[السعاده قادمه]

أنا اتأسف كان لحظه تسببت
في جرح غالي دون وزن الاموري

[السعاده قادمه]

بعض الامور اللي نشوفه للاسف مستعصيه
تبقى على حاله وانا قلته وعندي شاهدي .
. تبي تعرف اللي قصدته والامور المخفيه
ابشر بلخّص مقصدي وارجو السموحه .

[السعاده قادمه]

الغلا لو جبرني
ع الجفا ما طراه .
. وان تعنى نهرني
قلت له ما يراه .
. ما درى انه اسرني
وان حالي براه .
والوفا من صفاتي
عل قلبه يطيب .

[السعاده قادمه]

لاعتني الدنيا ولاموني الناس
واصبحت ما بين الألم والملامة
والبال من كثر التفاكير محتال
والجفن مما جاه حارب منامه
مثل الجبال تمر واقول لا باس

[السعاده قادمه]

يا للي كست وجهك رسوم الكآبة
دنياك ما تستاهل الحزن كله
انس التعب والهم وانس الغلابة
والبس ثياب النور والضيق خله
احذر من التفكير تلبس ثيابه
تراه كابوس الوهن والمذلة
والوجد لا ينهش شبابك بنابه
شي يضايق خاطرك لا تشله
ترى الزمن بر وبحر وغابة
ما يستوي لك زعفرانه وفله

[السعاده قادمه]

خلك وسيع الصدر بين القرابة
وابليس جنب مسلكه لا تدله
اكتم ظروفك وابد وجه الرحابة
واقنع برزقك حسب دقه وجله
العبد يالنشمي نصيبه نصابه
ماله سوى مقسومه اللي قسم له

[السعاده قادمه]

خلك على نفسك شديد الرقابة
تراك محسوب على كل زلة
واسمع وصايا من بعث لك جوابه
كلمة خليل ما قصر دون خله
واياك تعلن للنصوح الحرابة
لا صار عدل منطقه لا تمله
واحذر ربيع العمرتخسر شبابه
تراه يطوى مثل طي المجلة .

[السعاده قادمه]

أنت اعتبر حظك بنفس الرتابة
في كل شي وكل أمرك على الله
وإياك تبدي للحسود المهابة
غير الله احذر تندرج تحت ضله

[السعاده قادمه]

سع خيالك وانتبه من سرابه
ترى لبيب العقل عقله يدله
والعذب حاول ترتوي من شرابه
وانهض بفكرك والهدا لا تضله
مابيك تمشي في طريق النكابة
والشر ما ودي تعيش بمحله

[السعاده قادمه]

تيار لحزان شايلني معه
واقفا بقلبي وزوّد حيرتي
بالله يا ناس كيف أرجعه
واعيد ما كان لي في سيرتي
سود الليالي تراها موجعه
دارت رحاها على شخصيتي
تيار لحزان يا كيف أقنعه