهورية مصر العربية فثبتت الإحصاءات أن المساحة الكلية المستغلة والمأهولة والعامرة بالسكان لا تتعدى بأي حال 4% أي وانه بعبارة أخرى هناك 96% من إجمالي مساحة مصر بدون إستغلال ..
أمرنا ربنا بعمارة ما لدينا من أرض (هو أنشأكم من الأرض واستعمركم فيها ) سورة هود ، جزء من الآية 61 أي طالبكم وكلفكم بعمارتها،
قول الإمام أبي يوسف لأمير المؤمنين هارون الرشيد "انظر الخراب وأصلحه حتى يعمر "
عظم مساحة الأراضى المزروعة لدى الدولة الإسلامية فلقد بلغت مساحة الأرض المزروعة في عهد الخلفاء الراشدين والأمويين ما يقرب من 6 مليون فدان


ما روي من أن معاوية بن أبي سفيان جعل أربعة آلالاف من الرقيق وأسرهم في الخضارم من إقليم اليمامة بنجد لاستصلاحها واستثمارها"" وجعل ذلك مقابل إعتاقهم... كما كان يحرث بالمدينة وأعراضها مائة ألف وسق وخمسين ألف وسق ويحصد مائة ألف وسق حنطة
النهاردة إحنا هنتكلم الأول عن مشروع مهم و ده واحد من المشاريع المتميزة لكن للأسف مخدش حقه قبل كده ، و إحنا النهاردة هنقول كمان ليه المشروع ده مخدش حقه فى الإهتمام من الناس ، و هنقول إيه هيا مبررات إهتمامنا بالمشروع ده ، و تخيلاتنا عن الأساليب المختلفة إللى ممكن صناع الحياة ينفذوه بيها


الموضوع ده مش وليد النهاردة ياجماعة ، ده موضوع بدأ من زمان ، وهو الزراعة فوق الأسطح ، يعنى لو أنا ساكن فى بيت و عندى سطوح و أقدر أطلع على السطوح ، ممكن قوى أزرع بنفسى جزء من إحتياجاتى من الطعام ، العملية دى تكاليفها مش كبيرة ، و المصاريف الجارية بتاعتها برضه مش كبيرة ، و العائد منها لو فكرنا كويس ممكن يكون رائع

على فكرة مش بس الأسطح يا شباب ، كمان الجدران ممكن نستخدمها للزراعة ، و حتى المداخل بتاعة البيوت لو واسعة شوية ممكن ناخد جزء منها و نزرعه. و العملية دى ملهاش آثار جانبية على المبانى ، يعنى بتكون مُحكـَمة مفيهاش تسريب مياه أو زيادة وزن على الأسطح أو أى شئ ممكن يسبب قلق لو إتعملت بالطريقة الصح بتاعتها.
إحنا إخترنا المشروع ده علشان الناس إللى عايشين فى المدن يشاركوا فيه , الناس فاهمه لما نقول زراعه معناها بنتكلم عن الريف فقط, لأ إحنا عايزين كل الشباب إللى فى المدن قبل الريف.
لما نكون بننتج فى بيوتنا جزء و لو قليل من إحتياجاتنا الغذائية ده بيقلل من نفقاتنا ، و مش بيحتاج مننا رعاية كبيرة ، و لو شفنا نتيجة ده على مستوى بلادنا العربية كلها هنلاقى إن أى نسبة من إستهلاكنا تمثل قيمة كبيرة ، عاوزين تتخيلوا الموضوع أكتر ... فكروا فى مساحات الأسطح بتاعة مدينه القاهرة أو بيروت ودمشق أو الدار البيضاء مئات الملايين من الأمتار المربعه و شوفوا المساحة دى لو تم إستغلالها للزراعة ممكن توفر قد إيه
وممكن الزرع ده يراعيه الشباب أو الأم والأب, الجد والجده, ويستمتعوا بسمة التقاعد فى حاجه مفيده ومسليه.
كمان وجود المساحات الزراعية بيساعد على تنقية الجو ، إحنا عارفين إن كل مترمربع من النبات بينقى الجو من 100 جرام من الملوثات سنوياً ، و الشخص الواحد علشان يحصل على كفايته من الأكسجين بيحتاج 1.25 متر مربع من النباتات. المشروع ده مش بس مشروع إقتصادى ، ده مشروع بيئى و إجتماعى
تخيلوا متر مربع واحد بينتج فى السنة 110 زهرة ، و الزهرة بتتباع بجنيه و ربع مصرى تقريباًو لو زرعنا المتر ده نباتات ورقية زى الملوخية مثلاً بنحصل على 4 كيلو كل 3 أسابيع
ممكن المتر المربع يطلع 20 كيلو طماطم كل سنة

و ممكن نزرع حاجات تانية كتير زى الطماطم و الكنتالوب و الفراولة و الكوسة و الخيار و البامية و الجرجيرو الخس و السبانخ و البسلة و الكرنب وحاجات تانية كتير حتى شجر الليمون ممكن نزرعة فى حاويات أكبر شوية (براميل) لكن برضه خفيفة و لا تمثل خطر على البيوت ، ده غير النباتات الطبية زى الزعتر و البردقوش و الريحان



تخيلوا ، كان فيه مدرسة فى القاهرة فيها مكان بعيد شوية عن الأعين و مدَّارى ، فكان بعض الشباب بيروحوا يشربوا سجاير فيه ، ناظرة المدرسة فكرت و قررت تحل الموضوع بشكل مبتكر ، مش بقى راحت تطرد الولاد أو تعاقبهم ، لكن فكرت إزاى تستفيد من المكان مش بس تمنع الأذى إللى جاى منه ، حولت المساحة دى لمشتل بطريقة زراعة الأسطح (من غير أرض زراعية) مركز البحوث الزراعية زرعلهم المساحة دى ، على الأرض و على الجدران ، و دلوقتى ده تحول إلى مكان رائع و كمان مصدر دخل ممتاز للمدرسة ... شفتوا لما الناس بتفكر فى تنمية بلادها بجد ممكن تعمل إيه ، فينكم يا ستات البيوت و فينكم يا شباب ، فينكم يا آباءنا و أمهاتنا إللى حاسين غلط إنهم خلاص كبروا و معادش جواهم أمل إنهم يدوا لبلادهم ، إحنا محتاجينكم تمدوا إيديكم تأكـِّـلونا زى ما كنت دايماً بتأكلونا طول عمركم
عرض فيديو للزراعة بدون تربه

[صانعة في الحياة]

والآن أتركم مع المسئول عن المشروع د.أسامة البحيري الأستاذ في كلية الزراعة جامعة عين شمس ومدير مشروع زراعة أسطح المنزل بدون ترية بالمعمل المركزي المناخ بالقاهرة

المشروع ببساطة مش محتاج أكتر من مساحة فاضية فوق أى سطح و خبرة بسيطة فى الزراعة و مجموعة الأوانى العادية إللى إحنا يا إما بنرميها أو بنعينها و تتحول لكراكيب فى البيت ، زى زجاجات المياه المعدنية ، أو فردة كاتش قديمة نقسمها نصين ، الأوعية إللى بييجى فيها مسحوق الغسيل ، و حتى الأكياس البلاستيك السميكة. كمان ممكن الشباب يتدربوا على صنع ترابيزات (مناضد) و عزلها بتكلفة رخيصة جداً ويقوموا بالزراعة عليها, هتلاقى عندنا عشرات الألاف أو مئات الألاف من الأفدنه المزروعه خضار وفاكهه ونوفر الأرض للمحاصيل الرئيسيه.





طيب إذا كان الموضوع سهل كده ، وممتاز للدرجة دى إيه إللى مش مخليه يظهر لكل الناس

خلونا نتفق إن الموضوع ده حقيقى مخدش حقه فى الإعلام ، و ده دورنا النهاردة ، لكن فيه سبب أهملما نتكلم على المشروع ده فى علاج البطالة بتظهر شوية مشاكل تانية للأسف محدش حاول يعالجها:



أولاً : الشباب فى الغالب غير مدرب بشكل كافى على التعامل مع النباتات ، إحنا مش بنطلب إنهم يكونوا متخصصين ، لكن على الأقل لازم يتدربوا على الأساسيات

وعلى فكرة هنا مهم أوي نقول أن في حاجات الناس والشباب بيشوفها صعبة لأن التقاليد حسستهم أنها صعبة وأن في تجربة لواحد قدر يغير تقاليد أساسية في الشعب المصري والمزارع المصري (تجربة محمد علي باشا : الجاموسة- القطن)



ثانياً : مفيش جمعيات أهليه تجمع الشباب دول علشان يقوموا بعد كده بتوزيع إنتاجهم على المستهلكين



ثالثاً : مفيش جدية و إنتظام عند كتير من إللى عملوا المشروع ده ، و بالتالى مش بيكون من السهل إن صاحب محل الخضار أو الفاكهة يعتمد على إنتاجهم و يبطل يشترى من بره
رابعاً : لازم يكون عندنا جمعيات أهلية لحماية المستهلك و تعريفه بإن المنتجات إللى بنزرعها بالطريقة دى هى منتجات آمنه و هتحمى صحته و صحة أولاده ، لازم نبدأ نشوف إحنا بناكل إيه ، ده حق كل واحد فينا
طيب إيه مشروعنا فى صناع الحياة:

أولاً على مستوى الشباب والستات :هتلاقوا على النت برنامج تدريبى كامل – د. أسامه البحيرى, وهتدوروا على الخبراء فى هذا المجال فى كل بلد عربى وهتلا قوهم وتتصلوا بيهم , وبالنسبه للشباب فى مصر يروحوا يتدربوا بمنتهى الجدية على الزراعة فوق الأسطح و ده فى المعمل المركزى للمناخ الزراعى – مركز البحوث الزراعية ، و هتلاقوا بيانات المكان على الموقع ، الشباب دول مش هيتدربوا علشان يزرعوا بس ، لأ دول هيتدربوا علشان يقوموا بتدريب غيرهم من الشباب فى كل حى و كل شارع ، و نشوف فين شوارع صناع الحياة إللى هتنتج أحسن إنتاج...والدكتور أسامة معاه فريق عمل مستعدين بيسافروا بلاد عربية كثير ينقلوا التجربة ومستعدين أن أي فريق صناع حياة يدهوهم في كل مكان يروحوا ويعمل لهم دورات بسيطة لأن الدورة كلها يوم أو يومين ...وممكن النت يكون كفاية

ثانياً : محتاجين الشباب يجمعوا نفسهم فى جمعية أهلية هدفها نشر هذا النوع من الزراعه و جمع المنتجات دى و تسويقها ، و الرقابة عليها للتأكد من سلامتها ، لما الشباب دول يتفقوا مع عدد كبير من العمارات و يعلموا شباب العمارات دى إنهم يزرعوا هيكون عندهم عدد كبير من المنتجين الصغار ، و بالتالى كمية الإنتاج المتوقعة هتكون أكثر إستقراراً فيقدر صاحب محل الفاكهة و الخضار يعتمد على الجمعية فى توريد منتجاتنا

ثالثا: إحنا محتاجين رجال الأعمال يبدأوا يفكروا فى إنشاء شركة كبيرة تعتمد على شباب بأعداد كبيرة يقوموا بكل الأنشطة دى داخل الشركة ، و بعدين الشركة دى نفسها تتعاقد مع مستهلكين علشان توزع الإنتاج ، الشركة دى هتكسب يا جماعة صدقونى ، هتكسب فلوس كتير ، لكن كمان الناس إللى هيعملوا الشركة دى هيقابلوا ربنا و هما قادرين يقولوا يا رب إحنا أحيينا نفوس كتير

وأنا في نهاية الحلقة بقول أن مفيش زراعة من غير ميه وموضوع الميه موضوع كبير أوي لكن مبدئيا ..خلين أقول لكم على خير ممتاز .
جائزة قيمتها مليون ريال سعودي مقدمها الشيخ عبد الرحمن فقيه لأي شخص في الوطن العربي عنده اختراع جديد لتوفير المياه ..

[صانعة في الحياة]

كما نرجو أن تتابع المرحلة الثالثة للبرنامج على قناة اقرأ
الثلاثاء الساعة 10مساء بتوقيت مكة المكرمة
ويعاد الأربعاء الساعة 4 مساء بتوقيت مكة المكرمة
وأيضاً الجمعة الساعة 12 بتوقيت مكة المكرمة
نعرف أن وقت ثمين لكننا في أمس الحاجة إلى ساعة
واحدة فقط من وقتك هي مدة البرنامج

ونطمح في مشاركتكم على عنوان البرنامج ..
أرقام تليفونات البرنامج : 002 010 282 5862 / 3 / 4
رقم الفاكس : 002 02 760 31 08
العنوان البريدي: 14-5232 Beirut-Lebanon
الإيميل : program@amrkhaled.net

[صانعة في الحياة]

عفوا لقد تم تغيير موعد البرنامج
من

الثلاثاء الساعة 9مساء بتوقيت مكة المكرمة

الى

الثلاثاء الساعة 10مساء بتوقيت مكة المكرمة


ويعاد الأربعاء الساعة 4 مساء بتوقيت مكة المكرمة
وأيضاً الجمعة الساعة 12 بتوقيت مكة المكرمة


وشكرا ..

[صانعة في الحياة]

اا مجال من مجالات النهضة ..فاكرينهم ؟؟قلنا أن هما مرتبطين ببعضهما (فكرة الpuzzule) هنعرض عليكم تصور عمله واحد من الشباب ازاي ال 11 مجال بيدخلوا في بعضهم ..لكن الأول خلينا أقول لكم فكرة الـpuzzule ديه أهميتها قد ايه ...



الـpuzzule دايما بيكون عليها صورة من برة ومطلوب أنك تجمع القطع علشان تتطلعها زي الصورة ..فانت أصلا عندك الصورة الأول تعقد تبص عليها وتجمع القطع ..علشان تتطلعها زي الصورة يعني الصورة هي الرؤية بتاعتك وهي الدليل بتعاك والحكاية اللي أنا بقولها ديه مهمة أوي يا جماعة في صناع الحياة عارفين ليه ؟؟؟ لأن أنا هتخيل معاكم المسابقة ديه



احنا هنقسم الجمهور اللي قاعد معانا في الاستديو هنا.. يمين وشمال وهاندي الاثنين نفس القطع بالضبط هي.. هي ..وهنطلب من اليمين يشتركوا مع بعض ويطلعوا الشكل النهائي

وهنطلب من الشمال يشتركوا مع بعض ويطلعوا الشكل النهائي ...



§ لكن الفرق بين مجموعة اليمين ومجموعة الشمال حاجة واحدة بس أن أحنا هنيجي لمجموعة اليمين ونعطي لهم الصورة اللي برة الكرتونة وهنجي لمجموعة الشمال اللي معاهم نفس القطع لكن مش هنديهم الصورة ..



§ تفتكروا مين هيخلص الأول ..ومين اللي هيطلع شكل صحيح .أكيد.. أكيد اليمين اللي هيخلص الأول .. ليه ؟؟؟لأن عنده رؤية واضحة وعارف هو عايز يعمل ايه ورايح فيه ..بينما ..الشمال هيبذلوا مجهود جامد جدا بس مش هيخلصوا حاجة وإذا خلصوا..هيخلصوا في وقت رهيب لأن معندهومش صورة ورؤية واضحة
علشان كده ..مهم أوي يا شباب واحنا بنعمل الـpuzzule بتاعت الـ 11 مجال من مجالات النهضة نبقى شايفين احنا رايحين فين ..أنا عايزك تتخيل بمنتهى القوة والتركيز والتفصيل صورة نهضة بلادنا بعد عشرين سنة ، تتخيل كل التفاصيل علشان لما نركب ال 11 قطعة مع بعضهم ما تزهقيش وتقول احنا رايحين فين لانك فاهم أن كل قطعة منهم بتكمل الصورة ...
وأنا قبل ده تخيلت معاكم الصورة بعد 20 سنة لما تنركب القطع هيكون شكلها ايه ..فاكرين أنا قلت ايه ..قلت أنا شايف الصورة فيها :
· البطالة أقل من 5 %

· أرض بلادنا الصالحة للزراعة مزروعة بالكامل وفوقها أسطح المنازل والمدارس كلها خضرة

· شباب في صلاة الفجر زي عددهم في صلاة الجمعة ..

· عودة الحب للأسرة

· المرأة فعالة في المجتمع مش على هامش المجتمع.. هي قلب المجتمع ...

· التعليم بيطلع ناس فاهمة مش حافظة

· القطار بيطلع بين بلادنا العربية ينقل البضاعة من مصر لسوريا لليمن ..للسعودية ..

· جامعتنا بيجالها الشباب من كل العالم يتعلم فيها ..

· ميزانية البحث العلمي تكفي أن احنا اللي بنقود التطور والاختراع في العالم



ديه الصورة زي ما أنا شايفها بعد عشرين سنة بيكملها الـ 11 مجال

بس أنا برجوكم يا شباب شوفوا الحلم بالتفصيل علشان تصبروا ويزداد أملكم كل ما نركب قطعة في صناع الحياة



تعالوا نشوف فيلم مع بعض عملوه شاب من شبابنا ركب فيه الـ 11 قطعة على بعض

كاميرا ...

عرض انيمشين تركيب الـpuzzule
اللي عملوه اخونا هاني دوناً جميل ... لكن إحنا مازلنا منتظرين الفنانين المبدعين من شبابنا يعملوا انيميشن.. يورينا الوجه الآخر لتركيب الـ 11 مجال
..يعني يعملوا أنيمشين يطلع الصورة علشان كلنا نشوفها وهندي جايزة كبيرة لـ إللي يعمل الحكاية ديه وهنستضيفه هـنا في البرنامج..

لازم نشوف الصورة وتملا كل خيالنا عارفين ليه يا جماعة؟؟
لان بصراحة طريق صناع الحياة طريق طويل محتاج صبر طويل ومليان معوقات ..واللي هيصبرك على طول الطريق أن الصورة ملية كل كيانك ..فاضل تصبر على التركيب ...
النبي يا جماعة ماكانش بيقول للصحابة أن الإسلام هيتنصر وخالص..ده كان بيرسم ليهم تفاصيل الصورة علشان يعيشوها ويحكي لهم اللي هيصل بالضبط لما الإسلام يتنصر ..
فاكرين وهو بيقول لعدي بن حاتم ستفتح المدائن ..وما وقفش على كده لكن كمل صورة و وستخرج المرأة من الحيرة إلي مكة تطوف بالبيت يعني

· تصوره الشديد للستات في المجتمع ...وسينفق المال ويكثر حتى لا يجد من ينفقه ..يعني صورة اقتصادية للرخاء الاقتصادي
أجاسي لاعيب التنس المشهور فاز بأول بطولة ويمبلدون العالمية سنة 92 فاستضفوه أدام كل الجماهير علي الهواء بيقولوا له مبروك أول بطولة ويمبلدون في حياتك ..قال لهم لا انا فزت بالطولة 100 مرة قبل كده
..فالناس ما فهمتش

قال لهم أنا بقالي سنين شايف كل ليلة وأنا نايم تفاصيل اليوم ده



اتفقنا يا شباب ؟؟ صحيح زي ما قلت لكم والموضوع لسه طويل ومحتاج صبر طويل لكن الأمل كبير ..
احنا يا جماعة كل ما بنرمي بذرة نلاقي ربنا بفضله كبرها كثير ..
زراعة أسطح المنازل الله أكبر ..عشرات المدارس ومئات الناس ابتدوا فيه ولسه الأمل كبير ويكفى أنكم تعرفوه 4 حاجات من ضمن نماذج كثيرة اوي حصلت:



1- الدكتورة ميساء عبد العزيز أساتذة في كلية الهندسة جامعة القاهرة متخصصة في التخطيط العمراني ..شافت الحلقة ..و اتفقت مع محافظ الجيزة أن هي مع الدكتور أسامة البحيري مع شباب صناع الحياة في القاهرة هيعملوا تجربة pilot لزراعة أسطح منازل 50 منزل في أرض اللواء وهي النهاردة في الوقت اللي أنا بسجل فيه الحلقة بتعمل معاينة للمنطقة للبدء في المشروع

2- عضو مجلس أمناء مدينة الشيخ زايد للإسكان اتصل بالدكتور أسامة البحيري ..علشان يبدأ المشروع يتنفذ في مدينة الشيخ زايد

3- فتاة من بنات صناع الحياة في بورسعيد راحت قابلت عميد كلية التربية النوعية في بورسعيد واتقفت معاه يتعمل مؤتمر للطلبة فبي الكلية لنشر الفكرة بين كل طلاب الكلية ويدير الندوة الدكتور اسامة البحيري ...

4- فريق صناع الحياة بالسودان .. راحو وزارة الزراعة مباشرة كونوارابطة أصدقاء صناع الحياة بوزارة الزراعة بالسودان واتفقوا أن كل خريجي جامعة الخرطوم ...والرابطة ديه بتعمل ايه..؟؟,, بتخلي وزارة الزراعة تتفق مع إدارة الجامعة أن خريجي كل دفعة يخدوا دورة في زراعة اسطح المنازل ..
وكثير من الجمعيات عملت حاجات مشابهة ..كل ديه نماذج رائعة لنشر الفكرة لأن الفكرة هتنشر بالعدوى ويمكن من أجمل الأخبار في موضوع الزراعة بدون تربة ...

[صانعة في الحياة]

وأنا كنت في زيارة لليمن الأسبوع الماضي وتشرفت بان دولة اليمن وشعب اليمن ورئيس اليمن كرموني وأعطوني جائزة الاستحقاق من الدرجة الأولى علشان صناع الحياة ومشروعات المرحلة الثالثة وقالوا لي الوسام ده مش علشانك ده علشان شباب صناع الحياة ..

وتم الاتفاق مع وزير الزراعة اليمني على تعميم تجربة زراعة أسطح المنازل في اليمن

والمشروع هيتطور ومش هنسيبه ..
المهم اليوم سنبدأ بالصحة وأنا عارف أن الملفات كترت عليكم ، احنا لغاية دولوقتي قلنا من ساعة لما ابتدينا المرحلة الثالثة ..قلنا الصناعات الصغيرة وقلنا العمل الحرفي والمهني أن احنا نوجه ولادنا ليه وقلنا زراعة أسطح المنازل والنهاردة داخلين في الصحة مشروع جديد
وأنا عارف أن أنتم وشباب وصناع الحياة عاملين تقوالوا يــاه كثير أوي أتلخبطنا ..
لكن هو الموضوع ما بيمشيش كده يا جماعة ، لا يمكن نهضة كل الناس بتعمل كل حاجة ، لكن كل مجموعة تجد نفسها في مشروع... تعمله
احنا بركب الحتة ديه في الصورة الكبيرة وأنت وطاقتك لو عايز تشتغل معانا في أكثر من مشروع مثلا : هتشتغل في مشروع زراعة أسطح المنزل وفي نفس الوقت عندك مشروع صغير أو بتتعلم حرفة
ولذلك أن بقول لفرق صناع الحياة ونوادي صناع الحياة أنتم مطلوب منكم ثلاث حاجات أساسية :
1- نشر فكرة صناع الحياة ..يعني الدور الإعلامي ..نشرها في كل مكان ..ولو ما عملتوش إلا ديه يبقى نجاح كبير .

2- ساعدونا في مشروع حماة المستقبل لمحاربة المخدرات وندربكم عليه

3- كل ما نعلن عن مشروع في المرحلة الثالثة ..مش كلكم تعملوه لكن تقسموا نفسكم مجموعات ..مجموعة الصناعات الصغيرة ، مجموعة الحرف وتشيلوا المشروع ..مش مهم تعملوه قد ما مهم تخلوه الناس تعملوه ...



كل يوم وكل يومين كيف نعمل الفكرةدي وكيف ننفذ، المشوار لايزال طويل، بس هذه كلها بذور أمل، وبتقول أن فيه الناساللي تحركوا في السودان والبنت اللي تحركت ودكتورة الجامعة اللتي تحركت وعضو مجلسالإدارة اللذي تحرك كل هؤلاء شاهدوا الحلقة وتحركوا، وأنا بقول أن الأمل كبير ويمكنأن فيه حاجة جميلة أنا لسة راجع من اليمن منذ يوم كان عندي مجموعة ندوات في اليمنوالحقيقة لاقيت ترحيب وتكريم كبير لن انساه أبداً من أهل اليمن شعباً وحكومةوسلموني
وسام الاستحقاق من الدرجة الأولي سلمه لي رئيس الجمهورية وقالوا أن هذا ليس علشانك دة علشان اللي بيعملوه صناع الحياة في اليمن، واللي لمسناه من شباب صناع الحياة وأن أحنا معاكم كل اليمن معاكم هاتعمل معاكم مشروع زراعة أسطح المنازل، دة كان كلام رئيس الجمهورية الحقيقة كل الكلام دة بيقول أنه صحيح الطريق طويل ولكن الآمال كبيرة وهنقدر أن شاء الله، النهاردة هيا نبدأ بقي بعد كل التفاصيل دي سبنتكلم عن الصحة هتقولي ياعم أنت لخبطتنا أنت شويه صناعة وشويه زراعة وشويه صحة، إحنا المشاريع كترت علينا شويه عن أسطح المنازل وشويه عن المشروعات الصغيرة واليوم مشروع جديد عن الصحة لكن خلي بالكم يا جماعة محدش يتخيل أن النهضة بتقوم بأن كل الناس بتعمل كل حاجة، ولكن أنا بحب الحته دي ستات بيوت عندها الرغبة عجبتها حته أسطح المنازل مش علشان الغني والفقر ولكن تبقي رئة للحي بتعنا نشم منها هواء نقي أو علشان ناكل من عمل إيدينا تقول أن أحنا هانشيل الحتة دي، ويجي شاب يقول أنا بحب الصناعات الصغيرة أو أنا مهندس وبحب الحتة دي ويجي دكتور أو ست كبيرة تقول أنا ممكن أساعد في موضوع الصحة فكل واحد يجد نفسة في مشروع من اللي إحنا بنعرضه الرغبة يقول أنا هأشتغل في الحته دي لكن ما حدش يقول أنت لخبطتنا لكن محدش يتوقع أن كلنا ها نعمل كل حاجة إلا لو أنت عندك طاقة زيادة وتقول أنا ممكن أشتغل في دي و دي، لكن متقلوش أنت لخبطتنا وإللي يشوف معانا الحلقات والحته دي متخصوش يصبر للحلقة الجاية. يعني ستات كثير مبسوطين من حلقة زراعة أسطح المنازل وستات كثير منتظره حلقة المرأة وعائلات كثير منتظره الحلقات بتاعتة الأسرة، ونفضل ماشيين في صناع الحياة، لو دي ملقطتش معاك يمكن دي تلقط معاك، ولو دي لقطت معاك يمكن الثانية ما تلقطتش معاك، وحتى الكلام دة ماشي علي شباب ونوادي صناع الحياة في العالم كله. يا شباب مش مفروض أن صناع الحياة كل ما تلاقي حتة تروح رايحة فيها كلهم يا شباب قسموا أنفسكم، دي مجموعة الصحة ودي مجموعة التعليم ودي مجموعة الزراعة وكأن اللي أنا بطلبه من الناس كل اللي بيشاهدوني واللي بأطلبه خصوصاً من نوادي صناع الحياة حاجتين أساسيتين:- أول حاجة يا جماعة انشروا فكرة صناع الحياة فكرة النهضة الدور الإعلامي يا نوادي صناع الحياة أنا شوفت شباب اليمن انشروا الفكرة مش علشان الناس تتفرج علي صناع الحياة إنما علشان فكرة النهضة تتدخل في كل دماغ وكل دماغ فينا تبدأ تشوف الصورة وتقول أة أنا شايف إحنا نفسنا نعمل أية حتى لو لم نعمل. وحتى لو لم ننجح يطلع جيل جديد أتغرس جواه الفكرة يمكن أنا أموت ويمكن حضرتك تموت ولم نعمل شىء بس لو قدرنا علي الدور الإعلامي يا شباب صناع الحياة يا ستات يا رجالة ياللي بتقولوا نفسنا نساعد معاكم خلوا الناس تشوف الحلقة وأعطوا الحلقات دي لشاب أو دكتور أو وزير أو رئيس جمعية، خلي الناس تشوف. الدور الإعلامي رقم واحد أما رقم أثنين هو أن كل واحد يعجبة مجال من المجالات التي نعرضها يتبناه ويقول أن ها أشيلة وأعيش معاه عمري وهأقرأ فيه وهأفهمه وأشتغل فيه ونوادي صناع الحياة يوجهوا الناس للحكاية دي، أنا حبيت أقول كل الحاجات اللي في الأول دي
هيا بنا ندخل في الصحة، شوفوا يا جماعة أول حاجة نقولها هي الصحة دي ليه مهمة قويللنهضة هو يا جماعة ما فيش نهضة من غير صحة؟ اظن بسيطة قوي وسهلة قوي، تخيل الصحةدي عمله ذي أيه ذي الدابة بتاعتك دي الركوبة بتاعتك اللي ها توصلك لجنة ونار يعنيأنت ها تروح الزاي جنة أو نار ها تروح راكب حاجة، الحاجة اللي ها تركبها دي هيصحتك. الركوبة اللي ها تأخذك لنهضة بلادنا هي صحتك، تخيل ناس تريد تعمل نهضةوصحتها تعبانة، تخيل واحد عايز يمشي ألف كيلو وليس لديه دابة يروح بيها. دي ركوبتكلطريق النهضة جسمك دة وصحتك دي ولما بقول صحتك ما بتكلمش عن صحة البدن وبس، ولكنالصحة البدنية والصحة النفسية هي دي الركوبة اللي ها توصلك لطريق النهضة ومن غيرهامش ها تنفع توصل، ولذلك يا جماعة العالم كله بيقول لك عاوز تقيس نهضة أي بلد أسألعن حاجتين التعليم والصحة تعرف الدولة دي متقدمة أو الدولة دي متخلفة. طب لماذاالاثنين دول؟ لأن ببساطة أية قيمة الحياة من غير صحة وأية قيمة العقل من غير تعليم،فالأمة التي عندها صحة وتعليم عندها حياة وعقل وبالتالي الأمة دي تنهض، أبي ماجدالغزالي بيقول (غاية الله من العباد أن يعبدوه وأنَ يعبدوه وليس في الجسد حياة أوقوة) يعني ازاي يعبدوه وهما مش قادرين يقفوا يعني ما ينفعش نهضة من غير صحة.

[صانعة في الحياة]

طب الأول ايه هو مفهوم الصحة .؟؟.

تقصد علاج الأمراض ... تقصد أن أنا لما أيئ أتعالج كويس لغاية لما أخف ، العالم كله وكل الناس كانت فاهمة الصحة أن الصحة أنك ما يبقاش عندك مرض ، أن الصحة أنك تتعالج لما يكون عندك مرض...وفضل العالم كله ماشي على المفهوم ده سنين طويلة إلا علماء المسلمين ..رفضوا المفهوم الضيق ده وقالوا الصحة آخر حاجة فيها معالجة المرض والأصل فيها حفظ نعمة الجسد ...وحفظ المعافأة الكاملة بدنيا ونفسيا لدرجة أن ابن سينا الطبي المسلم المشهور كتب أول جملة في كتابه قبل الف سنة .. وقال الطب سلامة بدن وبرء سقم يعني حفظ الصحة ثم ..معالجة المرض

أي اعتبر أن الأصل في الطب الحفاظ على صحة الناس أي الطب الوقائي اللي معرفوش العالم الا في اخر 100 سنة ، ولما سألوه أنت جبت الكلام ده منين قالهم لان ربنا بيقول

((لقد خلقنا الانسان في احسن تقويم ))

((الذي خلقك فسوالك فعدلك ))



فالأصل أنك مخلوق سليم خلقت سليم بدنيا ونفسيا فحافظ على سلامة صحتك بدل ما تلجأ للعلاج ... فالأصل في الإنسان سلامة الصحة قبل العلاج .. والجميل في المفهوم ده يا جماعة أن كل تركيز الإسلام وكل أحاديث النبي ركزت على مبادي حفظ الصحة والمعأفاة ..والوقاية من الأمراض مش علاج الأمراض ..

وقليل أوي أوي أوي لما الإسلام يتكلم عن علاج الأمراض وطريقة علاج الأمراض عارفين ليه ؟؟
لأن الإسلام جاي لكل زمان ومكان وعلاج الأمراض هيختلف وهيتغير من كل زمان وزمان لكن



الأصل هو حفظ الصحة وديه مبادئها عامة في كل زمان ولذلك من عظمة الإسلام أنه ركز على قضية حفظ الصحة بمئات الأحاديث اللي هنتكلم عنها النهاردة بينما في علاج الأمراض ما دخلش في التفاصيل أبدا ، إلا نادرا لكن حط حديث رائع قال فيه ..."إن الله لم ينزل داء إلا أنزل له شفاء علمه من علمه وجهله من جهله" كأن الحديث بيحث على البحث العلمي وترك للتقدم العلمي اكتشاف العلاج في كل زمان



هو ده مفهوم الصحة ... اللي احنا عايزينه ..الحفاظ على سلامة البدن والنفس .. صحة بدنية ونفسية ثم علاج الأمراض ..



طب الصحة في بلادنا عاملة ايه ؟؟ بلادنا بذلت مجهود ضخم في علاج ومحاربة

كثير من الأمراض ..بنت مستشفيات وكليات طب ، ركزت على محاربة الأمراض المعدية .. زي الحصبة والأنفلونزا والجدري وعملت تطعيمات لكثير من الأمراض خاصة للأطفال ..ونجحت في عمل إنخفاض مملوس في وفيات الأطفال ..نتيجة التطعيمات ديه ..كل ده كويس



لكن هناك جانب آخر خطير..مهم أوي في حفظ الصحة لم يبذل فيه الجهد المطلوب والجانب ده خطير لأن بيسبب أمراض أخطر من الأمراض المعدية وبتموت العالم كله ..الجانب ده هو الأمراض الغير المعدية ..زي ايه ..

1- ارتفاع ضغط الدم

2- السكر

3- السمنة

4- أمراض القلب مثل انسداد الشرايين وتصلب الشرايين،فيسيصاب الإنسان بسكتة قلبية

5- سرطان الرئة

الأمراض ديه يا جماعة زي ما بتقول الwho نسبتها حاليا في العالم العربي 40 % من إجمالي الأمراض وسترتفع إلي 70 % من إجمالي الأمراض سنة 2020، يعني الأربع أمراض دول ..هيشكلوا 70 % من عييء الناس وهما الآن 40 % من عييء الناس في بلادنا



1- ضغط الدم ... بتقول who أن سنة 2000، 333 مليون في الدول المتقدمة و639 مليون في الدول الفقيرة .. نسبة الإصابة بضغط الدم في بلد زي مصر 27 % من إجمالي السكان
2- السكر .. وفيات السكر سنويا 3 مليون شخص ..وفي 6 وفيات كل دقيقة بسبب السكر ...
معدل انتشار مرض السكري في المنطقة من أكبر المعدلات في العالم ، فالاستعداد بين ما عنده المرض السكري فعلا ومن عنده استعداد للإصابة ..النسبة حوالي 25 % من السكان في الوطن العربي ومعنى هذا أن 1 من كل 4 أما عنده مرض سكري أو عنده استعداد للإصابة بالمرض السكري ، وأن في دول الخليج زاد معدل الإصابة بالسكر 4 أضعاف



3- السمنة :

· 80 % من أمراض السكر سببها السمنة ...

· السمنة بتزيد من احتمال الموقت بمرض السرطان 14 % من بين الرجال و 20 % من السيدات ..

· يعاني من زيادة الوزن أكثر من بليون شخص بالغ ...

· أنا من أعلى معدلات الإصابة بالسمنة في العالم في السعودية



1- كل الف مواطن في العالم العربي يصاب منهم من 100 –150 حالة مواطن سنوي مصاب بسرطان الرئة ..

الأمراض الغير معدية يا جماعة أصبحت وستصبح أشد فتكا في بلادنا من الطاعون زمان والإيدز الآن في الغرب ..





University of Pittsburgh


شفتهم الأمراض الغير معدية في العالم عاملة ازاي؟؟

النسبة ديه يا جماعة سنة 2020 وهتبقى عكس الرسمة لان أحنا 70 % من أمراضنا غير معدية

طب هي سببها ايه الأمراض ديه ؟؟
السلوكيات الخاطئة للناس ، سببها أسلوب الحياة الخاطئ اللي اعتاد عليه الناس واللي بتعارض مع التوازن الرباني وفترة ربنا اللي خلق عليها الإنسان ليبقى سليما فاختل التوزان .. ربنا بيقول ووضع الميزان إلا تطغوا في الميزان ... الأمراض ديه يا جماعة غير معدية لكن

[صانعة في الحياة]

سببها الإخلال بميزان الله الدقيق عن طريق عادات وسلوكيات خاطئة (يا أيها الناس إنما بغيكم على أنفسكم)

(( والسماء رفعها ووضع الميزان الا تطغوا في الميزان )) ماذا يعني هذا ؟؟ ان كل شيئخلفناه بنظام معتدل حتى اجسادكم ولو افسدتوه او ادخلتم ما يفسده ويصيبه بالخلل فانكل الجسن سيفسد فسبحان الله (( ووضع الميزان )) ويعني بالميزان في كل شيء حتى فياجسادكم وليس العدل في الارض فقط لا بل بداخلك ايضا (( الذي قدر فهدى )) كل شيئمخلوق بدقه متناهيه فالجسم من الداخل يستقبل العادات السيئه التي خالفت الاسلاموخالفت ما جاء به القران

السلوكيات ديه زي ايه ؟؟

1- طريقة التغذية الخاطئة .. الjunk ood و ال fast food ...

فيلم أمريكي شهير .. درس خطورة الأطعمة السريعة على الصحة ... قصته تمثلت أن بطل الفيلم قرر أن يأكل لمدة شهر كامل (فطار- غذاء -عشاء) من محل مكادونالذ ...كانت النتيجه في آخر الشهر أنه أصاب بالسمنة ودخل العناية المركزة ...



تقول منظمة الأغذية والزراعة التابعة لجامعة الدول العربية 840 مليون انسان يعانون من سؤء التغذية منهم 799 في الدول النامية ..



2- التدخين والشيشة : التدخين يؤدي إلي 6 أنواع من السرطنات ويموت بسببه سنويا 4 مليون نسمة ويؤدي إلي اجهاض النساء بنسبة 60 % من المدخنات ..

3- عدم ممارسة الرياضة ...وعدم الحركة أمام المكتب والكمبيوتر طول النهار ..حتى الستات مع الأسف 60 % من نساء الوطن العربي وزنهم زائد لأنهم لا يمارسون أي نوع من أنواع الرياضة ..











University of Pittsburgh



1- عدم النظافة والتلوث البيئي وتلوث المياه ...في عندنا قرى في العالم العربي بتشرب بالكامل مياه ملوثة وكلنا بنشم هواء ملوث للآسف



تعالوا نلخص أحنا قلنا ايه ؟؟؟ قلنا مفيش نهضة بدون صحة .. ومفهوم الصحة حفظ سلامة صحة البدن والنفس قبل معالجة الأمراض وأن بلادنا نجحت في علاج ومحاربة كثير من الأمراض لكن في كارثة عاملة بتزيد اسمها الأمراض الغير معدية هي ايه ..أربعة .. وسببها سلوكيات الناس الخاطئة.. زي ايه اربع حاجات قلناهم ..



الحل فين ؟؟

الحل في الإسلام ..النبي حط كل مبادئ حفظ الصحة والنجاة من الأمراض الغير معدية وده اللي أنا هأحكي لكم في بقية الحلقة ..كم رائع من الآيات والأحاديث للحفاظ على نمط حياة جيد يحافظ على الصحة ..



وسبحان الله ..تقوم منظمة الصحة العالمية تعمل مؤتمر سنة 85 وتصدر إعلان عجيب بيقول ...



أن الأصل حفظ الصحة باتباع أنماط الحياة الإسلاميةواتنشر ده في كتاب والكتاب معاي أهوه وضم الكتاب 60 نمط من أنماط الحياة الإسلامية اللي أمر بيها النبي ونصوص القران لحفظ الصحة والمعأفاة والوقاية من الأمراض ...



طيب ... ازاي نطبق كلام النبي ده ونحمي الناس من الأمراض الغير معدية ديه ..ونساعدهم على تصليح سلوكياتهم .(لازم نعمل توعية صحية )



حاليا مفيش توعية صحية كافية في بلادنا لحفظ الصحة والنجاة من الأمراض الغير معدية ..

فين التوعية الصحية في المناهج .؟

لازم الرسائل الصحية تتكرر بشكل غير مباشر تصل إلي الطالب بعدة طرق ،ليست كمادة متخصصة في حفظ الصحة ولكن في مختلف المناهج ، وبالتالي تكون النتيجة أن هذا التكرار يصل إلي الطفل ويتقبله وخاصة إذا طلب منه أن يقوم بعمل للحفاظ علي الصحة..



فين التوعية الصحية في الإسرة والبيت ..رغم حبنا لولادنا ..هل سمعتم عن أب عنده ملف صحي لأبنه يتابع فيه حالته الصحية ويسجل فيه الأمراض اللي اتعرض لها ... والأدوية اللي أخدها ..هل في أب بيعمل كشف دوري لأبنه ..هل في أب بيفهم ابنه خطورة ال junk food والمياه الغازية على صحته .. رغم أن احنا بنحب ولادنا ما بنعملش كده ..



الإعلام ...إعلانات التوعية الصحية ساذجة وغير مؤثرة ... ومفيش ولا إعلان ولا مسلسل ولا حتى لقطة في فيلم تشجع الناس أن هما يهتموا بصحتهم... بل العكس بتعلمهم التدخين والشيشة والسواقة المسرعة اللي بتموت الالاف الشباب

والنتجية ....السرطانات ، السكر ، ضغط الدم ، حوادث الطرق..



مين يحمل كلام النبي اللي هنقوله دولوقتي ويوصله للناس ..إذا كان الإسلام ركز على مبادي حفظ الصحة والنجاة من الأمراض الغير معدية والعالم كله حتى الغرب يعاني من هذه الأمراض والحل عندنا في دينا وربنا بيقول وما أرسالنك إلا رحمة للعالمين حتى غير المسلمين ..النبي رحمة ليهم بهديه الصحي والعالم بيتهمنا الآن أننا إرهابيين مع أننا رحمة ..مين يحمل هدي النبي للعالم

.ولذلك مشروعنا هو ..

ومن هنا ظهرت فكرة مشروعنا ، مشروعنا مش هيركز على الأمراض المعدية ، وعلاج المرضى ، ديه مش شغلتنا في صناع الحياة ، مشروعنا هيركز على الأمراض الغير معدية ...لأن الأمراض الغير معدية دية سببها الأساسي نقص التوعية لدى الشعوب بخطورة العادات الغذائية الضارة بخطورة التدخين بخطورة عدم النظافة بخطورة تلوث البيئة ، بخطورة المياه الملوثة ، بخطورة عدم مزولة الرياضة ,,, إحنا مشروعنا نعمل توعية صحية يقوم بيها الشباب في النوادي والمدارس والجامعات والمقاهي والشوارع والأحياء ...يقوم بيها الشباب اللي بيشوفنا دولوقتي وشباب صناع الحياة ونغير الدنيا في العالم العربي
نعمل حاجة نسميها المنتديات الصحية في كل مدينة وحي في العالم العربي يطوع فيها شباب يعملوا التوعية ديه ، ده المشروع ببساطة وإن كنا هنتكلم فيه المرة الجاية بالتفصيل ..لكن المشروع ده علشان يتم ويقدر الشباب يقوموا بالدور ده لازم نعمل شراكه دولية مع جهات تمدنا