[نورقباء]

هههههههههههههه غلط غلط غلط هو صح انها عجينه بس ماتحشى
ياله وراك عمرن طويل تتعلمي يبيلي بكره انزل طريقه المرقوق عشان تتعلمي
وتصيري جدتي الثانيه

[✿رآحــيل✿]

سهل يلا نزليه وبغمه عين اسويه ههههه
امممم وبمرقوق او بدونه انا جدتك غصب

[حليمه 1411]

هلا فييكم يا عسسالي والله لككم وحششه

[نورقباء]

وانتي لك وحشه اقول بما انك يا حكيمه جيتي قولي طريقه المرقوق وبسرعه

لحظه راحيل بروح اجيبه ههههههههههههههههههه

[اسرار البحار]

مع السلامة ان شاء الله نلتقي مرة ثانية انا الان بخرج تحياتي للجميع

[نورقباء]

اليوم الموضوع مافيه موانع ولا تنبيهات يعني لا اهنا ضببه ولا جرابيع ماغير سهود ومهود

طبختنا اليوم وهي المرقوق والمعروف ان الطبخات الشعبيه تقريبا متخصص فيها النساء اكثر من الرجال

والمرقوق من الطبخات الشعبيه الى منتشره بكثره في المملكه ودول الخليج وتعتبير من الذ الطبخات الشعبيه

وخصوصا الى صار معها قفر وزبيدي

يقولون " لولا الغيرة ما كبرت منيرة " وحيث هالحريم مدهرت في مملكه الاسره قلنا حنا وش زودنا ماندهر

وفي هاك اليوم قلت للوالده الله يحفظها اليوم مره خليك مرتاحه وانا الى بزين الغداء وصار الخيار على المرقوق

وطبعا في مثل هالطبخات مانستغني عن ارئها ولمستها
وبسم الله نبداء :
المقادير وطريقة التحضير:

1-كاسين دقيق اسمر
كاس دقيق ابيض
كاسين ماء
ملعقه ملح
2- نجيب لنا قدر ونعجنهن جميع الى تغدي مثل هالي في الصوره

ثم نخليها تخمر لها حوالي نص ساعه بحيث ان العجينه تصير متوسطة الليونه لهي الى شاده ولا مرتخيه
3- نقوم ياطويلين العمر ونقطع من العجينه قطع ( وجب لك شوي زيت عشان تدهن يديك بحيث انه يسهل عليك تشكيل
العجين وانه مايلصق في يديك) الين نخليها بمثل هالشكل الى في الصوره


4- تشب على القدر وتحمس البصل والطمام الى يشقر همن تحط اللحمه عاد حاشي والى غنم مع البهارات والملح
كلن ورغبته وتخليها لها على الضو الى حول ماتستوي اللحمه وطبعا الى بيضيف فاصوليا
والى اي نوع من الخضار حسب الرغبه

5- تفرد العجين على يدك لان الفرد بالمفرده الخشب مايصلح وعاد هذي يبي لها خبره شوي ومع الممارسه
كلش يهون بحيث ان العجينه ماتغدي ثقيله وتصير خفيه وعلى شكل دائري

6- الى خلصت من فرد العجينه تحطها بالقدر بشكل متساوي ويلاحظ ان العجينه الى انتفخت مثل كذا انها تشق بالسكينه الين تنسم وتحرك من جه وحده عشان ماتخرب العجين
مثل تصير تحريك القرص من جة اليمين لليسار ومايدر به


7-عاد المرقوق اهم شي فيه الخضار يعني مثل الجزر والكوسه والقرع والبيدجان والبصل والفصوليا...
تقطع بشكل كبير مثل هالي في الشكل

وتضاف بعد ماتخلص مره من وضع اقراص المرقوق

8- اخر شي تضيف التكشينه حسب الرغبه لانها تطعم في المرقوق ( وهي عباره عن بصل مقطع صغار وشوي بهار
و فلفل اسود وكمون) ويحط عاد حبحر وليمون اسود حسب الرغبه

9- تكتم القدر بقصدير عشان يستوي مضبوط

10- يقصر عليه شوي ويحسب له حول ساعة ونص ثم يقدم وصحتين وعافيه على قلوبكم



وبالهناء والشفاء


بكره انزله بقسم الطبخ بالصور لان اليوم نزلت ورق العنب

[✿رآحــيل✿]

كيف احوالكم حكيمه ياارب انصلحت وصحه اخوكِ

الله معك اسرار

[✿رآحــيل✿]

تمام بالصور صح يصير اوضح
تسلمي يانور تعبتك نسخ لصق ههه امزح

[نورقباء]

مع السلامه اسرارتحياتي لسهى ..

عارفه انك ماتفهمين الا بالصور بس تعبتيني على الفاضي اجل بكره تلقينه بقسم الطبخ
بسميه مرقوق الاخت راحيل هههههههههههههههههه

[✿رآحــيل✿]

لا لا سويه مرقوق جدتي راحيل ,,,,,,,,,,,,,,,بليز بليز بليز
وبالصور ضروري هههههه
ويش فيها لو تعبتي عشاني
وين تعبك ارح على الفاضي بالعكس اخذت فكره
حلو احاسبك على كلمه
جدتك اوريك العين الحمراء