[وفااا]

استريحي يالظنون الثايرة=لا تشبين الحرايق بالخضر
دام الافلاك بسماها سايرة=كل مطلع شمس له علم وخبر
يستقيم الخط ولا دايرة=الله اعلم وش مع طيف القدر
العفو ماهي بعيني حايرة=حيرتي بالفكر ماهي بالنظر
ورحي اللي في فلكها طايرة =مالها لو حلقت عندي مقر
يوم زادت بالثراء عثايرة =حلقت والجو محفوف الخطر
بعض تلات الخوافق جايرة =والذي قد جرب التلة عذر
التوا قلبي على سرايرة =والهواء فضاح مكنون البشر
لو بغيت احجد تبين فايرة=له حريق وله شعاع وله شرر
والغزالة في فلكها دايرة =الله اكبر قد لها فوق الشهر
من يبشرني وله بشايرة =السماء ونجومها بشارة قمر
قالها اللي فتح بصايرة =شاف واستعبر وعبر واعتبر

[وفااا]

. . نطوي صفحـة دايم السيـف الأميـر :: خالد الفيصل وماصافحتنا بـه ذائقتكـم الراقيـه وجعلت لـه ديوان مختلف ... يميزه أجمل ماقـرأنـا لـه وهو بحـر متسـع ... يصعـب إحصاء درره ومرجـانه . . وإحترت حقيقه من يأتي بعــده / . واختـرت الرسام والشاعر الامير بدر بن عبدالمحسن بن عبدالعزيز مدرسة شعرية ضـخمه ذات أسلوب خاص ,, تخرج منها رواد من الشعراء البدر شاعر لا ينافس إلا نفسه ,, شاعر يكتب الشعر ليس فقط للقراءة إنما أيضا للتأمل . . دعـونـا نسـافـر فـي خيـالـه .. ونبحـر بأجمـل قوافيــه !! . . بإنتظـاركـم . .

[وفااا]

[سحرالفجر]

ضيعت الدليل

كـل مااقــفـــــيـت نــــــادني تعـــــــــــــال

وكل مااقــبـــــلت عــــــــزم بالـرحـــــــيل

وكل مااجــــنـبت واعــــــدني شـمــــــــال

يااهــــل الحــــــب ضـــيعـت الـــــــــدلـيل

الحــــقـيقة غـــــــــدت مـــثـل الخـــــــيال

هـو عـــــــدوي وهـــــو اغــــلى خــــــليل

شفـــت انا الظـــــلم من بعـــض الـــــدلال

يجـــــــرح القــــــلب لو كـانه جـــــــــميل

اشهـــــــد ان الهــــــــوى مـابـه عــــــدال

هـــــو خـــــلى وانـا قــــــلـبي عـــــــــليل

وكل ماقـــــلـت له يـابــــــــن الحــــــــلال

المحــــــــبة عـــــــــطا وانـت بخـــــــــيل

الـتـفـت لـي وهــــــو عـجـــــــل وقــــــال

لـــــــــذة الحــــــــب في الشىً القـــــــليل

بدر بن عبدالمحسن

...

[Ŝђǿǿq Ťąbσύĸ]

[وفااا]

.
.
سحـر الغاليه ... حياك الله
إختيـار رقيـق ....
إجعلينـا نطوي صفحـة .. الأميـر خالد
وإصحبينا بإختياراتك
للشـاعـر البــدر ...
وأذكرك والأخوة والأخوات الأكارم أن لكـل شاعر أسبوع واحد

حتى نحصر أكبر عدد من الشعراء
.
.
كوني هنـا دومـا
.
.
شوق الغاليه .. شكرا لتـواصلـك
.
.

[Ŝђǿǿq Ťąbσύĸ]

لا جيت أنا بــ / "سامحك " ..

تبكي الجراح ما ودها .. !!

مشتاق ودي أصافحك..

. . " عـيت يـدي لا مـدها ". .

آهـ يا لجراح . . / . . راح اللي راح . .

. . " وراحتي " . . من يا ترى بيردها . . ؟ !

يا حــب . . / . . يا ذكرى واسمـ . .

مدري أنا أبـكـي عليك . . من . . " العذاب " . . أو أبتسم . . !

. . [ صدقني ] . .

في يأسي . . / . . نفسي " تبي " نفسي تبيك . .

لا يا دفا شـمـسـي . . " تبيك ". .

ليه خنتني . . الله عليك . . !!

لا تحاكي عيوني . . يمطر سحاب الملح . .

ولا تلمس أشجوني . . ينبت في قلبي جرح . .

ناظرني يا خلي . . جرح انا كلي . .

وشلون بـ . . / . . ارضى الصلح . . ؟!

فصل الخريف حبي . . " حزن وورق أصفر " . .

ودعني يا قلبي . . وخل العذاب أقصر . .
.
.
.

وراحتي . . من يا ترى بيردها ..؟!

بـدر بـن عـبـد الـمـحـسـن

[وفااا]

،، ،، وتِرحَل .. صَرخَتي تِذبَل في وادي .. لا صدى يوصل ولا باقي أنين زمان الصمت .. يا عُمر الحُزن والشكْوى .. يا خطوة ما غدت تقوى على الخطوة .. على هم السنين حبيبي .. كتبت اسمك على صوتي كتبْته .. في جدار الوقت على لون السما الهادي على الوادي .. على موتي .. وميلادي حبيبي .. لو أيادي الصمت خذتني .. لو ملتني ليل أنا عمري .. انتظاري لك لا تحرمني .. حياتي لك ،، ،، ،،

[سحرالفجر]

القلوب أصحاب





البارحة والقلوب أصحـاب
كنت القمر وأنت تمدحني
كذاب هذا المـدح كـذاب
وكـذّاب ذنب يجـرحني
انسـان..ماني نجم وشـهاب
ليتك مـلاكٍ وتصلحـني
لي صرت عـاري..علي ثياب
بالله وشـلون تفضحـني
اخطيت واخطيت كافي عتاب
إنطـق بحكمي وريحـني
ياصـاحبي ماقطعت أرقـاب
عـدلٍ قصـاصي وتذبحني
ولاني بعد أجمل الاصـحاب
الاجمـل انـك تسـامحني

بدر بن عبدالمحسن

[وفااا]

قصائده التي لم تكتمل : . . اضحكي ما عليك من الحكي .. إنتي أجمل من وطى فوق الثرى .. وإنتي أجمل من نظر عينٍ تشوف .. يا ترى وش سبب حزنك وخوفك .. إضحكي .. . . كنا ما بين الحكي .. والسكوت .. اظهر اشواك الخصام من قلبي واشفاهي ناظرتني بطرفها الساهي وقالت : لو تفارقني اموت .. وافترقنا .. لا لقا .. لا رسايل .. ولا صوت .. وكنت أسال دايم أسأل يا ترى وش صار فيها !؟ قالوا ( تزقح ) ماعليها .. صارت أجمل .. ابتسمت وقلت هذا اللي ابي .. بس .. كيف أنا صدقت يوم قالت بموت الصحيح .. إني غبي . . نستاهل الحب .. ونستكثر العطا .. ماهو صحيح .. ولا عدل .. لا تزعلي .. هذا العتاب المر لي .. إنتي الصواب وانا الخطا .. . . الخوف ظلما .. والقلوب أطفال والشك سيفٍ .. يقطع الآمال والهوى ملح الليالي .. وأجمل الأقدار عنه لا تسأل حبيبي .. وفيه لا تحتار العمر واحد .. والليالي قصار .. || بـدر بـن عبدالمحـــسن ||